06-Feb-2026

ସୁବର୍ଣ୍ଣପୁର (ମନୋରଞ୍ଜନ ତ୍ରୀପାଠୀ ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା କଳାପଥର ପଞ୍ଚାୟତ କୁଡାପଡା ଗ୍ରାମର ସାନୁଜ ଜଗଦଲା ହତ୍ୟା ମାମଲାରେ ଅଭିଯୁକ୍ତ କୁ ଗିରଫ କଲା ବୀରମହାରାଜପୁର ପୋଲିସ। ଭାଇ ଚନ୍ଦ୍ରକାନ୍ତ ଜଗଦଲାଙ୍କ ହତ୍ୟା ସମ୍ପର୍କରେ ଲିଖିତ ରିପୋର୍ଟ ଉପରେ ବୀରମହାରାଜପୁର ପିଏସ୍ କେସ ନଂ 26 dt 05.02.2026 U/s103(1)BNS ରୁଜୁ ହୋଇଥିଲା। ଗତ ବୁଧବାର ଦିନ ସଂଧ୍ୟା ସମୟରେ ବାଗଛେରା ଗ୍ରାମର ଅଭିଯୁକ୍ତ ପଞ୍ଚୁ କର୍ଣ୍ଣ ମୃତକଙ୍କୁ ଦୁର୍ବ୍ୟବହାର କରିଥିଲେ ଏବଂ ଏକ କାଠ ବାଡ଼ିରେ ମୁଣ୍ଡରେ ଆକ୍ରମଣ କରିଥିଲେ। ସଙ୍ଗେ ସଙ୍ଗେ ଆହତଙ୍କୁ ବୀରମହାରାଜପୁର ମେଡିକାଲ ରୁ ସୋନପୁର ମେଡିକାଲକୁ ସ୍ଥାନାନ୍ତର କରାଯାଇଥିଲା ବେଳେ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏହି ହତ୍ୟାକାଣ୍ଡ କେସରେ ତଦନ୍ତକାରୀ ଅଧିକାରୀ ବୀରମହାରାଜପୁର ଥାନା ର ଆଇଆଇସି ସାରଙ୍ଗଧର ପାଣିଗ୍ରାହୀ ଗୋଟିଏ କାଠବାଡି ଜବତ କରିଛନ୍ତି। ଅଭିଯୁକ୍ତ ପଞ୍ଚୁ କର୍ଣ୍ଣକୁ ଲୁଚିଥିବା ଜଙ୍ଗଲରୁ ଗିରଫ କରି ବୀରମହାରାଜପୁର କୋର୍ଟ ଚାଲାଣ କରାଯାଇଛି। ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଲେ ଏସପି ନାରାୟଣ ନାୟକ। ଏହି ସାମ୍ୱାଦିକ ସମ୍ମିଳନୀରେ ଏସପି ଶ୍ରୀ ନାୟକ, ବୀରମହାରାଜପୁର ଏସଡିପିଓ ହେମନ୍ତ ରାଓ ଓ ଆଇଆଇସି ସାରଙ୍ଗଧର ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ।