05-Jan-2026

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା କ୍ରିକେଟ ସଂଘ ପକ୍ଷରୁ ସ୍ଥାନୀୟ ଗାନ୍ଧୀ ଷ୍ଟାଡିଅମରେ ଚଳିତ ମାସ ୧୯ ତାରିଖରୁ ୨୬ତାରିଖ ପର୍ଯ୍ୟନ୍ତ ୩୭ତମ ସର୍ବଭାରତୀୟ ଲାଲମନି କ୍ରିକେଟ ପ୍ରତିଯୋଗିତା (ଲାଲମନି କ୍ରିକ ଫେଷ୍ଟ -୨୦୨୬) ଆରମ୍ଭ ହେବ ବୋଲି ଜିଲ୍ଲା  କ୍ରିକେଟ ସଂଘ  ପକ୍ଷରୁ ସଂଘ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀ ରେ ସୂଚନା ଦିଆଯାଇଛି। ଚଳିତ ବର୍ଷ ରାଜ୍ୟ ଭିତରୁ ୫ଟି ଏବଂ ରାଜ୍ୟ ବାହାରୁ ୪ଟି ଦଳ ଅଂଶଗ୍ରହଣ କରିବେ | ୨୨ ତାରିଖ ପ୍ରଥମ ସେମିଫାଇନାଲ ଏବଂ ୨୫ ତାରିଖ ଦ୍ବିତୀୟ ସେମିଫାଇନାଲ ମ୍ୟାଚ୍ ଅନୁଷ୍ଠିତ ହେବ । ସେହିପରି ମେଗା ଫାଇନାଲ ଖେଳ ୨୬ ତାରିଖ ଦିନ ଅନୁଷ୍ଠିତ ହେବ | ପ୍ରତ୍ୟେକ ମ୍ୟାଚ ଟି-୨୦, ଟି-୧୦ ଫର୍ମାଟରେ ଖେଳାଯିବ। ଏପରିକି ଆବଶ୍ୟକ ପଡିଲେ ସୁପର-୨ ଓଭର ଖେଳାଯିବ ବୋଲି ସୂଚନା
ଦେଇଛନ୍ତି ସଂଘ କର୍ମ କର୍ତ୍ତା l ଜଣେ ଦୁଇ ଜଣ ଆନ୍ତର୍ଜାତିକ କ୍ରିକେଟିୟର  ଙ୍କୁ ଏହି ଉତ୍ସବ ପାଇଁ ନିମନ୍ତ୍ରଣ କରା ଯାଇଥିବା ବିଷୟ ମଧ୍ୟ ସୂଚନା ଦେଇଛନ୍ତି । ପ୍ରତି ସଂଧ୍ୟା ରେ ସାଂସ୍କୃତିକ କାର୍ଯ୍ୟକ୍ରମ ପାଇଁ ଅୟୋଜନ ହୋଇଛି ।ସାମ୍ବାଦିକ ସମ୍ମିଳନୀରେ ଜିଲ୍ଲା କ୍ରିକେଟ ସଂଘ ସଭାପତି ରାମଶଙ୍କର ସାହୁ, ଉପସଭାପତି ବି. ସତ୍ୟନାରାୟଣ ରାଓ, ସମ୍ପାଦକ ପ୍ରଦୀପ ସେଠୀ, କୋଷାଧ୍ୟକ୍ଷ ଶ୍ୟାମସୁନ୍ଦର ପାତ୍ର, ଜିଲ୍ଲା କ୍ରିକେଟ ସଂଘର ସମସ୍ତ ସଦସ୍ୟ ଯୋଗଦେଇଥିଲେ  ।