12-Jan-2026

(ଡୋଲେଶ୍ୱର ବାଗ)
ନୂଆପଡ଼ା ଜିଲ୍ଲାରେ ୭୭ ଟି ମଣ୍ଡି ଦ୍ଵାରା ଧାନ ସଂଗ୍ରହ ପ୍ରକ୍ରିୟା ସୁରୁଖୁରୁରେ ଆଗେଇ ଚାଲିଛି ।ଆଜି ୧୬୯୧ ଜଣ ଚାଷୀଙ୍କ ଠାରୁ ୭୯୫୩୦ କ୍ଵିଣ୍ଟାଲ ଧାନ କ୍ରୟ ହୋଇଛି । ବର୍ତ୍ତମାନ ସୁଦ୍ଧା  ୩୩୮୨୫ ଜଣ  ଚାଷୀଙ୍କ ଠାରୁ ମୋଟ ୧୪୭୧୫୩୭ କ୍ଵିଣ୍ଟାଲ ଧାନ  ସରକାରୀ ଧାର୍ଯ୍ୟ ମୂଲ୍ୟରେ ସଂଗ୍ରହ ହୋଇଅଛି । ଆଜି ଡି ଆର୍ ସି ଏସ ଶିବ ପ୍ରସାଦ ସ୍ବାଇଁ ବୋଡ଼େନ ବ୍ଲକ ଲିଟିସର୍ଗୀ ଧାନ ମଣ୍ଡି ପରିଦର୍ଶନ କରିଥିଲେ ।ଡି ଆର୍ ସି ଏସ ଙ୍କ ସହିତ ସରପଂଚ ମିନତି ନନ୍ଦ, ଜିଲ୍ଲା ଉଦ୍ୟାନ କୃଷି ଉପ ନିର୍ଦ୍ଦେଶକ ହରେକୃଷ୍ଣ ହାଁସଦା, ଏ ଡି ଭି ଓ ପାର୍ଥ ସାରଥି ଦୋରା,ହସ୍ତ ଶିଳ୍ପ ଉପ ନିର୍ଦ୍ଦେଶକ ପୁଷ୍ପ ରଞ୍ଜନ ସାହୁ,ବି ଆର୍ ସି ହେରାମ୍ବ ବିଶ୍ଵାଳ,ପି ଇ ଓ ନମିତା ସାହୁ,ଜି ଆର୍ ଏସ ଡ଼ାଇନା ତାଣ୍ଡି ପ୍ରମୁଖ ଉପସ୍ଥିତ ଥିଲେ।ପଞ୍ଚାୟତର ହାଇ ସ୍କୁଲରେ ଛାତ୍ର ଛାତ୍ରୀଙ୍କ ସହ ଏକ ସଚେତନତା ସଭା କରି ଏକକ ବ୍ୟବହାର ପ୍ଲାଷ୍ଟିକ ମୁକ୍ତ ଜିଲ୍ଲା ଗଠନ କରିବା ପାଇଁ ବିଭିନ୍ନ ପ୍ରକାର ଉଦାହରଣ ଉପସ୍ଥାପନ କରି ସଚେତନ କରାଯାଇଥିଲା ।ଉଚ୍ଚ ବିଦ୍ୟାଳୟ ଶିକ୍ଷକ ଅଶୋକ କୁମାର ସୁପକାର ଉପରୋକ୍ତ ଜିଲ୍ଲା ଅଧିକାରୀଙ୍କ ସହିତ ମଞ୍ଚାସିନ ରହି ସହଯୋଗ କରିଥିଲେ ।