13-Mar-2026

ବଲାଙ୍ଗୀର(ପ୍ରେରଣା ଖବର): ଚଳିତ ବର୍ଷ ସୁରୁଖୁରୁରେ ଯୁକ୍ତ ଦୁଇ ପରୀକ୍ଷା ଚାଲୁଥିବା ବେଳେ ହଠାତ ଗଣିତ ପରୀକ୍ଷାରେ ପ୍ରଶ୍ନପତ୍ର ବିଭ୍ରାଟ   ଛାତ୍ରଛାତ୍ରୀ ମାନଙ୍କ ମଧ୍ୟରେ ଘୋର ନିରାଶା ସୃଷ୍ଟି କରିଥିବାବେଳେ ଅଭିଭାବକ ମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିଛି। ଆଜି  ଯୁକ୍ତ ଦୁଇ ବିଜ୍ଞାନର ଛାତ୍ରଛାତ୍ରୀ ମାନଙ୍କ ଗଣିତ ପରୀକ୍ଷା ଥିଲା। ପରୀକ୍ଷା ହଲରେ ପହଂଚି ଛାତ୍ରଛାତ୍ରୀ ମାନେ ସିଲାବସ୍ ବାହାରୁ ପ୍ରଶ୍ନ ଆସିଥିବା ଦେଖି ଚମକି ପଡ଼ିଥିଲେ। ଆଜି ହୋଇଥିବା ପରୀକ୍ଷାରେ  ସେଟ୍ C ରେ ୨ନମ୍ବର ର C ରେ କୋପ୍ଲାନରରୁ ୨ମାର୍କ, ୩ନମ୍ବରର A ରେ ଡିଟରମେଣ୍ଟ ପ୍ରପର୍ଟି ରେ ୩ମାର୍କ, କେ ପ୍ରଶ୍ନରେ ଡିଟରମେଣ୍ଟ ପ୍ରପର୍ଟି ରୁ ୩ମାର୍କ, ୪ନମ୍ବର ପ୍ରଶ୍ନ  A ରେ ଏଲିମେଣ୍ଟ୍ରି  ର ଅପରେସନ୍ ରୁ ୫ମାର୍କ, ପ୍ରଶ୍ନ B ରେ ଡିଟରମେଣ୍ଟ ପ୍ରପର୍ଟିରୁ ୫ମାର୍କ  ର ପ୍ରଶ୍ନ ସିଲାବସ ବାହାରୁ ଆସିଥିବା ପରୀକ୍ଷା ପରେ ଛାତ୍ର ଛାତ୍ରୀ ମାନେ ଅଭିଯୋଗ କରିଛନ୍ତି।ସେଟ C କେବଳ ଉଦାହରଣ ଦିଆଯାଇଛି। ସେଟ୍ ଏ, ସେଟ B, ସେଟ୍ D ରେ ମଧ୍ୟ ଅନ୍ୟ ନମ୍ବରରେ ଏହି ତ୍ରୁଟି ହୋଇଥିବା ଜଣା ପଡିଛି।
ତେବେ ଚଳିତ ବର୍ଷ ପରୀକ୍ଷା ନିୟନ୍ତ୍ରକଙ୍କ ଦ୍ୱାରା ସୁନ୍ଦର ଭାବରେ ପରୀକ୍ଷା ପରିଚାଳନା କରାଯାଉଥିବାବେଳେ ଗଣିତ ପରୀକ୍ଷାରେ ଏପରି ତ୍ରୁଟି ପ୍ରଶ୍ନପତ୍ର ପ୍ରସ୍ତୁତ କରିଥିବା ଅଧ୍ୟାପକ ମଣ୍ଡଳୀ କଣ ସିଲାବସ୍ ସମ୍ପର୍କରେ  ଜାନି ନଥିଲେ କି ବୋଲି ଅଭିଭାବକ ମାନେ ପ୍ରଶ୍ନ କରିବା ସହ ପିଲାମାନଙ୍କୁ ଏହି ପ୍ରଶ୍ନ ତ୍ରୁଟି ପାଇଁ ଗ୍ରେସ ମାର୍କ କିପରି ପ୍ରଦାନ କରାଯିବ, ତାହା ସ୍ପଷ୍ଟ କରିବାକୁ  ଅଭିଭାବକମାନେ ପରୀକ୍ଷା ନିୟନ୍ତ୍ରକଙ୍କୁ  ଅନୁରୋଧ କରିବା ସହ  ଏପରି ଆଗକୁ ତ୍ରୁଟି କିପରି ନହେବ, ତାହା ଧ୍ୟାନ ଦେବାକୁ ଅନୁରୋଧ କରିଛନ୍ତି।