03-Jan-2026

ବଲାଙ୍ଗିର(ପ୍ରେରଣା ଖବର): -ବଲାଙ୍ଗୀର ଜିଲ୍ଲାର ପ୍ରଥମ ସ୍ୱାଧିନତାସଂଗ୍ରାମୀ ସହିଦ ଧରମସିଂମାଝୀ ମାନଧାତାଙ୍କ ଜନ୍ମମାଟି ଆଠଗାଁକୁ ବରପୁତ୍ର ଐତିହ୍ୟଗ୍ରାମ ଘୋଷଣା କରାଯାଇଛି । ରାଜ୍ୟର ୨୫ଜଣ  ବରପୁତ୍ରଙ୍କ ତାଲିକାରେ ଆଠଗାଁର ଧରମସିଂମାଝୀ ମାନଧାତାଙ୍କ ନାମ ରହିଛି । ମୁଖ୍ୟମନ୍ତ୍ରୀ ମୋହନଚରଣ ମାଝୀଙ୍କ ଏହି ଘୋଷଣା ପରେ ବଲାଙ୍ଗୀରବାସୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଏହି ଗ୍ରାମର ବିକାଶ ପାଇଁ ରାଜ୍ୟସରକାର ଆଉ ୧୫କୋଟି ଟଙ୍କା ଖର୍ଚ୍ଚ କରିବେ ।
    ଇତିହାସ କହେ ଆଠଗାଁର ଜମିଦାର ଧରସିଂମାଝି ମାନଧାତା ୧୮୫୩ ମସିହାରେ ଚକୋରାବିଶୋଇ,ରେଣ୍ଡୋ ମାଝୀଙ୍କ ସହିତ ମିଶି କନ୍ଧମେଳି କରି ବ୍ରିଟିସ ସାମ୍ରାଜ୍ୟ ବିରୁଦ୍ଧରେ ସଂଗ୍ରାମ କରିଥିଲେ । ସେ ଚକୋରା ବିଶୋଇ ଓ ରେଣ୍ଡୋ ମାଝୀଙ୍କ ସହ ତାଙ୍କର ସହଯୋଗୀମାନଙ୍କୁ ଆଶ୍ରୟ ମଧ୍ୟ ଦେଇଥିଲେ । ବ୍ରିଟିସ ସାମ୍ରାଜ୍ୟ ବିରୁଦ୍ଧରେ ଲଢେଇ କରି ଶେଷରେ ଗିରଫ ହୋଇ ନାଗପୁର ଜେଲରେ ମୃତ୍ୟୁବରଣ କରିଥିଲେ । ତାଙ୍କୁ ବଲାଙ୍ଗୀରର ପ୍ରଥମ ସହିଦ ବୋଲି କୁହାଯାଏ । ପୂର୍ବ ନବୀନ ସରକାର ସମୟରେ ଆଠଗାଁ ସ୍ôଥିତ ଧରମସିଂମାଝୀଙ୍କ ମହଲର ପୁନଃରୁଦ୍ଧାର କାମ

ଆରମ୍ଭ କରାଯାଇଥିଲା । ୪କୋଟି୮୯ ଲକ୍ଷ ଟଙ୍କାରେ ଏହାର ପୁନଃରୁଦ୍ଧାର କାମ ଆଗେଇ ଚାଲିଛି । ମୁଖ୍ୟମହଲ,ପୁଡାପାଠମନ୍ଦିର,ମହଲ ଚାରପଟେ ବାଡ,ଏଠାରେ ଥିବା ପୁସ୍କରିଣୀର ପୁନଃରୁଦ୍ଧାର ଓ ସୌନ୍ଦର୍ଯ୍ୟକରଣ ତଥା ରାସ୍ତାକାମ କରାଯାଉଛି । ଏକ ଅବହେଳିତ ଐତିହ୍ୟପୀଠର ବିକାଶ କରାଯାଉଥିବାରୁ ବହୁଲୋକ ଏନେଇ ଖୁସି ବ୍ୟକ୍ତ କରିଛନ୍ତି । ବଲାଙ୍ଗୀର ଜିଲ୍ଲାପାଳ ଗୌରବଶିବାଜୀ ଇସଲୱାର ଗତ ୨୭ ତାରିଖରେ ଏହି ପୁନଃରୁଦ୍ଧାର କାମ ପରିଦର୍ଶନ କରିଛନ୍ତି । କାମକୁ ତ୍ୱରାନ୍ୱିତ କରି ଶେଷକରିବାକୁ କାର୍ଯ୍ୟକୁ କରାଉଥିବା ପୂର୍ତ୍ତବିଭାଗକୁ ନିର୍ଦ୍ଦେଶ କରିଛନ୍ତି । ଜିଲ୍ଲାପାଳ ଇସୱାଲଙ୍କ ଏହି ପରିଦର୍ଶନ ସମୟରେ  ସାଙ୍ଗରେ ବଲାଙ୍ଗୀର ଜିଲ୍ଲା ସଂସ୍କୃତିଅଧିକାରୀ ରଶ୍ମୀରଂଜନ ମିଶ୍ର,ପୂର୍ତ୍ତବିଭାଗର ତୁଷୁରା ଏସଡିଓ ଇଂ,ସାଲହା ଟୁଡୁ,କନିଷ୍ଠଯନ୍ତ୍ରୀ ବେହେରାବାବୁ ପ୍ରମୁଖ ସାମିଲ ଥିଲେ ।