13-Mar-2026

ବିନିକା(ହିମାଂଶୁ ପୁଟେଲ )ସ୍ବାସ୍ଥ୍ୟ ଅମୂଲ୍ୟ ସମ୍ପଦ ।ଏଥିପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ପର୍ଯ୍ୟାପ୍ତ ପରିମାଣର ଅର୍ଥ ଯୋଗାଇଦେବା ସହ ସ୍ବାସ୍ଥ୍ୟ ବୀମା କାର୍ଡ ପ୍ରଚଳନ କରିଛନ୍ତି । ଉତ୍ତମ ସ୍ୱାସ୍ଥ୍ୟ ସେବା ଯୋଗାଇ   ଦେବା ନିମନ୍ତେ ଏବଂ ମାନବ ଜାତିର ମୂଲ୍ୟବାନ ଜୀବନ ରକ୍ଷା ପାଇଁ ଡାକ୍ତରଖାନା ମାନଙ୍କୁ ଷ୍ଟାଫ ନିଯୁକ୍ତି କରି ତାଙ୍କ ପାଇଁ ଲକ୍ଷାଧିକ ଟଙ୍କା ବ୍ୟୟ କରୁଛନ୍ତି । ହେଲେ କେଉଁ ଡାକ୍ତରଖାନାରେ କିପରି ସେବା ଲୋକଙ୍କୁ ମିଳୁଛି ତାହା ଠିକ ଭାବେ ତର୍ଜମା କରା ଯାଉ ନଥିବାରୁ ଲୋକେ ଉତ୍ତମ ଚିକିତ୍ସା ସେବାରୁ ବଞ୍ଚିତ ହେବାସହ କିଏ ଖର୍ଚ୍ଚନ୍ତାରେ ପଡୁଛି ତ ଆଉ କିଏ ଜୀବନ ହାରୁଛି । ଦୀର୍ଘ ଦିନ ଧରି ବିପର୍ଯ୍ୟସ୍ତ ସ୍ବାସ୍ଥ୍ୟସେବା ପରେ ନିକଟ ଅତୀତରେ  ମହାଦେବପାଲି ସରକାରୀ ଡାକ୍ତରଖାନାରେ ଡାକ୍ତର ସର୍ବଜୀତ ମହାପାତ୍ର ଯୋଗ ଦିଅନ୍ତି । ଉପଯୁକ୍ତ ଚିକିତ୍ସା ସେବା ପାଇଁ ଲୋକଙ୍କ ବିଶ୍ୱାସ ଓ ଭରସା ପୁଣି ଥରେ ମହାଦେବପାଲି ଡାକ୍ତରଖାନା ବଜାୟ ରଖେ। ଦୈନନ୍ଦିନ ରୋଗୀ ସଂଖ୍ୟା ବୃଦ୍ଧି ପାଏ। କିନ୍ତୁ  ପରିତାପର  ବିଷୟ ବିଭାଗୀୟ ଅଧିକାରୀଙ୍କ ବୈମାତୃକ ମନୋଭାବ ରୋଗି ସେବାରେ ବାଧା ଦିଏ । ଏପରିକି  ଆଜି ଶୁକ୍ରବାର ଡାକ୍ତର ଛୁଟିରେ ଥିବାରୁ  ରୋଗି ଚିକିତ୍ସା ସେବା ସଂପୁର୍ଣ୍ଣ ଠପ୍ ହୋଇଥିଲା। ଶହ ଶହ ରୋଗୀ ଚିକିତ୍ସା ପାଇଁ ଆସି ବହୁ ସମୟ ଅପେକ୍ଷା କରି ନିରାଶ ହୋଇ ଫେରିଯାଇଥିଲେ । ଉପରିସ୍ଥ  ଅଧିକାରୀଙ୍କ ଅବହେଳା ଡାକ୍ତର ପ୍ରତିବଦଳରେ ଅନ୍ୟ ଡାକ୍ତର ପଠାଇବାକୁ ଭୂଲି ଗଲେ ।  ୬ଶଯ୍ଯା ବିଶିଷ୍ଟ  ଡ଼ାକ୍ତରଖାନା କେବଳ ଜଣେ ଡାକ୍ତର କିଛି ଆଟେଣ୍ଡାଟ , ସୁଇପର ଏବଂ ସିକ୍ଯୁରିଟିକୁ ନେଇ ଚଳାଇବା  କଷ୍ଟକର  ବିଷୟ । ତେଣୁ ସାଧାରଣରେ  ଦାବୀ ହୁଏ ଯେ ଡାକ୍ତରଖାନାର ସମସ୍ତ ପଦବୀ ପୁର୍ଣ୍ଣ କରିବା ସହ ଆବଶ୍ୟକୀୟ ବିଧି ବ୍ୟବସ୍ଥାକୁ ସୁଧାର କରାଯାଉ ।  ଆଜି ସକାଳୁ ଡାକ୍ତର  ଅନୁପସ୍ଥିତିରେ  ବହୁ ସଂଖ୍ୟାରେ ରୋଗୀ ଡ଼ାକ୍ତରଖାନାରୁ ନିରାଶ ହୋଇ ଫେରିଛନ୍ତି, ଅନ୍ୟ ଡାକ୍ତର ଡେପୁଟେସନରେ ଦେବା ବଦଳରେ ଏଠାରେ ନିଯୁକ୍ତ ଷ୍ଟାଫ୍ ସବୁ ଅନ୍ୟତ୍ର କାମକରୁଛନ୍ତି । ଏପରିକି  ଫାର୍ମାସିଷ୍ଟ ମଧ୍ୟ ଡାକ୍ତରଖାନାରେ  ନାହିଁ । ଉପରିସ୍ଥ ଅଧିକାରୀଙ୍କ ବୈମାତୃକ ମନୋଭାବ ଜଳ ଜଳ ଦିଶୁଛି ଏବଂ ଜନ ଅସନ୍ତୋଷ ମଧ୍ୟ ବୃଦ୍ଧି ପାଉଛି । ସବୁ ପରେ ପ୍ରଶାସନିକ ଅଧିକାରୀମାନେ ଅତି ଶୀଘ୍ର ଡାକ୍ତରଖାନାରେ ରହିଥିବା ସମସ୍ୟାର ସମାଧାନ କଲେ ଜନସାଧାରଣ ଉପକୃତ ହେବେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।