31-Dec-2025

ବଲାଙ୍ଗୀର/ପୁଇଁତଳା (ପ୍ରେରଣା ଖବର): ବଲାଙ୍ଗୀର ଜିଲ୍ଲା ପୁଇଁନ୍ତଲା ବ୍ଲକ ଭାଲେର ର ୧୦୬ତମ ଧନୁଯାତ୍ରା ଉଦ୍‌ଘାଟିତ ହୋଇଯାଇଛି । ଓଡ଼ିଆ ଭାଷା ସାହିତ୍ୟଓ ସଂସ୍କୃତି ବିଭାଗ ସହଯୋଗରେ ଧନୁଯାତ୍ରା ମହୋତ୍ସବ କମିଟି ସଭାପତି ରାଜକିଶୋର ନାଏକଙ୍କ ଅଧ୍ୟକ୍ଷତାରେ ସୋମବାର ଉଦ୍‌ଘାଟନୀ ଉତ୍ସବ ଅନୁଷ୍ଠିତ ହୋଇଥିଲା । ପୁଇଁନ୍ତଳା ବ୍ଲକ ଅଧ୍ୟକ୍ଷ ସରୋଜ ପ୍ରଧାନ ମୁଖ୍ୟ ଅତିଥି, ଜିଲ୍ଲା ପରିଷଦ ସଭ୍ୟ ସବିତା ସେଠ, ଉପସଭାପତି ଭାଗିରଥୀ ସେଠ, ସଂପାଦକ ସୁମନ୍ତ ନାଏକ, ସହସଂପାଦକ ମନ ରାଉତ, କୋଷାଧ୍ୟକ୍ଷ ସୁବଳ ନାଏକ, ସରପଂଚ ପ୍ରଦୀପ ନନ୍ଦ, ଉପଦେଷ୍ଟା କମିଟି ସଭ୍ୟ ବିଧୂଶେଖର ନନ୍ଦ, ଜୟକୃଷ୍ଣ ନାଏକ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ଏହି ଅବସରରେ କଂସ ଦରବାର ମଂଚ ଉଦ୍‌ଘାଟନ, ଦେବକୀ-ବାସୁଦେବ ବିବାହ, ଉଗ୍ରସେନ ଗାଦିଚ୍ୟୁତ ଓ ଷଡପୁତ୍ର ଜନ୍ମ ନାଟକ ମଂଚସ୍ଥ ହୋଇଥିଲା । ଏହାପୂର୍ବରୁ ଅପରାହ୍ନରେ ମୋନାଲିସା ମହାପାତ୍ରଙ୍କ ପାରାୟଣ ଅନୁଷ୍ଠିତ ହୋଇଥିଲା । ସାଂସ୍କୃତିକ କାର୍ଯ୍ୟକ୍ରମରେ କେନ୍ଦ୍ରାପଡା ଜଗତସିଂହପୁରର ଘୋଡାନାଚ ପରିବେଷଣ କରାଯାଇଥିଲା ।

ସେହିପରି ମଙ୍ଗଳବାର ଦ୍ୱିତୀୟ ଦିବସରେ ଖୋର୍ଦ୍ଧା ଭଜନ ସଂଧ୍ୟା ଅନୁଷ୍ଠିତ ହୋଇଥିଲା । ଦେବସଭ।। ସ୍ୱପ୍ନ ଦର୍ଶନ, ବିଜୁଳି କନ୍ୟା ଓ କୃଷ୍ଣ ଜନ୍ମ, ପୁତୁନା ପ୍ରେରଣା ଆଦି ନାଟକ ମଂଚସ୍ଥ ହୋଇଥିଲା । ସାଂସ୍କୃତିକ କାର୍ଯ୍ୟକ୍ରମରେ ପୁରୀ ଚୈତି ଘୋଡାନାଚ, ତୁଷୁରା ବଡ-ସାନ ଘୁଡୁକା ନାଚ ପରିବେଷଣ କରାଯାଇଥିଲା । ଧନୁଯାତ୍ରା ଉତ୍ସବ ଦେଖିବା ପାଇଁ ଭାଲେର, ପୁଡାପାଲି, କୁରୁଲ, ଫଟକରା, ଖଲିଆପାଲି, ବୀଜାବାହାଲି, ଲେପଟା, ଦଶପୁର ସହ ଆଖପାଖ ଅଂଚଳର ଶତାଧିକ ଦେଖଣାହାରୀଙ୍କ ଭିଡ ଜମିଥିଲା ।