30-Dec-2025

ବିନିକା(ହିମାଂଶୁ ଶେଖର ପୁଟେଲ)ସରଳ ଜୀବନଯାପନ ପାଇଁ ଲୋକଙ୍କ ସୁରକ୍ଷା ନିମନ୍ତେ ରାଜ୍ୟ ସରକାରଙ୍କ ପରିବହନ ବିଭାଗ ନିୟମ ପ୍ରଚଳନ କରୁଛନ୍ତି। ଯଦି ସେହି ନିୟମକୁ ସାଧାରଣ ଲୋକେ ଉଲ୍ଲଂଘନ କଲେ ତେବେ ତାଙ୍କ ଉପରେ ଫାଇନ ପଡୁଛି।କିନ୍ତୁ ନିୟମ ଲାଗୁ କରୁଥିବା ପରିବହନ କର୍ମଚାରୀ ନିୟମକୁ ପାଳନ କରୁନାହାନ୍ତି ତେବେ ତାଙ୍କ ଉପରେ କାର୍ଯ୍ୟାନୁଷ୍ଠାନ ହେବ ନା ସେମାନଙ୍କ ପାଇଁ ନିୟମ ନିୟମ ହୋଇ ରହିବ ସେନେଇ ସର୍ବତ୍ରରେ ଆଲୋଚନା ହେଉଥିବା ଜଣାପଡିଛି ।ଦେଖିବାକୁ ମିଳିଛି ବିନିକା - ଏସ ରାମପୁର ମୁଖ୍ୟ ରାସ୍ତାରେ । ସଡକ ସୁରକ୍ଷା ଜୀବନ ରକ୍ଷା ନେଇ ସାରା ରାଜ୍ୟରେ ସଚେତନତା ସୃଷ୍ଟି କରାଯାଉଛି ।ଏଥିରେ ଯେଉଁମାନେ ମାନୁ ନାହାନ୍ତି ସେମାନଙ୍କୁ ମୋଟା ଅଙ୍କର ଫାଇନ ଗଣିବାକୁ ପଡୁଛି ।ତେବେ ଆଜି ସୁବର୍ଣ୍ଣପୁର ଜିଲ୍ଲା ପରିବହନ ବିଭାଗ ଅଧିକାରୀ ଦେବବ୍ରତ ପଟ୍ଟା ନିଜ ଷ୍ଟାଫ ଙ୍କ ସହିତ ଧରପଗଡ ପାଇଁ ବିନିକା - ଏସ ରାମପୁର ରାସ୍ତାରେ ଆସୁଥିଲେ   ।ଠିକ ଏହି ସମୟରେ ଜଣେ ସାମ୍ବାଦିକ ଖବର ସଂଗ୍ରହ ପାଇଁ ବାଇକରେ ବିନିକା ଆସୁଥିବା ବେଳେ ଏହି ମୁଖ୍ୟ ରାସ୍ତାର ସିଂହିଯୁବା - ଜାମପାଲି ମଝିରେ ପରିବହନ ବିଭାଗ ଗାଡ଼ି ତାଙ୍କୁ ଓଭର ଟେକ୍  କରି ବାଇକ କୁ ଛାଡି ନଥିଲେ।ଯାହାକି ବାଇକ ସହିତ ବୋଲେରୋ ଗାଡ଼ି ଦୁର୍ଘଟଣାର ଆଶଙ୍କା ରହିଥିଲା ଗାଡ଼ି ଭିତରୁ ପରିବହନ ଅଧିକାରୀ ବାହାରି ହେଲମେଟ ପିନ୍ଧି ନାହଁ ଫାଇନ ଦିଅ,ଅଫିସକୁ ଯିବ ବୋଲି କହିଥିଲେ ।ସାମ୍ବାଦିକ ଜଣକ ହଁ ସାରା ହରବରରେ ଆସୁଥିବାରୁ ହେଲମେଟ ପିନ୍ଧି ନାହଁ ଫାଇନ ଦେବି କିନ୍ତୁ ଅଫିସକୁ କାହିଁକି ଯିବି ବୋଲି କହିଥିଲେ। ପରିବହନ ଅଧିକାରୀ ୫୦୦ଶହ ଟଙ୍କା ଦିଅ ଆଉ ଏଠାରୁ ଚାଲି ଯାଅ କହିବାରୁ ସାର ଆପଣ ନିୟମ ଲାଗୁ କରୁଛନ୍ତି ହେଲେ ଆପଣ ନିୟମ କୁ ନିଜେ ପାଳନ କରୁନାହାନ୍ତି। ଗାଡ଼ି ଡ଼୍ରାଇଭର ସିଟ ବେଲ୍ଟ ପିନ୍ଧିଛି ଅଥଚ ଆପଣ ପିନ୍ଧି ନାହାନ୍ତି,ଆପଣଙ୍କ ଆଇ କାଡ ନାହିଁ,ମୁଣ୍ଡରେ ଟୋପି ନାହିଁ କେମିତି ଆପଣ ନିୟମ ପାଲନ କରୁଛନ୍ତି,ପଚାରିଲେ ସାଧାରଣ ଜନତା ଙ୍କୁ ନାଲି ଆଖି ଦେଖାଉଛନ୍ତି ।ନିଜେ କରିଥିବା ନିୟମକୁ ଠିକ ଭାବେ ପାଳନ କରନ୍ତୁ ବୋଲି ସାମ୍ବାଦିକ ଜଣକ କହିବାରୁ ଅଧିକାରୀ ଜଣକ ଦୁର୍ବ୍ୟବହାର କରିଥିଲେ ବୋଲି ସାମ୍ବାଦିକ ପ୍ରକାଶ କରିଛନ୍ତି। ତେବେ ବର୍ତ୍ତମାନ ଜିଲ୍ଲାରେ ଜଣେ ଦକ୍ଷ ଜିଲ୍ଲାପାଳ ଅବସ୍ଥାପିତ ଅଛନ୍ତି ତାଙ୍କର ମହତ କାର୍ଯ୍ୟ ଓ ସେବା ସାରା ରାଜ୍ୟରେ ପ୍ରଶଂସାର ସୁଅ ଛୁଟୁ ଥିବା ବେଳେ ଜିଲ୍ଲାରେ ଏପରି ପରିବହନ ଅଧିକାରୀଙ୍କ ପାଇଁ ଜିଲ୍ଲା ବଦନାମ ହେଉଛି ବୋଲି ସାଧାରଣରେ ଆଲୋଚନା ହେଉଛି। ତେଣୁ ନିଜେ ନିୟମ ଲାଗୁ କରିଥିବା ଅଧିକାରୀ ଯଦି ନିୟମ ମାନୁ ନାହାନ୍ତି ତେବେ ତାଙ୍କ ଉପରେ କାର୍ଯ୍ୟାନୁଷ୍ଠାନ ହେବ ତ ? ନା କେବଳ ସାଧାରଣ ଲୋକଙ୍କ ଉପରେ ଏହି ନିୟମ କି ବୋଲି ପ୍ରଶ୍ନବାଚୀ ସୃଷ୍ଟି କରିଛି ।