13-Mar-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ବହୁ ଚର୍ଚ୍ଚିତ ବଣ ପାହାଡ ଘେରା ପାଟଦର୍ହା ଅଞ୍ଚଳ ସ୍ଥିତ ସିଆରପିଏଫ୍ ୧୯ ବାଟାଲିଆନ ଗର୍ଜନପାନି ଓ ଧୋବଘାଟ ଠାରେ  ସିଭିକ ଆକ୍ସନ କାର୍ଯ୍ୟକ୍ରମରେ ଦୀପକ ମନି ତ୍ରିପାଠୀ କମାଣ୍ଡଣ୍ଡେଣ୍ଟ ୧୯ ବାଟାଲିଆନ ସି ଆର୍ ପି ଏଫ୍ ମୁଖ୍ୟ ଅତିଥି ଭାବରେ ଯୋଗଦାନ କରି ଥିବାବେଳେ ସମ୍ମାନିତ ଅତିଥି ରୂପେ ସେକେଣ୍ଡ କମାଣ୍ଡଣ୍ଡେଣ୍ଟ ମହେଶ ବିଶ୍ଵକର୍ମା ଯୋଗଦାନ କରିଥିଲେ। କମାଣ୍ଡଣ୍ଡେଣ୍ଟ ଶ୍ରୀଯୁକ୍ତ ତ୍ରିପାଠୀ ଲୋକଙ୍କ ସମସ୍ୟା ତଥା ସେହି ସମସ୍ୟାର ସମାଧାନ କିପରି କରାଯିବ ତାହା ବୁଝାଇବା ସହ ପ୍ରତ୍ୟେକ ବ୍ୟକ୍ତି କିଭଳି ଭାବରେ ନିଜର ରୋଜଗାର କରିବେ ଏବଂ ପରିବାର ପ୍ରତିପୋଷଣ କରିବେ ସେଥି ପାଇଁ କଣ କରିବାକୁ ପଡ଼ିବ ସେଗୁଡିକ ଲୋକଙ୍କୁ ଓ ଉପସ୍ଥିତ ସ୍ଵୟଂ ସହାୟିକା ଗୋଷ୍ଠୀର ମହିଳା ମାନଙ୍କୁ ବୁଝାଇ ଥିଲେ । ଆଜିର ଦୁଇଟି ସ୍ଥାନର ଏହି କାର୍ଯ୍ୟକ୍ରମରେ ସାଧାରଣ ଲୋକଙ୍କ ପାଇଁ ସ୍ବାସ୍ଥ୍ୟ ପରୀକ୍ଷା କରି ଔଷଧ ପ୍ରଦାନ କରିବା ସହିତ କୋପଟି ଆମ,ଗର୍ଜନପାନି,ପାଟଦର୍ହା ,ଧୋବ ଘାଟ,କାଟଫାର ଓ ଏହି ଅଞ୍ଚଳର ଅନ୍ୟ କିଛି ଗ୍ରାମର କିଶୋରୀ, ମହିଳା,ପୁରୁଷ,ଗ୍ରାମ ବାସୀଙ୍କୁ ସ୍ବାବଲମ୍ବୀ ହେବା ପାଇଁ ସିଲେଇ ମେସିନ, ସୋଲାର ଲାଇଟ୍, ଖଳି ଦନା ପ୍ରସ୍ତୁତ ପାଇଁ ମେସିନ, ଅଗର ବତି ତିଆରି ମେସିନ ପ୍ରଦାନ କରି ଲୋକଙ୍କୁ ଉତ୍ସାହିତ କରିଥିଲେ ।କାର୍ଯ୍ୟକ୍ରମରେ ଡ ସୁରନା ସୌଜନ୍ୟା, ଡ ଜୟଶଙ୍କର ପଟେଲ ଓ ସ୍ବାସ୍ଥ୍ୟ କର୍ମୀ ଅଂଶ ଗ୍ରହଣ କରି ସ୍ଵାସ୍ଥ୍ୟ ସେବା ଯୋଗାଇ ଦେଇଥିଲେ । ସି ଆର୍ ପି ଏଫ୍ ଯବାନଙ୍କ ଏହି ଜନ ସଂପର୍କ ଲୋକଙ୍କ ମନରେ ଖୁସି ଆଣି ଦେଇଛି ବୋଲି ଲୋକ ପ୍ରକାଶ କରିଥିଲେ ।ବିଭିନ୍ନ ଦୃଷ୍ଟି କୋଣରୁ କାଟଫାର ୱାର୍ଡ ମେମ୍ବର ସୁଜନ ଚିନ୍ଦା,ଗର୍ଜନ ପାନିରୁ ଅକ୍ରୁ ମାଝୀ,ସାମ୍ବାଦିକ ରାମନାଥ ପଣ୍ଡା,ସାମ୍ବାଦିକ ବିଶିକେଶନ ପଣ୍ଡା,ସାମ୍ବାଦିକ ଲମ୍ବୋଦର ବାଗଙ୍କୁ କାର୍ଯ୍ୟକ୍ରମରେ ସମ୍ବର୍ଦ୍ଧିତ କରିଥିଲେ ।ବାସ୍ତବରେ ଅହରହ ସେବା ପ୍ରଦାନ କରି ଦେଶ ସୁରକ୍ଷା ତଥା ସମାଜ ରକ୍ଷାରେ ନିଜକୁ ନିୟୋଜିତ କରିଦେଇଥିବା ଏହି ଯବାନଙ୍କୁ ସେମାନଙ୍କ ସେବା ପାଇଁ ଆଜି ଉପସ୍ଥିତ ସମସ୍ତ ଲୋକ ସାଲ୍ୟୁଟ ଜଣାଇଥିଲେ ।ଉଭୟ କ୍ୟାମ୍ପର ସମସ୍ତ ଏସ ଆଇ ତଥା ଅନ୍ୟାନ୍ୟ ଯବାନ ଆଜିକାର କାର୍ଯ୍ୟକ୍ରମରେ ସକ୍ରିୟ ଭୂମିକା ନିର୍ବାହ କରିଥିଲେ।