25-Mar-2026

ବିନିକା(ହିମାଂଶୁ ଶେଖର ପୁଟେଲ)ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ରାମଚନ୍ଦ୍ର ତାଙ୍କର ପ୍ରଜା ବତ୍ସଳତା,ତ୍ୟାଗ ଓ ଆଦର୍ଶ ଚରିତ୍ର ପାଇଁ କେବଳ ଭାରତର ହିନ୍ଦୁ ମାନଙ୍କର ଆରାଧ୍ୟ ଦେବତା ନୁହନ୍ତି ;ସମଗ୍ର ବିଶ୍ୱରେ ତାଙ୍କର ଚାରିତ୍ରିକ ବୈଶିଷ୍ଟ୍ୟ ମାନବ ଜାତିର ଧ୍ୟେୟ ହୋଇରହିଛି। ଜାତି,ଧର୍ମ,ବର୍ଣ୍ଣ ନିର୍ବିଶେଷରେ ତାଙ୍କର ଆଦର୍ଶ ମାନବ ସମାଜକୁ ପ୍ରଭାବିତ କରିଛି ।ତାଙ୍କର ଗୁଣ ଓ ଗାଥା ରାମାୟଣ ସର୍ବତ୍ର ପଠିତ ଓ ପୂଜିତ ।ସେହି ମର୍ଯ୍ୟାଦା ପୁରୁଷଙ୍କର ଜନ୍ମଦିନକୁ ବହୁ ଆଡମ୍ବର ସହକାରେ ଆଗାମୀ ୨୭ତାରିଖ ଦିନ ୧୧ଘଣ୍ଟା ସମୟରେ ପବିତ୍ର ରାମନବମୀ ତିଥିରେ ପାଳନ କରିବା ନେଇ ସ୍ଥାନୀୟ ମୁକ୍ତିତୀର୍ଥ ବିନିକା ସ୍ଥିତ ପାପକ୍ଷୟ ଘାଟ ପରିସରରେ ସୁବର୍ଣ୍ଣପୁର ଜିଲ୍ଲା ଶିବସେନା ସଭାପତି ଶିବୁ ପ୍ରସାଦ ଦାଶଙ୍କ ଆବାହକତ୍ୱରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା।ଏଥିରେ ବହୁ ମାତ୍ରାରେ ରାମନବମୀ ଭକ୍ତ ମାନେ ଯୋଗଦେଇଥିଲେ। ଜିଲ୍ଲା ଉପ ସଭାପତି ଅଗସ୍ତି ପଣ୍ଡା ପ୍ରଭୁ ରାମଚନ୍ଦ୍ର ହେଉଛନ୍ତି ତ୍ୟାଗର ପୁରୁଷ ଓ ବିବେକର ମୂର୍ତ୍ତିମନ୍ତ୍ରର ପ୍ରତୀକ ବୋଲି କହିଥିଲେ ।ତାଙ୍କ ଜନ୍ମଦିନରେ ଏକ ଦୀପଦାନ କାର୍ଯ୍ୟକ୍ରମ ମହାଆଡମ୍ବରରେ କରାଯିବ ବୋଲି ବୈଠକରେ ସ୍ଥିର ହୋଇଥିଲା।ଅନୁଷ୍ଟିତ ଏହି ପ୍ରସ୍ତୁତି ବୈଠକରେ ଜିଲ୍ଲା ଉପସଭାପତି ଧ୍ରୁବ ଚରଣ ପ୍ରଧାନ,ସାଧାରଣ ସମ୍ପାଦକ ଶମ୍ଭୁ ପ୍ରସାଦ ହୋତା,ସାଂସ୍କୃତିକ ସମ୍ପାଦକ ଚନ୍ଦନ ଦେହେରି,କୃଷକ ସଂଗଠନ ସଭାପତି ବାବୁଲୁ ବରିହା,ପଛୁଆବର୍ଗ ଜିଲ୍ଲା ସଭାପତି ସରୋଜ ବାରିକ,ଯୁବ ସଭାପତି ପ୍ରଶାନ୍ତ ମହାନନ୍ଦ, ଏସି/ଏଟି ସଭାପତି ରାଜେନ୍ଦ୍ର ଜଗଦଳା ପ୍ରମୁଖ ଉପସ୍ଥିତ ରହି ପ୍ରଭୁ ରାମଚନ୍ଦ୍ରଙ୍କ ପୌରାଣିକ କଥା ବସ୍ତୁ   ବର୍ଣ୍ଣନା କରିଥିଲେ।