11-Oct-2020

ବଲାଙ୍ଗୀର,11/10- ବଲାଙ୍ଗୀର ସହର ରେ ଦିନକୁ ଦିନ ଅପରାଧିକ ସାମ୍ରାଜ୍ୟ ବିସ୍ତାର ହେବା ସହ ଦୁର୍ନୀତି ମଧ୍ୟ ବଢ଼ିବା ରେ ଲାଗିଛି। ତେବେ ଏଠି ସୂଚିତ ଥାଉ ବିଗତ ଦିନରେ ସହର ମଧ୍ୟରେ ଥିବା କଂସାରିପଡ଼ା ନିକଟସ୍ଥ ଦୁଇ ଜଣଙ୍କୁ ଦିନ ଦାହାଡ଼େ କିଛି ଅସାମାଜିକ ଲୋକେ ମରଣାତ୍ମକ ଆକ୍ରମଣ କରିଥିବା ବେଳେ ପୁଣି ୟାର କିଛି ଦିନ ପରେ କଲେଜ ଛକ ସ୍ଥିତ ଏ,ଡ଼ି, ବି,ବ୍ୟାଙ୍କ ସମ୍ମୁଖରୁ ପୁଣି ଦିନ ଦାହାଡ଼େ ୫ଲକ୍ଷ ଟଙ୍କା ଲୁଟ ହୋଇଥିବା ବେଳେ ଏହାର ସମାଧାନ ନ ହେବା ପୂର୍ବରୁ ପୁଣି ଖୁଲାମଖୁଲ୍ଲା ଦିନ ଦାହାଡ଼େ ଏବେ ପଦା କୁ ଆସିଛି ସହର ମଧ୍ୟରେ ଥିବା କଚେରୀ ଭିତରେ ଥିବା ଷ୍ଟାମ୍ଫ ଦୁର୍ନୀତି ? ସୂଚନା ଅନୁସାରେ ବିଗତ ବର୍ଷ ଗୁଡିକରୁ ଷ୍ଟାମ୍ଫ ରେ ଦୁର୍ନୀତି ହୋଇଆସୁଥିବାବେଳେ ଆଗରୁ ମଧ୍ୟ ଜିଲ୍ଲା ଓକିଲ ସଂଘ ପ୍ରଶାସନର ଦୃଷ୍ଟି ଆକର୍ଷଣ କରିଥିବା ସତ୍ୱେ ଏପ୍ରଯନ୍ତ କୌଣସି କାରୁକାର୍ଯ୍ୟ ନ ହୋଇ ଏବେ ପୁଣି ଲୋକେ ଅଧିକ ଦାମ ଦେଇ ହନ୍ତସନ୍ତ ହେଉଥିବା ହେଉଛି ଅଭିଯୋଗ। ସୂଚନା ଅନୁସାରେ ବଲାଙ୍ଗୀର ଜିଲ୍ଲା ତଥା ସହରର ଜନସାଧାରଣ ସହର ମଧ୍ୟରେ ଥିବା ଏହି ତହସିଲ କାର୍ଯ୍ୟାଳୟ ଉପରେ ନିର୍ଭରଶୀଳ ରହିଥାନ୍ତି। ଯେଉଁଥିରେ ଆୟଦିନ ଜମି କିଣାବିକା ସହ ଅନ୍ୟାନ୍ୟ ପ୍ରକାର କାରୁକାର୍ଯ୍ୟ ହୋଇଥାଏ। ଯାହା ସବୁବେଳେ ଷ୍ଟାମ୍ଫ ର ଆବଶ୍ୟକତା ରହିଥାଏ। ଓ ବିଭିନ୍ନ କାର୍ଯ୍ୟରେ ଷ୍ଟାମ୍ଫର ଉପଯୋଗୀତା ମଧ୍ୟ ରହିଥାଏ। ଯାହାର ସିଧାସଳଖ ଫାଏଦା ଉଠାଉଛନ୍ତି ଏବେ ଭେଣ୍ଡର ମାନେ। କଚେରୀ ଭିତରେ ୧୦ଟି ଭେଣ୍ଡର ଷ୍ଟାମ୍ପ ବିକ୍ରିପାଇ ଥିବା ବେଳେ ଗୋଟେ ଷ୍ଟାମ୍ଫ ବିକ୍ରି ରେ ଏମାନଙ୍କ କମିଶନ ଥିବା ସତ୍ୱେ ଏମାନେ ଚଢ଼ା ଦରରେ ବିକ୍ରି କରିବା ସହ ଷ୍ଟାମ୍ଫ ରେ କରୁଛନ୍ତି କଲାବଜାରୀ ।