23-Mar-2026

ନୂଆଦିଲ୍ଲୀ(ପ୍ରେରଣା ଖବର): ରାଜ୍ୟସଭାର ଚାଲୁଥିବା ବଜେଟ୍ ଅଧିବେଶନ ସମୟରେ ଓଡିଶାର ରାଜ୍ୟସଭା ସାଂସଦ ଶ୍ରୀ ନିରଞ୍ଜନ ବିଶି ବଲାଙ୍ଗୀର ଜିଲ୍ଲାର ପାଟଣାଗଡ଼ ସାଲେପାଲି ଅଞ୍ଚଳରେ ଗ୍ରାଫାଇଟ ଖଣି ଖନନ ଲିଜ ଦିଆଯାଇଥିବା ଘଟଣାକୁ ନେଇ ଗଭୀର ଚିନ୍ତା ବ୍ୟକ୍ତ କରିଛନ୍ତି। ସେ ଏନେଇ ଖଣି ମନ୍ତ୍ରଣାଳୟକୁ ଏକ ତାରାଙ୍କିତ ପ୍ରଶ୍ନ ପଚାରି ଥିଲେ।
ସାଂସଦ ଶ୍ରୀ ବିଶି ପ୍ରଶ୍ନ କରିଥିଲେ ଯେ, ସlଲେପାଲି ଅଞ୍ଚଳରେ ଗ୍ରାଫାଇଟ ଖଣିଜ ବ୍ଲକ୍ ପାଇଁ କୌଣସି ଖନନ ଲିଜ ସଂଯୁକ୍ତ ଲାଇସେନ୍ସ କିମ୍ବା ନିଲାମ ପ୍ରକ୍ରିୟା ହୋଇଛି କି? ଯଦି ହୋଇଥାଏ, ତେବେ ଠିକାଦାର କିଏ, ନିଲାମ କେବେ ହୋଇଥିଲା ଏବଂ ଲିଜ ଅଞ୍ଚଳ ପରିମାଣ କେତେ ଦିଆଯାଇଛି ? ସେହିପରି ଏହି ବ୍ଲକ୍‌ରେ ଅନୁମାନିକ ଗ୍ରାଫାଇଟ ଭଣ୍ଡାର ଓ ପ୍ରକଳ୍ପର ବର୍ତ୍ତମାନ ସ୍ଥିତି ସମ୍ପର୍କରେ ମଧ୍ୟ ସୂଚନା ମାଗିଥିଲେ ।
ଏହାର ଉତ୍ତରରେ କୋଇଲା ଓ ଖଣି ରାଜ୍ୟମନ୍ତ୍ରୀ ଶ୍ରୀ ସତୀଶ ଚନ୍ଦ୍ର ଦୁବେ କହିଥିଲେ ଯେ, ୧୨୨୩.୨୯ ହେକ୍ଟର ଅଞ୍ଚଳରେ ବିସ୍ତୃତ ସlଲେପାଲି ଗ୍ରାଫାଇଟ ବ୍ଲକ୍‌ର  ନିଲାମ ହୋଇସାରିଛି। ଏହି ବ୍ଲକ୍‌ରେ ପ୍ରାୟ ୦.୧୫୩ ମିଲିଅନ୍ ଟନ୍ ଗ୍ରାଫାଇଟ ସମ୍ପଦ ରହିଛି।
ଏହି ବ୍ଲକ୍‌ଟି ୧୫ ମେ ୨୦୨୫ରେ ଭିନମୀର ରିସୋର୍ସେଜ ପ୍ରାଇଭେଟ ଲିମିଟେଡ୍‌କୁ ନିଲାମ ମାଧ୍ୟମରେ ଦିଆଯାଇଛି । ୨୭ ମେ ୨୦୨୫ରେ ନିଲାମ ଘୋଷଣା ହୋଇଥିଲା ଏବଂ ୧୮ ଜୁଲାଇ ୨୦୨୫ରେ ଚୁକ୍ତିନାମା ପତ୍ର ଜାରି ହୋଇଛି ବୋଲି ମନ୍ତ୍ରୀ ସୂଚନା ଦେଇଛନ୍ତି l