12-Jan-2026

ସୋନପୁର, (ମନୋରଞ୍ଜନ ତ୍ରିପାଠୀ) ଶ୍ରୀ ରାମେଶ୍ବର ଷ୍ଟାଡିୟମରେଆରମ୍ଭ ହୋଇ ଥିବା "ମହିମା" ସୁବର୍ଣ୍ଣପୁର ଲୋକ ମହୋତ୍ସବ ୨୦୨୬  ଓ ରାଜ୍ୟସ୍ତରୀୟ ପଲ୍ଲିଶ୍ରୀ ମେଳା ରବିବାର ରାତିରେ ରଙ୍ଗବତୀ ଓ ମହୁଲ ଝାରେ ସମ୍ବଲପୁରୀ ଗୀତ ନାଚ ର ତାଳେ ତାଳେ ଉଦ୍‌ଯାପିତ ହୋଇଯାଇଛି । ଉଦ୍‌ଯାପନୀ ସନ୍ଧ୍ୟାରେ ଜିଲ୍ଲାପାଳ ତଥା ଜିଲ୍ଲା ସଂସ୍କୃତି ପରିଷଦର ଅଧ୍ଯକ୍ଷ ଡ. ନୃପରାଜ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସଭା ରେ ସ୍ବାଗତ ଭାଷଣ ରେ ଖୁସୀ ମନୋରଞ୍ଜନ ଓ ଜୀବନ ଜିଇଁବାର ଖୋରାକ ଯୋଗାଇଛି ଏ ଉତ୍ସବ ବୋଲି କହିଥିଲେ । ମୁଖ୍ୟ ଅତିଥିଭାବେ ଝାରସୁଗୁଡା  ବିଧାୟକ ଶ୍ରୀ ଟଙ୍କଧର ତ୍ରିପାଠୀ ଯୋଗଦେଇ  ଓଡ଼ିଶା ର ଲୋକକଳା  ଲୋକ ସଂସ୍କୃତି ଓ ପ୍ରାକୃତିକ ସାଂସ୍କୃତିକ ଆଧ୍ୟାତ୍ମିକ କ୍ଷେତ୍ରରେ ସ୍ବତନ୍ତ୍ର ପରିଚୟ ରହିଛି ଏ ଜିଲ୍ଲା ର ଏ ସୁବର୍ଣ୍ଣପୁର ଲୋକ ମହୋତ୍ସବ ର ବୋଲି କହିଥିଲେ । ଯାହାକି ମହାନଦୀ କର୍ପୁର ଓ ତେଲ ନଦୀ ତିନୋଟି ନଦୀ ର ସଙ୍ଗମ ସ୍ଥଳ ରେ ଅନୁଷ୍ଟିତ ଏ ମହୋତ୍ସବ ର ମନୋରମ ଦୃଶ୍ୟ ଏଵଂ ଭୀମ ଭୋଇ କଳା ପରିଷଦ ର ହୃଦୟ ସ୍ପର୍ଷୀ ପ୍ରାରମ୍ଭିକ ସଙ୍ଗୀତ ଏହାର ପ୍ରମାଣ ବୋଲି କହି ଶ୍ରୀ ତ୍ରୀପାଠୀ ଭୂୟସୀ ପ୍ରଶଂସା କରିଥିଲେ  l  
ସମ୍ମାନିତ ଅତିଥ୍ ଭାବେ ବୀରମହାରାଜ ପୁର ବିଧାୟକ  ଇଂ. ରଘୁନାଥ ଜଗଦଲା ଯୋଗ ଦେଇ ପୁରାତନ ସଂସ୍କୃତିର ସଂରକ୍ଷଣ ଉପରେ ଗୁରୁତ୍ୱାରୋପ କରିଥିଲେ। ଅନ୍ୟତମ ଅତିଥିଭାବେ ଉଲୁଣ୍ଡା ପଞ୍ଚାୟତ ସମିତି ଅଧ୍ୟକ୍ଷା ଶାନ୍ତି ଲତା ମିଶ୍ର ଯୋଗ ଦେଇଥିଲେ l   ଭୀମଭୋଇ କଳା ପରିଷଦର କଳାକାରମାନେ ସ୍ବାଗତ ସଙ୍ଗୀତ ଗାନ କରିଥିଲେ। ସଭା ମଞ୍ଚକୁ ଅଭିନେତା ପ୍ରଦ୍ୟୁମ୍ନ ସାହୁ ପରିଚାଳନା କରିଥିଲେ।