ଯାହା ଏବେ ୨ରୁ ୩ଟି ଭେଣ୍ଡର କଚେରୀ ଭିତରେ ଚଢ଼ା ଦରରେ ବିକ୍ରୀ କରୁଛନ୍ତି ଷ୍ଟାମ୍ଫ। ଆଉ ଯଉଁମାନେ ଆସୁନାହାନ୍ତି ସେ ଭେଣ୍ଡର ଘରେ ଥାଇ ଚଢ଼ା ଦରରେ ଷ୍ଟାମ୍ଫ ବିକ୍ରି କରୁଥିବା ଭଳି ଅଭିଯୋଗ ମଧ୍ୟ ହେଉଛି ।ଯେଉଁଥିରେ ହନ୍ତସନ୍ତ ହେଉଛନ୍ତି ସାଧାରଣ ଜନତା। ଯାହାକୁ ନେଇ ଆଜି ସକାଳୁ  ଆଇନଜୀବୀ ତଥା ପୂର୍ବତନ ଜିଲ୍ଲା ଓକିଲ ସଂଘର ସଦସ୍ୟ ବାସୁଦେବ ରଥ ଏବଂ ପୂର୍ବତନ କୋଷଧକ୍ଷ ମାଧବ ପୁରୋହିତ ଙ୍କ ପାଖକୁ କିଛି ହିତାଧିକାରୀ ଷ୍ଟାମ୍ଫ ର ଚଡ଼ା ଦର ପାଇଁ କହିଥିବା ବେଳେ ଏହାର ସମାଧାନ ପାଇଁ ଅବଗତ କରାଇଥିଲେ ।  ଯାହାକୁ ନେଇ ବଲାଙ୍ଗୀର ଜିଲ୍ଲା ଓକିଲ ସଙ୍ଘର ସଦସ୍ୟ ଓ କିଛି ଆଇନଜୀବୀ  ଆଜି ଏ,ଡ଼ି, ଏମ,ଓ,ଙ୍କୁ ଲିଖିତ ଅଭିଯୋଗ କରିଛନ୍ତି।  ଯେମିତି ଏହି ଘଡିସନ୍ଧି ମୁହୂର୍ତ୍ତରେ ସହର ସହ ଜିଲ୍ଲାର ଲୋକେ ଚଢ଼ାଦର ଦେଇ ଷ୍ଟାମ୍ଫ କିଣି ହନ୍ତସନ୍ତ ନ ହୁଅନ୍ତୁ ବରଂ ସଠିକ ପାଉଣା ଦେଇ କାର୍ଯ୍ୟକୁ ସୁଚାରୁରୂପେ ପରିଚାଳିତ କରି ଆତ୍ମସନ୍ତୋଷ ପାଆନ୍ତୁ ବୋଲି ଓକିଲ ସଂଘ ସଦସ୍ୟ ମତ ରଖିଛନ୍ତି। ନ ହେଲେ ଆଗାମୀ ଦିନରେ ଷ୍ଟାମ୍ଫ ର ଏହି କଳାବଜାରୀ କୁ ନେଇ ଜିଲ୍ଲା ଓକିଲ ସଂଘ ଆନ୍ଦୋଳନ କୁ ଓଲ୍ଲାଇବ ବୋଲି ଚେତାବନୀ ଦେଇଛି ସଙ୍ଘ। ଅନ୍ୟପଟେ ବଲାଙ୍ଗୀର ଅତିରିକ୍ତ ଜିଲ୍ଲାପାଳ ଶ୍ରୀ ଲାଙ୍ଗୁରି ୭ଦିନ ମଧ୍ୟରେ ଏହାର ତଦନ୍ତ ହେବ ଓ ଷ୍ଟାମ୍ଫ ଦୁର୍ନୀତି ର ପର୍ଦାଫାସ ହେବ ବୋଲି ମତ ବ୍ୟକ୍ତ କରିବା ସହ ପ୍ରତିଶୃତି ମଧ୍ୟ ଦେଇଛନ୍ତି।