05-Jan-2026

ବଲାଙ୍ଗୀର: ସ୍ଥାନୀୟ ଗାନ୍ଧୀନଗର ପଡା ସ୍ଥିତ ସରକାରୀ ବାଳିକା ଉଚ୍ଚ ବିଦ୍ୟାଳୟ ପରିସରରେ ରାଣୀ ଲକ୍ଷ୍ମୀବାଈ ଆତ୍ମ ସୁରକ୍ଷା  ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ନୂତନ ନାୟକଙ୍କ ଅଧ୍ୟକ୍ଷତାରେ ତଥା ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଉଦ୍ଘାଟନୀ ସଭାରେ ଏଡିଇଓ ସେବାଶ୍ରୀ ଭୋଇ ମୁଖ୍ୟ ଅତିଥି, ଏଡିଇଓ ରୀନା କୁମାରୀ ବେହେରା ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ। ମୁଖ୍ୟ ଅତିଥି ଶ୍ରୀମତୀ ଭୋଇ ନିଜ ବକ୍ତବ୍ୟରେ ଆତ୍ମ ବିଶ୍ୱାସ ହେଉଛି ସବୁଠାରୁ ବଡ

ଶକ୍ତି ବୋଲି କହିଥିବା ବେଳେ ମୁଖ୍ୟ ବକ୍ତା ରୀନା କୁମାରୀ ବେହେରା ସାହସ ହେଉଛି ଆମ ପରିଚୟ ଓ ସମସ୍ତେ ସାହସ ଓ ସ୍ୱାବଲମ୍ବନର ପଥରେ ଆଗେଇ ଚାଲନ୍ତୁ ବୋଲି କହିଥିଲେ।ଏହି ଆତ୍ମ ସୁରକ୍ଷା  ଶିବିରରେ ଆପାତକାଳୀନ ସ୍ଥିତିରେ ନିଜକୁ ସୁରକ୍ଷିତ ରଖିବାର କୌଶଳ ସମ୍ପର୍କରେ ତାଲିମ ଦିଆଯାଇଥିଲା l କାର୍ଯ୍ୟକ୍ରମର 

 ସଂଯୋଜନା ସନ୍ତୋଷ ମହାଣା ଦେଇଥିବା ବେଳେ ଧନ୍ୟବାଦ ଦେଇଥିଲେ ଅସୀମ ଭୋଇ।ରିଶୋର୍ସ ପର୍ଶନ ଭାବେ ରୋଜି ପଧାନ,ଣମାନିନୀ ବାଗ, ତିଲୋଚମ୍ପା ମାଝୀ, ପୁଷ୍ପାଞ୍ଜଳି ମହାକୁର ପ୍ରମୁଖ ଯୋଗଦେଇ ଦେଶ ପ୍ରେମ,ଆତ୍ମରକ୍ଷା କୌଶଳ,ଶୃଙ୍ଖଳା ଓ ସମୟାନୁବର୍ତ୍ତିତା ସମ୍ପର୍କରେ ପ୍ରଶିକ୍ଷାର୍ଥୀ ମାନଙ୍କୁ ପ୍ରେରଣା ଦେବା ସହ ରାଣୀ ଲକ୍ଷ୍ମୀ ବାଈ ଙ୍କ ବୀରତା,ତ୍ୟାଗ ଓ ଦେଶ ପ୍ରେମ ଉପରେ ଆଲୋଚନା କରିଥିଲେ। ଏହି ପ୍ରଶିକ୍ଷଣ ଶିବିରରେ ଜିଲ୍ଲା ର ବିଭିନ୍ନ ବ୍ଲକରୁ ୧୧୩ଜଣ ପ୍ରଶିକ୍ଷାର୍ଥୀ ଯୋଗ ଦେଇଥିଲେ।