29-Dec-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଏନଏସି ଅଧିନସ୍ତ ଗୁଲାପଡ଼ା ଗ୍ରାମର ପ୍ରକାଶ ମହାନ୍ତିଙ୍କୁ ହତ୍ୟା କରି ମାଟିରେ ପୋତି ଦେଇଥିବା ଘଟଣାରେ ବିନିକା ପୋଲିସ ୩ଜଣଙ୍କୁ ଗିରଫ କରି କୋଟ ଚଲାଣ କରିଛି  ।ଏନେଇ ଆଜି ଅପରାହ୍ନରେ ବିନିକା ଥାନାରେ ଅନୁଷ୍ଟିତ ସାମ୍ବାଦିକ ସମ୍ମିଳନୀରେ ସୋନପୁର ଏସଡିପିଓ ପ୍ରତାପ ଚନ୍ଦ୍ର ତ୍ରିପାଠୀ ସୂଚନା ଦେଇଛନ୍ତି।ଘଟିଥିବା ଘଟଣା ଉପରେ ସେ କହିଥିଲେ ଯେ ୧୮ତାରିଖ ସନ୍ଧ୍ୟାରୁ ପ୍ରକାଶ ନିଖୋଜ ଥିଲା ତାର ପରିବାର ଖୋଜାଖୋଜି କରି ନପାଇବାରୁ ସ୍ତ୍ରୀ ବନିତା ମହାନ୍ତି ୨୩ତାରିଖରେ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ପୋଲିସ ତରଫରୁ ତଦନ୍ତ ଚାଲିଥିଲା ପୁନର୍ବାର ସ୍ତ୍ରୀ ବନିତା ନ୍ୟାୟ ପାଇଁ ବିନିକା ଥାନାର ଦ୍ୱାରସ୍ଥ ହୋଇ ମୋ ସ୍ବାମୀଙ୍କ ତାର ସହଯୋଗୀ ମାନେ ହତ୍ୟା କରି ମାଟିରେ ପୋତି ଦେଇଥିବା ଅଭିଯୋଗ ଆଣିବା ପରେ ପୋଲିସ ଘଟଣାକୁ ଗୁରୁତ୍ତ୍ଵ ଦେଇ ତଦନ୍ତ ପ୍ରକ୍ରିୟାକୁ ଆଗକୁ ନେଇଥିଲା କାମ କରୁଥିବା ସହଯୋଗୀ ମାନଙ୍କୁ ଧରି ଆଣି ଟିକିନିଖି ପଚାରିବା ପରେ ହତ୍ୟା ଘଟଣାର ରହସ୍ୟ ଉନ୍ମୋଚନ ହୋଇଥିଲା ୨୮ତାରିଖରେ ମୃତ ପ୍ରକାଶର ଜଣେ ସହଯୋଗୀକୁ ଧରି ପୋଲିସ ହତ୍ୟା ଘଟଣା ସ୍ଥଳ କୁଲେର ଯୋର ନିକଟ ନାଲକୁ ଯାଇ ମାଟିରେ ପୋତା ହୋଇଥିବା ପ୍ରକାଶର ଶବକୁ ଉଦ୍ଧାର କରାଯାଇଥିଲା । ଏହି ହତ୍ୟାକାଣ୍ଡରେ ସଂଶ୍ଳିଷ୍ଟ ମୁଖ୍ୟ ଅଭିଯୁକ୍ତ ଅଜିତ ସେବକ ଓରଫ ମଣ୍ଟୁ(୩୩),ଲେନଗଟ ଓରଫ ଶେଖର ପଧାନ(୨୪),ତପୁନ ପଧାନ(୨୬)ଙ୍କୁ ଗିରଫ କରି କୋଟ ଚଲାଣ କରାଯାଇଛି ।ଏଥିରେ ସଂପୃକ୍ତ ଅନ୍ୟ ଜଣେ ବ୍ୟକ୍ତି ଫେରାର ଅଛି ।ତେବେ ଘଟଣା ଉପରେ ରାତ୍ରି ଭୋଜନ ପରେ  କୌଣସି କାରଣକୁ ନେଇ ତାଙ୍କ  ମଧ୍ୟରେ ଝମେଲା ହୋଇଥିବ ।ହାତୁଡ଼ିରେ ମୁଣ୍ଡକୁ ପିଟିବା ପରେ ପ୍ରକାଶ କୁ ବୋଧେ ଖୋଲା ହୋଇଥିବା ଗାତରେ ପକାଇ ଟ୍ରାକ୍ଟର ଯୋଗେ ମାଟି ପୋତି ଦିଆ ଯାଇଥିବା ଅନୁମାନ କରାଯାଉଛି ତେବେ ତଦନ୍ତ ପ୍ରକ୍ରିୟାକୁ ଯୋର ଦିଆଯାଇଛି। ହତ୍ୟା ଘଟଣାର ସତ୍ୟତା ପର୍ଦ୍ଦାଫାଶ ନିଶ୍ଚିତ ହେବ ବୋଲି ଏସଡିପିଓ ସୂଚନା ଦେଇଥିଲେ।ଅନୁଷ୍ଟିତ ଏହି ସାମ୍ବାଦିକ ସମ୍ମିଳନୀରେ ବିନିକା ଥାନା ଅଧିକାରୀ ସତ୍ୟ ନାରାୟଣ ନାୟକ,ଏସ ଆଇ ପ୍ରଶନ୍ନଜିତ୍ ବେହେରା ମଧ୍ୟ ଉପସ୍ଥିତ ଥିଲେ।