02-Jan-2026

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ରାମପୁର ନିବାସୀ ଡାକ୍ତର କୃପାସିନ୍ଧୁ ବଡପଣ୍ଡା (୮୫)ଙ୍କ ବାର୍ଦ୍ଧକ୍ୟ ଜନିତ ଅବସ୍ଥାରେ ନିଜ ବାସ ଭବନରେ ଗୁରୁବାର ରାତ୍ର ସମୟ ୨.୨୦ରେ ପରଲୋକ ଘଟିଛି ।ଖବର ପ୍ରଚାରିତ ହେବା ପରେ ସାରା ଅଞ୍ଚଳରେ ଶୋକର ଲହରି ଖେଳିଯାଇଥିଲା ବହୁ ମାନ୍ୟଗନ୍ୟ ବ୍ୟକ୍ତି ବିଶେଷ ତାଙ୍କ ଶେଷ ଦର୍ଶନ କରିଥିଲେ । ପ୍ରକାଶ ଥାଉ କି ଯେ ସ୍ବର୍ଗତ ଡାକ୍ତର ଶ୍ରୀ ବଡ଼ପଣ୍ଡା ୨୦୦୫ରେ ସୁବର୍ଣ୍ଣପୁର  ଜିଲ୍ଲାର ବିଭିନ୍ନ ସ୍ବାସ୍ଥ୍ୟ କେନ୍ଦ୍ର ତଥା ବିଶେଷ କରି ବିନିକା,ଉଲୁଣ୍ଡାର  ନିଯୁକ୍ତି ପାଇ ଉଚ୍ଚକୋଟିର ସ୍ୱାସ୍ଥ୍ୟ ସେବା ଲୋକଙ୍କୁ ଯୋଗାଇ ଦେଇଥିଲେ । ଜଣେ ପ୍ରବୀଣ ଡାକ୍ଟର ଭାବେ ଅଞ୍ଚଳରେ ବେଶ ପରିଚିତ ଥିଲେ ।  ଯାହାକି ତାଙ୍କ ଠାରୁ ଉତ୍ତମ ଚିକିତ୍ସା ପାଇ ବହୁ ଲୋକ ଉପକୃତ ହୋଇଥିଲେ l ତାଙ୍କ ଉତ୍ତମ ସ୍ୱାସ୍ଥ୍ୟ ସେବା ପ୍ରଦାନକୁ ଏବେ ବି ଅଞ୍ଚଳର ଲୋକେ ଭୂଜସି ପ୍ରଶଂସା କରି ଆସୁଛନ୍ତି । ଆଜି  ହଠାତ ଶ୍ରୀ ବଡପଣ୍ଡାଙ୍କ ପରଲୋକ ଗମନ ଖବର ପ୍ରଚାରିତ ହେବା ପରେ ବନ୍ଧୁ ବାନ୍ଧବ,ଆତ୍ମୀୟ ସଜନ ମହଲରେ ଶୋକାକୁଲ ପରିବେଶ ସୃଷ୍ଟି କରିଥିଲା ।ତାଙ୍କ ମୃତ୍ୟୁ ବେଳେ ପାଖରେ ପରିବାରର ସମସ୍ତ ସଦସ୍ୟ ଉପସ୍ଥିତ ଥିଲେ ।ସ୍ବର୍ଗତ ଶ୍ରୀ ବଡପଣ୍ଡାଙ୍କ ମରଶରୀରକୁ ଏକ ଶୋଭାଯାତ୍ରାରେ ନିକଟ ରାମପୁର, ଭବାନୀପାଳି ସ୍ଥିତ ଶ୍ଵଶାନ ଘାଟକୁ ନିଆଯାଇ ସେଠାରେ ଅନ୍ତିମ ସଂସ୍କାର କରାଯାଇଥିଲା । ବଡ ପୁଅ ପ୍ରସଞ୍ଜିତ ବଡପଣ୍ଡା ମୁଖାଗ୍ବି ପ୍ରଦାନ କରିଥିଲେ।