14-Jan-2026

ବଲାଙ୍ଗୀର (ପ୍ରେରଣା ଖବର): ଆଜି ବଲାଙ୍ଗୀର ଯୁବୋଦୟ କଲେଜ ଅଫ୍ ଆଡଭାନ୍ସଡ୍ ଟେକ୍ନୋଲୋଜିର ଛାତ୍ରଛାତ୍ରୀମାନେ ପବିତ୍ର ମକର ସଂକ୍ରାନ୍ତି ଅବସରରେ। ପାରମ୍ପରିକ ଦିବସ (ଏଥନିକ୍ ଦିବସ ) ବେଶ୍ ଉତ୍ସାହରେ ପାଳନ କରିଛନ୍ତି।
ଏହି ଅବସରରେ ଛାତ୍ରଛାତ୍ରୀମାନେ ବିଭିନ୍ନ ପ୍ରତିଯୋଗିତାର ଆୟୋଜନ କରିଥିଲେ ଏବଂ ବିଜେତାମାନଙ୍କୁ ପୁରସ୍କାର ବିତରଣ କରାଯାଇଥିଲା। ସମସ୍ତ ଛାତ୍ରଛାତ୍ରୀ ଭାରତର ବିଭିନ୍ନ ଅଞ୍ଚଳର ସମୃଦ୍ଧ ସଂସ୍କୃତି ଓ ପରମ୍ପରାକୁ ପ୍ରତିନିଧିତ୍ବ କରୁଥିବା ସୁନ୍ଦର ପାରମ୍ପରିକ ପୋଷାକ ପିନ୍ଧି ଆସିଥିଲେ। ଏହା

ଦେଖିବାକୁ ବେଶ୍ ମନୋରମ ଲାଗୁଥିଲା।
ସେମାନେ ମକର ସଂକ୍ରାନ୍ତିର ମହତ୍ତ୍ୱ ଓ ଆମ ଦେଶର ସାଂସ୍କୃତିକ ବିବିଧତା ବିଷୟରେ ମଧ୍ୟ ତଥ୍ୟ ଆଦାନ-ପ୍ରଦାନ କରିଥିଲେ। ଏହାଦ୍ୱାରା ସମସ୍ତେ ନିଜ ନିଜ ସଂସ୍କୃତି ବିଷୟରେ ଅଧିକ ଜାଣିବାକୁ ପାଇଲେ।
ଉତ୍ସବରେ ଅଗ୍ନିଦାହ (ବନ୍ ଫାୟାର), ଗୁଡ଼ି ଉଡ଼ାଇବା, ଗୀତ ଗାଇବା ଓ ନାଚିବା ଭଳି କାର୍ଯ୍ୟକ୍ରମ ରହିଥିଲା।

ଛାତ୍ରଛାତ୍ରୀମାନେ ବେଶ୍ ଉତ୍ସାହ ଓ ଆନନ୍ଦରେ ଏହି ଦିନଟିକୁ ଉପଭୋଗ କରିଥିଲେ। ସମସ୍ତଙ୍କ ମୁହଁରେ ସାଂସ୍କୃତିକ ପରିଧାନର ଆନ୍ତରିକତାସହ  ହସ ଓ ଖୁସି ଦେଖାଯାଉଥିଲା।
ଏପରି ସାଂସ୍କୃତିକ କାର୍ଯ୍ୟକ୍ରମ ଆମର ନିଜସ୍ୱ ସଂସ୍କୃତି ଓ ପାରମ୍ପରିକ ପୋଷାକକୁ ପ୍ରୋତ୍ସାହନ ଦେଇଥାଏ। ଏବଂ ଯୁବପିଢ଼ିଙ୍କ ମଧ୍ୟରେ ପଶ୍ଚିମ ସଂସ୍କୃତି ପ୍ରତି ବଢ଼ୁଥିବା ଝୁଙ୍କ କମାଇବାରେ ସାହାଯ୍ୟ କରିଥାଏ, ଯାହା କଲେଜର ଡାଇରେକ୍ଟର ଶ୍ରୀ ଦାଶ ମହୋଦୟ  କହିଛନ୍ତି।