ସୋନପୁର ବିଡିଓ ପ୍ରତୀକ କର ଧନ୍ୟବାଦ ପ୍ରଦାନ କରି "ପରମ୍ପରା ର ପ୍ରତିଛବି ଥିଲା ହଜାର ଲୋକ ଙ୍କ ଆର୍ଥିକ ଅଭିବୃଦ୍ଧି ର ଏକ ମାଧ୍ୟମ ଥିଲା ଏ ମହୋତ୍ସବ" ବୋଲି କହିଥିଲେ। ବିଶିଷ୍ଟ କଣ୍ଠଶିଳ୍ପୀ ନୁର ବେଗମଙ୍କ ଦ୍ବାରା ମହିମା ସୁବର୍ଣ୍ଣପୁର ଲୋକ ମହୋତ୍ସବ ଉଦ୍‌ଯାପିତ ଲୋକସଙ୍ଗୀତ ପରିବେଷଣ କରା ଯାଇଥିଲା। ସନ୍ଧ୍ୟା ସାଂସ୍କୃତିକ କାର୍ଯ୍ୟକ୍ରମ ରେ ଓଡିଶୀ, ସମ୍ବଲପୁରୀ, ଜାମୁଡାଲି, କରମସାନୀ ନୃତ୍ୟରେ ଦର୍ଶକ ଝୁମିଥିଲେ। ଡୁଙ୍ଗୁରିପାଲି ବ୍ଲକ କଳା ସଂସ୍କୃତି ସଂଘ ଭାଗିଟିକିରା ମା’ ସାଂସ୍କୃତିକ ଅନୁଷ୍ଠାନର କଳାକାରଙ୍କ ସଞ୍ଚାର ନୃତ୍ୟରୁ ସାଂସ୍କୃତିକ ସନ୍ଧ୍ୟାର କାର୍ଯ୍ୟକ୍ରମ ଆରମ୍ଭହୋଇଥିଲା। ପରେ ଗଞ୍ଜାମ ଦିଗପହଣ୍ଡି ବିଚିତ୍ରା ବର୍ଣ୍ଣାଳୀ ନାଟ୍ୟ ସଂସଦର ପଶୁ ନୃତ୍ୟ, ଉଲୁଣ୍ଡା ସୁଆଙ୍ଗ ଅନୁଷ୍ଠାନର ପରଭା ନୃତ୍ୟ, ବୀରମହାରାଜପୁର ବ୍ଳକ କଳା ସଂସ୍କୃତି ସଂଘର ଦଣ୍ଡ ନୃତ୍ୟ, ଜଟଣୀ ନୃତ୍ୟଶ୍ରୀ ଅନୁଷ୍ଠାନର କଳାକାରଙ୍କ ମାହାରୀ ନୃତ୍ୟ, ପୁରୀର କଳାକାରଙ୍କ ମାଳଖମ୍ବ ନୃତ୍ୟ, ରାୟଗଡାର କଳାକାରଙ୍କ ଢେମସା ନୃତ୍ୟ, କଳାହାଣ୍ଡି ପ୍ରତିଭା ଅନୁଷ୍ଠାନର ସମ୍ବଲପୁରୀ ନୃତ୍ୟ, ହରିୟାନାର କଳାକାରଙ୍କ ଝୁମର ଲୋକନୃତ୍ୟ, ବଲାଙ୍ଗୀର କୋଶଳ ଲୋକନୃତ୍ୟ, ତରଭା ବ୍ଳକ କଳା ସଂସ୍କୃତି ସଂଘର ପାଟଣେଶ୍ୱରୀ କଳା ପରିଷଦର ସମ୍ବଲପୁରୀ ନୃତ୍ୟ, ବୌଦ୍ଧ ଜିଲା ବାଉଁଶୁଣି ସାଂସ୍କୃତିକ ଅନୁଷ୍ଠାନର ପରଭା ନୃତ୍ୟ, ବୀରମହାରାଜପୁର ଭୀମଭୋଇ କଳା ନିକେତନ ଦଣ୍ଡନୃତ୍ୟ ପରିବେଷଣ କରିଥିଲେ। ସମ୍ବଲପୁରୀ ବାଦ୍ୟ, ଢୋଲ, ନିଶାନ ଓ ତାସାରେ ମଞ୍ଚ ଦୁଲୁକି ଉଠିଥିଲା। ଜିଲାପାଳ ଡ. ନୃପରାଜ ସାହୁ ନିଜେ ଗୀତ ଗାଈ ନାଚି ଉପସ୍ଥିତ ଦର୍ଶକ କଳାକାର ଆୟୋଜକ ସାମ୍ୱାଦିକ ପ୍ରଶାସନିକ ଅଧିକାରୀ କର୍ମଚାରୀ ଓ ଶୁଭେଛୁ ଙ୍କୁ ମନ୍ତ୍ର ମୁଗ୍ଧ କରିଥିଲେ। ଉଦଯାପନୀ ସାଂସ୍କୃତିକ କାର୍ଯ୍ୟକ୍ରମରେ ମାନଭଞ୍ଜନ ମିଶ୍ର, ଅବିନାଶ ହୋତା, ଚୌଧୁରୀ ବିଭାର, ଦେବାଶିଷ ପଟ୍ଟନାୟକ, ତନିଶା ଅଗ୍ରୱାଲ ଓ ରୁବି ବେହେରା ମଞ୍ଚ ପରିଚାଳନା କରିଥିଲେ।  ଜିଲ୍ଲାପାଳ ଡ଼ . ସାହୁ, ଏସପି ଶ୍ରୀ ନାରାୟଣ ନାଏକ, ଓ  ସି ଡି ଓ ଅଶ୍ଵିନୀ କୁମାର ମେହେର ଙ୍କୁ ଅର୍ମାସ ପକ୍ଷରୁ ସମ୍ବର୍ଧିତ କରାଯାଇଥିଲା l ଜିଲ୍ଲା ଉନ୍ନୟନ ପ୍ରଦର୍ଶନୀ ମେଳା ରେ ଜିଲ୍ଲା କୃଷି ଉଦ୍ୟାନ ବିଭାଗ ପ୍ରଥମ ପୁରସ୍କାର, ଜିଲ୍ଲା ମୃତ୍ତିକା ସଂରକ୍ଷଣ ଜଳ ବିଭାଜିକା ବିଭାଗ ଓ କୃଷି ବିଭାଗ କୁ ଯୁଗ୍ମ ଭାବରେ ଦ୍ୱିତୀୟ ପୁରସ୍କାର, ଓ ଜିଲ୍ଲା ଯୋଜନା ସମନ୍ଵୟ ବିଭାଗ କୁ ତୃତୀୟ ପୁରସ୍କାର ପ୍ରଦାନ କରିଥିଲେ ଜିଲ୍ଲାପାଳ l ପଲ୍ଲୀଶ୍ରୀ ମେଳାରେ ବେଷ୍ଟ୍ ଡିଷ୍ପ୍ଲେ  ଭାବେ ଜ୍ୱେଲେରି ହୋମ ଡେକର, ଏସ ଏଚ୍ ଜି ଗ୍ରୁପ୍ ନୟାଗଡ଼ କୁ , ବେଷ୍ଟ ସେଲ୍ସ ମ୍ୟାନ ସିପ ଷ୍ଟ୍ର ଫଟୋ ଫ୍ରେମ୍ ଷ୍ଟଲ୍ ମା ମଙ୍ଗଳା ସଂଘ ଢେଙ୍କାନାଳ କୁ , ବେଷ୍ଟ ସ୍ୱଦେଶୀ ଫୁଡ୍ ଭାବେ ମାଲେଶ୍ରି ମଶ୍ରୁମ୍ ପି ଇ ବି ଏମ୍ ପୁର କୁ ଓ ଚାରି ଲକ୍ଷ ରୁ ଅଧିକ ବିକ୍ରୀ କରିଥିବା ନୀଳମାଧବ ପି ଜି କଳାହାଣ୍ଡି ଜିଲ୍ଲା କୁ ଜିଲ୍ଲାପାଳ ଡ଼ ନୃପ ରାଜ ସାହୁ ଙ୍କ ଦ୍ଵାରା ସମ୍ବର୍ଦ୍ଧିତ କରା ଯାଇଥିଲା l ସହର ର ସମସ୍ତ ସହଯୋଗୀ ଅନୁଷ୍ଠାନ କୁ ସମ୍ବର୍ଧିତ କରାଯାଇଥିଲା l