30-Mar-2026

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ଠାରେ ଦେୱାନି ଓ ଫୌଜଦାରୀ କୋର୍ଟ ର ଶୁଭ ଉଦଘାଟନ ହୋଇଯାଇଛି। ଏହା ଭରଚୁଆଲ ମାଧ୍ୟମ ରେ ଅନୁଷ୍ଠିତ ହୋଇ ଯାଇଛି l ଓଡ଼ିଶା ହାଇକୋର୍ଟ ର ମୁଖ୍ୟ ବିଚାରପତି ହରିଶ ଟନଦନ ଓ ମୁଗଙ୍ଗ ଶେଖର ସାହୁ ଭିଡିଓ ବାର୍ତ୍ତା ମାଧ୍ୟମ ରେ ଉଦ୍ଘାଟନ କରିଥିଲେ । ଆଗଲପୁର କୋର୍ଟର  ବିଚାରପତି ଭାବେ ଦିପ୍ତିମୟି ସାହୁ ଙ୍କୁ ନିଯୁକ୍ତି ଦିଆଯାଇଛି।ଏହି ଅବସର ରେ ପ୍ରଥମ ଶ୍ରେଣୀ ବିଚାରପତି ଦୀପ୍ତିମୟି ସାହୁ  ଆଜି 2 ଟି କେସ ରେ 6 ଜଣ ସାକ୍ଷ୍ୟ ପ୍ରମାଣ ସହ ଶୁଣାଣି କରିଥିଲେ । ଏବଂ 1354 ଟି କେସ ଲୋଇସିଂହା ଜେ ଏମ ଏଫ୍ ସି କୋର୍ଟ ରୁ ଆଗଲପୁର ନୂତନ କୋର୍ଟ କୁ ସ୍ଥାନାନ୍ତରିତ କରାଯାଇ ଥିବା ସରକାରୀ ଓକିଲ ରମାକାନ୍ତ ନାଏକ ଓ ରଘୁମଣି ସେଟ୍ ସୂଚନା ଦେଇଛନ୍ତି । ଏହି କାର୍ଯ୍ୟ କ୍ରମ ରେ ବଲାଙ୍ଗୀର ରେଜିଷ୍ଟ।ର ସିଦିପ ମିଶ୍ର , ବରିଷ୍ଟ ଆଇନଜୀବୀ ପ୍ରହଲ୍ଲାଦ ଅଗ୍ରୱାଲ, ଜିଲ୍ଲା ପରିଷଦ ଅଧ୍ୟକ୍ଷ। ଦେବକୀ ସାହୁ , ଏ ବି ଡି ଓ ରୁଦ୍ର ପ୍ରସାଦ ସୁନା , ତହସିଲଦାର ନବୀନ କିଶୋର ପାଢ଼ୀ , ଡ୍ ଧୀରେନ୍ଦ୍ର ମେହେର , ଅତିରିକ୍ତ ଏସ ପି ସମ୍ମାନିତ ଅତିଥି ଭାବେ ଯୋଗଦେଇ ଥିଲେ ।ଏହା ବ୍ୟତୀତ ଓକିଲ ସଂଘର ରମାକାନ୍ତ ନାଏକ , ରଘୁମଣି ସେଟ୍ , ଦିଲ୍ଲୀପ ବେହେରା , ରାଜକିଶୋର ମିଶ୍ର , ଶଶାଙ୍କ ଭୋଇ , ପ୍ରବୀଣ ତ୍ରିପାଠୀ , ପ୍ରଦୀପ ତ୍ରିପାଠୀ , ଅମିତ୍ ତ୍ରିପାଠୀ , ସ୍ମିତାଞ୍ଜଳି ମିଶ୍ର ପ୍ରମୁଖ ଶତାଧିକ ଆଇନଜୀବୀ ଯୋଗଦାନ କରି ଥିବା ବେଳେ ବୁଦ୍ଧିଜୀବୀ ,ନାଗରିକ କମିଟି ,ଜନସାଧାରଣ ଯୋଗଦାନ କରିଥିଲେ । ଏହି କୋର୍ଟ ହେବା ଯୋଗୁ  ଲୋକେ ଅତି ନିକଟରୁ ନ୍ୟାୟ ପାଇବା ସହ ସହଜ ,ସୁବିଧାରେ ଯିବା ଆସିବା କରିବେ ବୋଲି ଜନମତ ରେ ପ୍ରକାଶ ପାଇଛି l ଆଗଲପୁର ଅଞ୍ଚଳ ରେ କୋର୍ଟ ହେବା ଯୋଗୁଁ ବହୁ ଦିନର ସ୍ବପ୍ନ ସାକାର ହୋଇ ଥିବା ବେଳେ ଖୁସିରଲହରୀ ଖେଳିଯାଇଛି l