14-Mar-2026

ବଲାଙ୍ଗିର(ବିନୋଦ ଦୀପ): ଆସନ୍ତା ମାର୍ଚ୍ଚ ୨୭ ତାରିଖ ଦିନ ସଂଧ୍ୟାରେ ସ୍ଥାନୀୟ ଗାନ୍ଧୀ ଭବନ ଠାରେ ସାପ୍ତାହିକ ପ୍ରେରଣାର ୨୧ତମ ସ୍ୱନକ୍ଷତ୍ର ଦିବସ ପାଳନ ହେବାକୁ ଯାଉଛି । ଏହି ଅବସରରେ ଆଜି ବଲାଙ୍ଗୀର ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ପ୍ରେରଣା ପକ୍ଷରୁ ତଥା ସ୍ୱେଚ୍ଛାସେବୀ ସଂଗଠନ ସଂପୂର୍ଣ୍ଣା ର ସହଯୋଗରେ ମହିଳା ଓ ଛାତ୍ରୀ ମାନଙ୍କୁ ନେଇ ଏକ

ରଙ୍ଗୋଲି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ବିଭିନ୍ନ ସ୍କୁଲ ଓ କଲେଜର ଛାତ୍ରୀ ମାନେ ଭାଗ ନେଇ ବିଭିନ୍ନ ରଙ୍ଗର ସାହାଯ୍ୟରେ ଚିତ୍ର ପ୍ରସ୍ତୁତ କରିଥିଲେ । ଏଥିରେ ବିଚାରକ ଭାବରେ ଚିତ୍ରଶିଳ୍ପୀ ସତ୍ୟ ସିଂଦେଓ, ସ୍ୱରୂପାରାଣୀ ଠାକୁର ଓ ରଶ୍ମିତା ଡାକୁଆ ଯୋଗ ଦେଇ କୃତୀ ପ୍ରତିଯୋଗୀ ମାନଙ୍କ ନାମ ଘୋଷଣା କରିଥିଲେ । ପ୍ରେରଣାର ସଂପାଦକ ରଘୁ ନନ୍ଦନ ସିଂହ ଙ୍କ ପରିଚାଳନାରେ ଆୟୋଜିତ ଏହି ପ୍ରତିଯୋଗିତାରେ ସ୍ୱେଚ୍ଛାସେବୀ ସଂଗଠନ ସଂପୂର୍ଣ୍ଣା ର ସଭାନେତ୍ରୀ ସନ୍ତୋଷୀ ମେହେର, ସଂପାଦିକା ସଂଜଳୀ ଶତପଥି, ସଭ୍ୟା ପୁଷ୍ପାଞ୍ଜଳି ମେହେର, ସଚଳା ମେହେରଙ୍କ ସମେତ ଶିକ୍ଷାବିତ୍ ମନୋରଂଜନ ସାହୁ କବି ତଥା ସାମ୍ବାଦିକ ସନ୍ଦୀପ କୁଅଁର, ରାଜେଶ ପାଣିଗ୍ରାହୀ, ଶିକ୍ଷକ ସତ୍ୟାନନ୍ଦ ବିଶ୍ୱାଳ ଓ ବିନୋଦ ଦୀପ ପ୍ରମୁଖ ସହଯୋଗ କରିଥିଲେ ।