05-Jan-2026

ସାଲେଭଟା(ପ୍ରେରଣା ଖବର): ଗତକାଲି ମଧ୍ୟାହ୍ନରେ ଚେରୁପାଲି-ସାଲେଭଟା ଅଙ୍ଗନଦୀ ପୋଲ ଉପରେ ଏକ ମର୍ମନ୍ତୁଦ ଦୁର୍ଘଟଣାରେ କାକା-ପୁତୁରାର ମୃତ୍ୟୁ ହୋଇଥିବା ଜଣାଯାଏ । ପ୍ରାପ୍ତ ସୂଚନା ଅନୁସାରେ ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ଚରଦା ଗ୍ରାମର ଲକ୍ଷ୍ମଣ ବାଗଙ୍କ ପୁଅ ଭଜନ ବାଗ(୩୨) । ଭଜନ ବାଗଙ୍କ ପୁତୁରା ତଥା ପରଦେଶୀ ବାଗଙ୍କ ପୁଅ ପାର୍ଥ ବାଗ(୧୪) ଏକ ବାଇକ ଯାହାର ନମ୍ବର ଓଡି ୦୩-ପି-୪୩୫୫ରେ ଅଙ୍ଗନଦୀ ପୋଲ ଉପରେ ଦେଇ ଲୋଇସିଂହା କୁ ଯାଉଥିଲେ। ପାର୍ଥ ବାଗଙ୍କ ଭଉଣୀର ବାହା ଘର ନିମନ୍ତ୍ରଣ କାର୍ଡ ବା ବାକୁ ଆଜି ସକାଳେ ବାହାରି ବିଭିନ୍ନ ଗ୍ରମାର ନିଜର ସଂପର୍କୀୟ ମାନଙ୍କୁ ଦେଉଥିଲେ । ଡୁଙ୍ଗୁରିପାଲି ବ୍ଳକ ଶୁଖା ଗ୍ରାମରେ କାର୍ଡ ବଂଟନ ପରେ ଲୋଇସିଂହାକୁ ଯାଉଥିଲେ । ୨୬ ନମ୍ବର ଜାତୀୟ ରାଜପଥର ବୀପରୀତ ଦିଗରୁ ଏକ ଗାଜର ବୋଝେଇ ମହିନ୍ଦ୍ରା ସୁପ୍ରୋ ଗାଡି ଯାହାର ନଂ.ଓଡି ୦୩-ଡବ୍ଲ୍ୟୁ-୩୯୪୧ ବାଇକୁ ଧକ୍କା ଦେଇଥିଲା । ଫଳରେ ଉଭୟେ

ଗୁରୁତର ହୋଇ ପଢି ଯାଇଥିଲେ । ଘଟଣା ସ୍ଥଳରୁ ଉଦ୍ଧାର କରି ଡୁଙ୍ଗୁରିପାଲି ଡାକ୍ତରଖାନାରେ ଭର୍ତି କରିଥିଲେ । ପାର୍ଥ ବାଗକୁ ଡାକ୍ତର ମୃତ ଘୋଷଣା କରିଥିବା ବେଳେ ଗୁରୁତର ଭଜନକୁ ବରଗଡ ଡାକ୍ତରଖାନାକୁ ପଠାଯାଇଥିଲା । ସେଠାରେ ତାଙ୍କର ମଧ୍ୟ ମୃତ୍ୟୁ ହୋଇଥିବା ସଂପର୍କୀୟମାନେ ପ୍ରକାଶ କରିଛନ୍ତି । ମୃତ ପାର୍ଥ ବାଗ ଦଶମ ଶ୍ରେଣୀରେ ପଢ଼ୁଥିବା ବେଳେ ସେ ବାପାମାଙ୍କ ଏକମାତ୍ର ପୁତ୍ର । ଗୋଟିଏ ମାତ୍ର ଭଉଣୀର ବାହା ଘର ଆସନ୍ତା ଜାନୁୟାରୀ ୨୮ତାରିଖରେ

ସରଧାପାଲିରେ ହେବାକୁ ଥିବା ବେଳେ ଉଭୟ କାକା-ପୁତୁରା କାର୍ଡ ବାଂଟୁଥିଲେ । ଗୋଟିଏ ପରିବାରର ଦୁଇ ଜଣଙ୍କ ଦୁର୍ଘଟଣାରେ  ମୃତ୍ୟୁ ଖବର ପାଇ ପରିବାର ଲୋକେ ଡାକ୍ତରଖାନାରେ ପହଂଚିଥିଲେ । ସେଠାରେ କାନ୍ଦ ବୋବାଲି ରେ ଫାଟି ପଡ଼ୁଥୁଲା । ଡୁଙ୍ଗୁରିପାଲି ପୁଲିସ୍ ଖବର ପାଇ ଏକ ଦୁର୍ଘଟଣା ମାମଲା ରଜୁ କରି ତଦନ୍ତ ଜାରି ରଖିଛନ୍ତି । ଡୁଙ୍ଗୁରିପାଲି ଡାକ୍ତରଖାନାରେ ଥିବା ପାର୍ଥର ମୃତ ଦେହ ଆସନ୍ତାକାଲି ଶବ ବ୍ୟବଚ୍ଛେଦ ପାଇଁ ବିନିକା ପଠାଯିବ ବୋଲି ଥାନାଧୁକାରୀ ରୋଜାଲିନ ପଟେଲ ପ୍ରକାଶ କରିଛନ୍ତି l