25-Dec-2025

ଲୋଇସିଂହା, (ବିନୋଦ ଦୀପ) ବଡଟିକା କ୍ରୀଡା ସଂଘ ଆନୁକୂଲ୍ଯରେ ଆୟୋଜିତ ଦ୍ବିତୀୟ ରାଜ୍ଯ ସ୍ତରୀୟ ବଡଟିକା କପ୍ ଫୁଟବଲ୍ ଟୁର୍ଣ୍ଣାମେଣ୍ଟ୍ ପୁଲ୍ - ବି ର ପ୍ରଥମ   କ୍ବାଟର୍ ଫାଇନାଲ୍ ବେଦିକ୍ ଇଲେଭେନ୍ ସମ୍ବଲପୁର  ଓ ଆଦର୍ଶ କ୍ଲବ୍ ଝାରସୁଗୁଡା  ମଧ୍ଯରେ ଅନୁଷ୍ଠିତ ହୋଇଥିଲା । ଆଜିର ଖେଳରେ ଆଦର୍ଶ କ୍ଲବ୍ ଝାରସୁଗୁଡା ୪-୨  ଗୋଲ୍ ରେ ବିଜୟୀ ହୋଇ ପୁଲ୍ -ବି ର ସେମି ଫାଇନାଲ୍ କୁ ପ୍ରବେଶ କରିଛି ।ଏହି ଅବସରରେ   ମୁଖ୍ଯ ଅତିଥି ଭାବେ  ଲୋଇସିଂହା ବ୍ଲକ୍ ଅଧ୍ଯକ୍ଷ ଯତୀନ୍ଦ୍ର କୁମାର ପଟେଲ ଯୋଗଦେଇ ଥିବାବେଳେ ବଡଟିକା ଗ୍ରାମ ପଞ୍ଚାୟତ ପୂର୍ବତନ ପେକ୍ସ୍ ସଭାପତି ଦାମୋଦର ବେହେରା,  ଫୁଟବଲ୍ ଖେଳାଳି ତଥା ଆର୍ ପି ଏଫ୍  କନେଷ୍ଟବଲ୍ ସୁବାଷ ଚନ୍ଦ୍ର ବିଶ୍ବାଲ,ପୂର୍ବତନ ବଡଟିକା ଗ୍ରାମ ପଞ୍ଚାୟତ ପିଇଓ ରାଜକିଶୋର ସାହୁ,ବଳରାମ ଧରୁଆ  ପ୍ରମୁଖ   ସମ୍ମାନୀତ ଅତିଥିଭାବେ ଯୋଗ ଦେଇଥିଲେ ।  ମ୍ଯାଚ୍ କମିଶନର୍ ସୁଦୟ କୁମାର ବାରିକ ଙ୍କ ପ୍ରତ୍ଯକ୍ଷ ତତ୍ତାବଧାନରେ ରାଜ୍ କୁମାର ମଣ୍ଡଳ, କରୁଣାକର ପଧାନ ,ସୁଧାଂଶୁ ଶେଖର ସେଠ୍ ଓ ରୋଶନ୍ ମେହେର ଆଜିର ଖେଳକୁ ପରିଚାଳନା କରିଥିଲେ ।    ଆଦର୍ଶ କ୍ଲବ୍ ଝାରସୁଗୁଡା ଦଳର  ଟଙ୍କଧର ବାଗ ଆଜିର ଖେଳର ଶ୍ରେଷ୍ଠ ଖେଳାଳି ଭାବେ    ମୁଖ୍ଯ ଅତିଥିଙ୍କଠାରୁ ପୁରସ୍କୃତ ହୋଇଥିଲେ  ।   ବଡଟିକା କ୍ରୀଡା ସଂଘର କାର୍ଯ୍ୟକ୍ରମ ସଂଯୋଜକ ଋଷଭ ପଧାନ ମଞ୍ଚ ପରିଚାଳନା କରିଥିବା ବେଲେ  ହିମାଶୁ ଦଳପତି ଧାରା ବିବରଣୀ ପ୍ରଦାନ କରିଥିଲେ । କ୍ରୀଡା ସଂଘର ସଭାପତି ଭୁବନେଶ୍ବର ଧରୁଆ, ଉପ ସଭାପତି ଗୋପାଳ ବିଶ୍ବାଳ, ସଂପାଦକ ଅନିଋଦ୍ଧ ଭୋଇ, ସହ ସଂପାଦକ ମନରଞ୍ଜନ ବିଶ୍ବାଳ, କୋଷାଧ୍ୟକ୍ଷ ରାଜୁ ପଧାନ,   ଶୁଶିଲ ବିଶ୍ବାଲ,ଯୁବ ସ୍ବେଚ୍ଛାସେବୀ ଡୋଳାମଣି ଦଳପତି  ତଥା କ୍ରୀଡା ସଂଘ ର  ସମସ୍ତ ସଭ୍ଯ ତଥା ଗ୍ରାମବାସୀ ସହଯୋଗ କରିଥିଲେ । ଆସନ୍ତା କାଲି  ପୁଲ୍ - ବି ର ଦ୍ବିତୀୟ କ୍ବାଟର୍ ଫାଇନାଲ୍   ସୁରଜ-୧୧ ଫୁଲବାଣୀ ଓ ସ୍ପୋର୍ଟସ ହଷ୍ଟେଲ ବଲାଙ୍ଗିର  ମଧ୍ଯରେ ଅନୁଷ୍ଠିତ ହେବ ବୋଲି ଆୟୋଜକ ସୂତ୍ର ରୁ ପ୍ରକାଶ l