14-Mar-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ  ସିଆରପିଏଫ୍ ୧୯ ବାଟାଲିଆନ ଭଇଁସାଦାନି ଠାରେ  ସିଭିକ ଆକ୍ସନ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ସେକେଣ୍ଡ ଇନ କମାଣ୍ଡଣ୍ଡେଣ୍ଟ ମହେଶ ବିଶ୍ଵକର୍ମା ଯୋଗଦାନ କରିଥିଲେ।ସମ୍ମାନିତ ଅତିଥି ଭାବରେ ଆସିଷ୍ଟାଣ୍ଟ କମାଣ୍ଡଣ୍ଡେଣ୍ଟ ମୁନ୍ନା ପ୍ରସାଦ, ଏସ ଆଇ ଏ ସି ପତି,ସମାଜ ସେବୀ ଘାସିରାମ ମାଝୀ ଓ ଭୋଲାନାଥ ନାଗ ଯୋଗଦାନ କରିଥିଲେ।ଏ ଏସ ଆଇ ସୁରେନ୍ଦ୍ର କୁମାର ନାଗ ସଂଯୋଜନା କାର୍ଯ୍ୟ ନିର୍ବାହ କରି କାର୍ଯ୍ୟକ୍ରମକୁ ଆହୁରି ସୁନ୍ଦର୍ କରି ପକାଇ ଥିଲେ । କମାଣ୍ଡଣ୍ଡେଣ୍ଟ କହିଲେ କି ପ୍ରତ୍ୟେକ ବ୍ୟକ୍ତି କିଭଳି ଭାବରେ ନିଜର ରୋଜଗାର କରିବେ ଏବଂ ପରିବାର ପ୍ରତିପୋଷଣ କରିବେ ସେଥି ପାଇଁ କଣ କରିବାକୁ ପଡ଼ିବ ସେଗୁଡିକ ଲୋକଙ୍କୁ ଓ ଉପସ୍ଥିତ କିଶୋରୀ, ସ୍ଵୟଂ ସହାୟିକା ଗୋଷ୍ଠୀର ମହିଳା ମାନଙ୍କୁ ବୁଝାଇ ଥିଲେ । ଏହି ଅଞ୍ଚଳର ଧୋବେଇ , କୋଟ ଗାଁ,ରୁଣ୍ଡି, ପେଲନା ପଡା, ରେଢ଼ା ମାଲ,ଶିଆଳ ଲଟି ଓ ଅନ୍ୟ କିଛି ଗ୍ରାମର କିଶୋରୀ, ମହିଳା,ପୁରୁଷ,ଗ୍ରାମ ବାସୀଙ୍କୁ ସ୍ବାବଲମ୍ବୀ ହେବା ପାଇଁ ସିଲେଇ ମେସିନ,ଏ ପି କଲଚର୍, ଖଳି ଦନା ପ୍ରସ୍ତୁତ ପାଇଁ ମେସିନ ପ୍ରଦାନ କରି ଲୋକଙ୍କୁ ଉତ୍ସାହିତ କରିଥିଲେ। ଆଜିକାର ଅତିଥିଙ୍କୁ କାର୍ଯ୍ୟକ୍ରମରେ ସମ୍ବର୍ଦ୍ଧିତ କରାଯାଇଥିଲା । ସି ଆର୍ ପି ଏଫ୍ ଯବାନଙ୍କ ଏହି ଜନ ସଂପର୍କ ଲୋକଙ୍କ ମନରେ ଖୁସି ଆଣି ଦେଇଥିବା ଲୋକଙ୍କ ଚେହେରାରୁ ସ୍ପଷ୍ଟ ଜଣାପଡ଼ିଥିଲା । ବାଟାଲିଆନର ସମସ୍ତ ଯବାନ ଆଜିକାର କାର୍ଯ୍ୟକ୍ରମରେ ସକ୍ରିୟ ଭୂମିକା ନିର୍ବାହ କରିଥିଲେ।