06-Jan-2026

ସିନାପାଲି ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ନୀଳଜି ଆଞ୍ଚଳିକ ସାଧନ କେନ୍ଦ୍ର ପରିସର ଭୁକ୍ତ ନୀଳଜି ସରକାରୀ  ପ୍ରାଥମିକ ବିଦ୍ୟାଳୟ ଠାରେ ଉକ୍ତ ବିଦ୍ୟାଳୟ ର ଅବସର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ଶୁଭନାରାୟଣ ଦଣ୍ଡସେନା ଙ୍କ କ୍ଲଷ୍ଟର ସ୍ତରୀୟ ଅବସର କାଳୀନ ବିଦାୟ ସମର୍ଦ୍ଧନା ସଭା ଆଡମ୍ବର ସହ ଅନୁଷ୍ଠିତ ହୋଇଯାଇଛି  l ଏହି ସଭାରରେ ନୀଳଜି  ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟବ୍ରତ ଗହୀର ସଭାପତିତ୍ୱ କରିଥିବାବେଳେ ମୁଖ୍ୟ ଅତିଥି ଭାବରେ  ନୀଳଜି ଉଚ୍ଚ ବିଦ୍ୟାଳୟ ର ପ୍ରାକ୍ତନ ପ୍ରଧାନ ଶିକ୍ଷକ ଶ୍ରୀଯୁକ୍ତ  ମହେଶ କୁମାର ତିୱାରୀ, ବିଶିଷ୍ଟ ଅତିଥି ଭାବରେ ଟିମନପୁର ଗ୍ରାମ ପଂଚାୟତ ର  ସରପଞ୍ଚ ଶ୍ରୀଯୁକ୍ତ ବୈକୁଣ୍ଠ ଦଣ୍ଡସେନା,ମୁଖ୍ୟ ବକ୍ତା ଭାବରେ ପୂର୍ବତନ ଖଡ଼ିଆଳ ଏ ବି ଇ ଓ ଶ୍ରୀଯୁକ୍ତ ବୋଲଧର ନାଗ,ସମ୍ମାନିତ ଅତିଥିଭାବରେ ବିଦାୟୀ ପ୍ରଧାନ ଶିକ୍ଷକ ଶ୍ରୀଯୁକ୍ତ ଶୁଭନାରାୟଣ ଦଣ୍ଡସେନା,ପୂର୍ବତନ ସି ଆର ସି ସି ରାକେଶ କୁମାର ମିଶ୍ର ଏବଂ ବୈଗାପଡା ଉ : ପ୍ରା ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ଗୌରଚନ୍ଦ୍ର ସା ଯୋଗ ଦେଇଥିଲେ l  ସଭାପ୍ରାରମ୍ବରେ  ଅତିଥିଗଣଙ୍କ ଦ୍ୱାରା  ଦେବପୂଜନ  କାର୍ଯ୍ୟ ସରିଲା ପରେ  ଛାତ୍ରୀ ମାନେ  ସୁଲଳିତ କଣ୍ଠରେ ସ୍ୱାଗତ ସଂଗୀତ ଗାନ କରିଥିଲେ l ଅତିଥି ଓ ଶିକ୍ଷକଗଣ ଅବସର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ଶୁଭନାରାୟଣ ଦଣ୍ଡସେନା ଙ୍କ  ଶିକ୍ଷକତା ଜୀବନର ଆଦର୍ଶତା, ସମୟାନୁ ବର୍ତ୍ତିତା, ଛାତ୍ର ବତ୍ସଲତା,ଉତ୍ତମ ଗୋଷ୍ଠୀ ସମ୍ପର୍କ,ବନ୍ଧୁତା ଭାବ,ଧର୍ମ ପରାୟଣତା ଓ କର୍ତ୍ତବ୍ୟ ପରାୟଣତା, ଗୁଣ ଗୁଡିକର ବିଶଦ ଆଲୋଚନା କରିଥିଲେ  l ୧୯୮୪ ମସିହାରେ ଟିମନପୁର ପରି ଅନୁନ୍ନତ ଅଂଚଳରେ ଶିକ୍ଷା ର ପ୍ରସାର ପାଇଁ ଉଚ୍ଚ ପ୍ରାଥମିକ ବିଦ୍ୟାଳୟ ସ୍ଥାପନ କରି ସହକାରୀ ଶିକ୍ଷକ ଭାବରେ ନିଜର ଶିକ୍ଷକତା ଜୀବନ ଆରମ୍ଭ କରିଥିବା ସହ ଅଗଣିତ କୃତି ଛାତ୍ର, ଉତ୍ତମ ନାଗରିକ ଶିକ୍ଷକ,ବ୍ୟବସାୟୀ,ଅନ୍ୟାନ୍ୟ  ଜନସେବାକାରୀ , ଲୋକପ୍ରତିନିଧି ସୃଷ୍ଟିକରିବାରେ ସହାୟକ ହୋଇଛନ୍ତି  l ଦେଶ ଓ ଜାତି ଗଢିବାରେ ଶିକ୍ଷକ ଙ୍କ ଅବଦାନ ଅତୁଳନୀୟ ବୋଲି   ବକ୍ତାଗଣ ମତଦେବାସହ ବିଦାୟୀ ଶିକ୍ଷକଙ୍କ ଯଶ ଗାନ  କରିଥିଲେ  l  ତାପରେ  ଅତିଥି ଓ ଶିକ୍ଷକ ଗଣ  ବିଦାୟୀ ଶିକ୍ଷକ ଙ୍କୁ  ଫୁଲ, ଚନ୍ଦନ, ସିନ୍ଦୁର, ଅବିର  ଲଗାଇ  ଉପଢୌକନ ଓ  ମାନ ପତ୍ରଦେଇ ସମ୍ମାନିତ ଓ ସମ୍ବର୍ଦ୍ଧିତ କରିଥିଲେ  lତାଙ୍କ ଗୃହରେ ଆୟୋଜିତ ଭବ୍ୟ ସ୍ୱାଗତ ସମ୍ମର୍ଦ୍ଧନା ଉତ୍ସବ ରେ ନୂଆପଡା ଜିଲ୍ଲାର ବିଶିଷ୍ଟ ସମାଜସେବୀ ଶ୍ରୀଯୁକ୍ତ ଲମ୍ବୋଦର ନିଆଲ ସ୍ୱତନ୍ତ୍ର ନିମନ୍ତ୍ରିତ ଅତିଥି ଭାବରେ ଯୋଗ ଦେଇ ବିଦାୟୀ ଶିକ୍ଷକ ଙ୍କ ସହ କେକ କାଟି ତାଙ୍କର ଦୀର୍ଘ ଓ ନିରାମୟ ଜୀବନର ଶୁଭ କାମନା କରିଥିଲେ  l ଏହି ଉତ୍ସବ ରେ   ବିଦାୟୀ ଶିକ୍ଷକଙ୍କ ବନ୍ଧୁ ବାନ୍ଧବ, ଆତ୍ମୀୟ ସ୍ଵଜନ, ଅଂଚଳ ର ବୁଦ୍ଧି ଯିବି ଓ ଶିକ୍ଷକ ସମାଜ ତଥା ପରିବାର ବର୍ଗ  ଉପସ୍ଥିତ ଥିଲେ l