28-Dec-2025

ବିନିକା(ହିମାଂଶୁ ଶେଖର ପୁଟେଲ)୧୧ଦିନ ହେଲା ନିଖୋଜ ଥିବା ପ୍ରକାଶ ମହାନ୍ତି ନାମକ ଜଣେ ବିବାହିତ ଯୁବକଙ୍କ ମୃତ ଦେହ ଆଜି ଏକ ନାଲ ନିକଟ ଗାତରେ ପୋତା ହୋଇଥିବା ମାଟି ଭିତରୁ ଉଦ୍ଧାର କରାଯାଇଛି। ସ୍ତ୍ରୀ ବନିତା ସ୍ବାମୀ ନିଖୋଜ ଥିବା ନେଇ ବିନିକା ଥାନାରେ ଅଭିଯୋଗ କରିବା ସହିତ ସ୍ବାମୀ କୁ ହତ୍ୟା କରାଯାଇ ମାଟି ଖୋଲି ପୋତି ଦିଆଯାଇଥିବା ସନ୍ଦେହ କରି ପୋଲିସ ଠାରେ ନ୍ୟାୟ ଭିକ୍ଷା ମାଗିଥିଲେ ।ସନ୍ଦେହ  ସତ ହେଲା  ।ହତ୍ୟା ଘଟଣା  ଘଟିଥିବା ସ୍ଥାନରେ ବିନିକା ପୋଲିସ ଟିମ, ସମ୍ବଲପୁର ସାଇଣ୍ଟିଫିକ ଟିମ,ସୋନପୁର ଦ୍ରଗସ ସ୍କ୍ୱାର୍ଡ ପାର୍ଟି,ମାଜିଷ୍ଟ୍ରେଟ ଦାୟିତ୍ୱରେ ଥିବା ବିନିକା ଅତିରିକ୍ତ ତହସିଲଦାର ଦୟାରାମ ମେହେର, ସୋନପୁର ଏସଡିପିଓ ପ୍ରତାପ ଚନ୍ଦ୍ର ତ୍ରିପାଠୀଙ୍କ ଉପସ୍ଥିତିରେ ଅପରାହ୍ନ ପ୍ରାୟ ତିନିଟା ସମୟରେ ପୋତା ଯାଇଥିବା ସ୍ଥାନରୁ ମାଟି ଖୋଲାଯାଇ ପ୍ରକାଶର ମୃତ ଦେହକୁ ଉଦ୍ଧାର କରାଯାଇଥିଲା ।ସୂଚନା ଯୋଗ୍ୟ ଯେ ଚଳିତ ମାସ ୧୮ତାରିଖ ସନ୍ଧ୍ୟାରେ କାମ ସାରି ପ୍ରକାଶ ଘରକୁ ଆସିଥିଲା ତାର କିଛି ଘଣ୍ଟା ପରେ ଚପଳ କିଣିବାକୁ ଘରୁ ବାହାରି ଯାଇଥିଲା ହେଲେ ସେହିଦିନ ଠାରୁ ଆଉ ଘରକୁ ଫେରି ନଥିଲା। ୨/୩ ଦିନ ଧରି ଘରକୁ ନଆସିବାରୁ ସ୍ତ୍ରୀ ବନିତା ବିନିକା ଥାନାରେ ଅଭିଯୋଗ କରିଥିଲେ।ପୋଲିସ ଘଟଣା ଉପରେ ଅନୁସନ୍ଧାନ ଜାରି ରଖିଥିଲା ୨୭ତାରିଖରେ ପୁନର୍ବାର   ସ୍ତ୍ରୀ ବନିତା ତାର ୩ ଓ ୭ବର୍ଷର ଦୁଇ ଝିଅକୁ ଧରି ବିନିକା ଥାନାକୁ ଆସି ପୋଲିସ ଆଗରେ ନ୍ୟାୟ ଭିକ୍ଷା ମାଗି ଜୀବିତ ହେଉ କି ମୃତ ମୋ ସ୍ୱାମୀକୁ ମୋ ପାଖକୁ ଆଣିଦେବାକୁ କହିଥିଲା  ପୋଲିସ ଘଟଣା ଉପରେ ଗୁରୁତ୍ତ୍ଵ ଦେଇ ତଦନ୍ତ ପ୍ରକ୍ରିୟାକୁ ଯୋର କରିଥିଲା ତେବେ ମୃତ ପ୍ରକାଶ ଯେଉଁ ମାନଙ୍କ ସାଙ୍ଗରେ କାମ କରୁଥିଲା ସେହି ମାନଙ୍କ ଉପରେ ସନ୍ଦେହ ହେଉଛି ବୋଲି ସ୍ତ୍ରୀ ପୋଲିସ ଆଗରେ କହିଥିଲା  ଘଟଣାକୁ ନେଇ ପୋଲିସ ୪ଜଣକୁ ଥାନାରେ ଅଟକ ରଖି ଟିକିନିଖି ଭାବରେ ପଚରା ଉଚୁରା କରୁଥିବା ଜଣାପଡିଛି ।ହତ୍ୟା ଘଟଣାରେ ସାମିଲ ଜଣେ ବ୍ୟକ୍ତି ପୋତା ଯାଇଥିବା ସ୍ଥାନ ପୋଲିସକୁ ଦେଖାଇଥିଲା ।ସ୍ଵାମୀଙ୍କ ମୃତ୍ୟୁ ପରେ ଦୁଃଖରେ ଭାଙ୍ଗି ପଡିଛନ୍ତି ସ୍ତ୍ରୀ। ୨ଛୁଆଙ୍କୁ ଧରି କେମିତି ଚଲିବେ ସେନେଇ ଚିନ୍ତାରେ ପରିବାର ।