Breaking News 
-+91-9937148622 |
prerana_bgr@rediffmail.com |
Saturday 4th July 2026 |
R.N.I. Regd No. ODIODI/2010/46693
Breaking News
31-Mar-2026
ନୂଆଦିଲ୍ଲୀ(ପ୍ରେରଣା ଖବର): ରାଜ୍ୟସଭା ସାଂସଦ ନିରଞ୍ଜନ ବିଶି କେନ୍ଦ୍ରୀୟ ସଶସ୍ତ୍ର ପୁଲିସ ବଳ (ସାଧାରଣ ପ୍ରଶାସନ) ବିଧେୟକ, ୨୦୨୬ ଉପରେ ଚର୍ଚ୍ଚା କରି ବିଲ୍ର ବିଭିନ୍ନ ପ୍ରସଙ୍ଗରେ କଡ଼ା ଆପତ୍ତି ଉଠାଇଛନ୍ତି।
ସେ କହିଛନ୍ତି ଯେ, ବିଧେୟକ ଟି କେନ୍ଦ୍ରୀୟ ରିଜର୍ଭ ପୁଲିସ ବଳ, ସୀମା ସୁରକ୍ଷା ବଳ, ଭାରତ-ତିବ୍ବତ ସୀମା ପୁଲିସ ଓ କେନ୍ଦ୍ରୀୟ ଔଦ୍ୟୋଗିକ ସୁରକ୍ଷା ବଳ ମଧ୍ୟରେ ସମନ୍ୱୟ ବୃଦ୍ଧି କରିବା ଏବଂ ସରଲିକରଣ କରିବା ରେ ଗୁରୁତର ତ୍ରୁଟି ରହିଛି।
ସାଂସଦ ଶ୍ରୀ ବିଶି ଉଲ୍ଲେଖ କରିଛନ୍ତି ଯେ ରାଜ୍ୟ ପୁଲିସ ସହ ଅଭିଯାନ ସମୟରେ କମାଣ୍ଡ ଗଠନରେ ସ୍ପଷ୍ଟତା ନଥିବାରୁ ସମସ୍ୟା ସୃଷ୍ଟି ହେବ। ବିଧେୟକ ରେ
ଆଧୁନିକ ସୁରକ୍ଷା ଚ୍ୟାଲେଞ୍ଜ ମାଓବାଦ, ଆତଙ୍କବାଦ ଓ ସୀମା ପରିଚାଳନା ପାଇଁ ପ୍ରଯୁକ୍ତି, ସାଇବର କ୍ଷମତା ଓ ଆଧୁନିକ ସାଧନରେ ଯଥେଷ୍ଟ ଗୁରୁତ୍ୱ ଦିଆଯାଇ ନାହିଁ ।
ମାନବାଧିକାର ସୁରକ୍ଷା ପାଇଁ ସମ୍ବେଦନଶୀଳ ଅଞ୍ଚଳରେ ଉତ୍ତରଦାୟୀତ୍ୱ କ୍ଷମତା ରେ ସ୍ପଷ୍ଟ ବ୍ୟବସ୍ଥା ନାହିଁ।
କେନ୍ଦ୍ରୀକରଣ ବଢ଼ିବା ନେଇ ସେ କହିଲେ ଯେ ଏହା ସଂଘୀୟ ବ୍ୟବସ୍ଥା କୁ ଦୁର୍ବଳ କରିପାରେ l
ସେ ଆହୁରି କହିଲେ ଯେ ଭାରତୀୟ ପୁଲିସ ସେବା ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛି ଯାହା ଖୁଫିଆ ସୂଚନାରୁ ଆରମ୍ଭ କରି ତଦନ୍ତ ଓ ନ୍ୟାୟ ପ୍ରକ୍ରିୟା ପର୍ଯ୍ୟନ୍ତ ସମନ୍ୱୟ
ରଖେ। ଏହାର ଭୂମିକା କମିଲେ ସମଗ୍ର ପ୍ରଣାଳୀ ପ୍ରଭାବିତ ହେବ ବୋଲି ସେ ସଚେତନ କରିଛନ୍ତି।ଓଡ଼ିଶାର ଉଦାହରଣ ଦେଇ ସେ କହିଛନ୍ତି ଯେ ବଲାଙ୍ଗିର ସହିତ ଅନେକ ଅଞ୍ଚଳ ନକ୍ସଲମୁକ୍ତ ହୋଇଛି, ଯେଉଁଠାରେ ରାଜ୍ୟ ପୁଲିସର ମୁଖ୍ୟ ଭୂମିକା ଥିଲା ଓ କେନ୍ଦ୍ରୀୟ ବଳ ସହଯୋଗ କରିଥିଲେ।
ସେ କେନ୍ଦ୍ରୀୟ ସଶସ୍ତ୍ର ପୁଲିସ ବଳରେ ୯୩,୦୦୦ ରୁ ଅଧିକ ଖାଲି ପଦ, କର୍ମଚାରୀଙ୍କ ସେବା ସୁବିଧା, ମାନସିକ ସ୍ୱାସ୍ଥ୍ୟ ଓ ଅଭିଯୋଗ ନିବାରଣ ବ୍ୟବସ୍ଥା ଉପରେ ଅଭାବ ନେଇ ସରକାରକୁ ଘେରିଥିଲେ।
ଏହା ସହିତ ଅନୁସୂଚିତ ଜନଜାତି ଓ ଅନୁସୂଚିତ ଜାତି ବର୍ଗର ପ୍ରତିନିଧିତ୍ୱ ଓ ବ୍ୟାକଲଗ୍ ପଦ ପୂରଣରେ ବିଳମ୍ବ ଉପରେ ସେ ଗଭୀର ଚିନ୍ତା ବ୍ୟକ୍ତ କରିଥିଲେ।
ଶେଷରେ, ସାଂସଦ ଶ୍ରୀ ବିଶି ସରକାରଙ୍କୁ ବିଲ୍ରେ ଆବଶ୍ୟକ ସଂଶୋଧନ କରି ସମନ୍ୱୟ ଓ ସଂଘୀୟ ବ୍ୟବସ୍ଥା ସୁଦୃଢ଼ କରିବାକୁ ଦାବି କରିଥିଲେ।
ସେ ଲୋକସଭା ସାଂସଦ ନିଶିକାନ୍ତ ଦୁବେଙ୍କ ଦ୍ୱାରା ଭାରତ, ଇଣ୍ଡୋନେସିଆ, ରୁଷିଆ ଦେଶର ଭୂମିପୁତ୍ର ବୈଶ୍ୱିକ ନେତା ତଥା ଆଧୁନିକ ଓଡିଶା ର ନିର୍ମାତା, ଓଡିଶା ର ପୂର୍ବତନ ମୁଖ୍ୟମନ୍ତ୍ରୀ ବିଶିଷ୍ଟ ସ୍ୱାଧୀନତା ସଂଗ୍ରାମୀ ବିଜୁ ପଟ୍ଟନାୟକଙ୍କ ବିରୋଧରେ କରାଯାଇଥିବା ଅପମାନଜନକ ମନ୍ତବ୍ୟ କୁ ମଧ୍ୟ ଘୋର ନିନ୍ଦା କରି ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବୀ କରିଥିଲେ l
