25-Mar-2026

ସୁବର୍ଣ୍ଣପୁର( ମନୋରଞ୍ଜନ ତ୍ରିପାଠୀ ) ସାରା ରାଜ୍ୟରେ ମାର୍ଚ୍ଚ ୨୧ ରୁ ୩୧ ମାର୍ଚ୍ଚ ପର୍ଯ୍ୟନ୍ତ ଆୟୋଜିତ ହେଉଥିବା ସ୍ୱତନ୍ତ୍ର ସଡ଼କ ସୁରକ୍ଷା ସଚେତନତା ଅଭିଯାନ ଅବସରରେ ସୋନପୁର ଆଞ୍ଚଳିକ ପରିବହନ ବିଭାଗ ପକ୍ଷରୁ ମଧ୍ଯ ସ୍ବତନ୍ତ୍ର କାର୍ଯ୍ୟକ୍ରମ ଚାଲିଛି । ପରିବହନ ଅଧିକାରୀ ଶ୍ରୀ ପ୍ରିୟବ୍ରତ ମହାନ୍ତିଙ୍କ ତତ୍ତ୍ଵାବଧାନରେ ମାର୍ଚ୍ଚ ୨୧ ଦିନ ସୋନପୁର ଥାନାଧିକାରୀ ଙ୍କ ସହିତ ସମନ୍ୱୟ ରଖି ସୋନପୁରର ତେଲ ନଦୀ ସେତୁ ନିକଟରେ ସ୍ୱତନ୍ତ୍ର ମିଳିତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ଏଥିରେ ମଦ୍ୟପାନ କରି ଗାଡି ଚଳାଉ ଥିବା ଅମାନିଆ ଚାଳକଙ୍କର ଚାଲାଣ କଟା ଯାଇଥିଲା । ସେହିପରି ୨୨ ତାରିଖ ଦିନ ତମାମ ବିଭିନ୍ନ ପ୍ରକାର ସଚେତନତା ଓ ଯାନ ବାହାନ ଯାଞ୍ଚ ଅୟୋଜନ ହୋଇଥିଲା ଏହି ଅବସରରେ ଅର୍ଜୁନପୁର ଛକରେ ଗାଡ଼ି ମଟର ଗୁଡ଼ିକର କାଗଜ ପତ୍ର ଯାଞ୍ଚ କରାଯାଇଥିଲା ଏବଂ ବିନିକା ବ୍ଲକରେ ଅଟୋ ଚାଳକମାନଙ୍କୁ ନେଇ ଏକ ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଯେଉଁଥିରେ ଅଧିକ ଯାତ୍ରୀ ନେଇ ଗାଡି ଚାଳନା ନ କରିବା, ଟ୍ରାଫିକ୍ ନିୟମ ପାଳନ କରିବା, ଯାନର ସଠିକ୍ କାଗଜପତ୍ର ସୁନିଶ୍ଚିତ କରିବା ଏବଂ ଯାତ୍ରୀଙ୍କ ସୁରକ୍ଷାକୁ ପ୍ରାଥମିକତା ଦେବା ଉପରେ ଗୁରୁତ୍ୱାରୋପ କରାଯାଇଥିଲା। ତତ୍ ସହିତ ବିନିକା ଥାନ ପୋଲିସ ବିଭାଗ ସହିତ ସମନ୍ୱୟ ରକ୍ଷାକରି ସନ୍ଧ୍ୟାରେ ମହାଦେବପାଲି ଠାରେ ବେପରୁଆ ଗାଡି ଚାଳନାଙ୍କ ବିରୁଦ୍ଧରେ କଡାକଡି ଭାବରେ ଯାଞ୍ଚ କରାଯାଇ ମଦ୍ୟପ ଚାଳକଙ୍କ ଚାଲାଣ କଟାଯାଇଥିଲା । ଏହା ସହିତ ବିଭିନ୍ନ ସ୍ଥାନରେ ବିଭିନ୍ନ ପ୍ରକାର ଯାନ ବାହାନରେ ସଡ଼କ ସୁରକ୍ଷା ସମ୍ପର୍କିତ ଇକୋ ଭିନାଇଲ୍ ପାମ୍ଫଲେଟ୍ ମଧ୍ଯ ଲଗାଯାଇଥିଲା। ଉକ୍ତ କାର୍ଯ୍ୟକ୍ରମ ରେ ମୋଟର ଯାନ ନିରୀକ୍ଷକ ଶ୍ରୀ ଅଜିତ କୁମାର ନାୟକ, କନିଷ୍ଠ ମୋଟର ଯାନ ନିରୀକ୍ଷକ ଶ୍ରୀ ଦେବବ୍ରତ ପଟ୍ଟା, ଟ୍ରାଫିକ ସବ ଇନ୍ସପେକ୍ଟର ମିସ ପୂଜା ଭେଙ୍ଗରା ଓ କାର୍ଯ୍ୟାଳୟର ପ୍ରବର୍ତ୍ତନ ଟିମର ସମସ୍ତ କର୍ମଚାରୀ ପ୍ରମୁଖ ଉପସ୍ଥିତ ଥିଲେ।