23-Dec-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସରସ୍ୱତୀ ଶିଶୁ ବିଦ୍ୟାମନ୍ଦିର ର  ସୋନପୁର ର ବାର୍ଷିକ ଉତ୍ସବ ମହା ସମାରୋହ ରେ ପାଳିତ ହୋଇଯାଇଛି। ଏହି  ଉତ୍ସବରେ ମୂଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ  ଡ.ନୃପରାଜ ସାହୁ ଯୋଗଦେଇ ଶିଶୁ ବିଦ୍ୟା ମନ୍ଦିର ର ଯେଉଁ ଦର୍ଶନ ରହିଛି ତାହା ଏକ ମାତ୍ର ମାଧ୍ୟମ, ଯେଉଁ ମାଧ୍ୟମ ରେ ଆମେ ଦେଶ ର ଦର୍ଶନ ଟାକୁ ଦେଶ ର ଲକ୍ଷ୍ୟ, ଭବିଷ୍ୟତ ଓ ସ୍ଵପ୍ନ ଟା କୁ ପୁରା କରି ପାରିବା ବୋଲି କହି ଥିଲେ l ଆମ ପ୍ରାଚୀନ ସଂସ୍କୃତି ପରମ୍ପରା ଓ ସଭ୍ୟତା କୁ ବଜାୟ ରଖିଲେ ଦେଶ ସମୃଦ୍ଧ ହେବ ବୋଲି ପ୍ରକାଶ କରି ପାରିଶ୍ରମିକ ବେଶି ପାଆନ୍ତି ନି କିନ୍ତୁ ତା ଠୁଁ ଖୁବ ବେଶି ପରିଶ୍ରମ କରନ୍ତି ଏଇ ଶିଶୁ ବିଦ୍ୟା ମନ୍ଦିର ର ଗୁରୁଜୀ ଗୁରୂମା ବୋଲି ସମ୍ମାନ ଜଣାଇ ଥିଲେ ଜିଲ୍ଲାପାଳ ଡ଼. ସାହୁ l  ସମ୍ମାନିତ ଅତିଥି ଭାବେ ସୋନପୁର ମଣ୍ଡଳ ଶିକ୍ଷାଧିକାରୀ ଲକ୍ଷ୍ମଣମିଶ୍ର ଯୋଗଦାନ କରି ଛାତ୍ରୀଛାତ୍ରଙ୍କୁ
ଶାରୀରିକ, ମାନସିକ, ବୌଦ୍ଧିକ ଓଆଧ୍ୟାତ୍ମିକ ଦୃଷ୍ଟିରୁ ପୂର୍ଣ୍ଣ ବିକଶିତ କରିବା ଉପରେ ମତପ୍ରକାଶ କରିଥିଲେ।

ରାଷ୍ଟ୍ରୀୟ ସ୍ୱୟଂସେବକ ସଂଘର ପଶ୍ଚିମ ଓଡ଼ିଶା ସହ ପ୍ରାନ୍ତ ପ୍ରଚାର ପ୍ରମୁଖ ପ୍ରଣବ କୁମାର ନାୟକ ମୁଖ୍ୟବକ୍ତା ଭାବେ
ଯୋଗଦେଇ ରାଷ୍ଟ୍ର ଭାବନାକୁ ସୁସଂସ୍କୃତ ଓ ସୁସମ୍ପନ୍ନ
କରିବା, ଯୁବ ପିଢି ବିଶ୍ୱ କଲ୍ୟାଣ ନିମନ୍ତେ ସମର୍ପିତ ହେବା ନେଇ ଆଲୋଚନା କରିଥିଲେ। ଏଥି ପାଇଁ ଛାତ୍ରୀଛାତ୍ରମାନେ ଭଲ ପାଠ ପଢିବା , କଠିନ ପରିଶ୍ରମକରିବାକୁ ଓ ଭଲ ମଣିଷ ଟିଏ ହେବାକୁ ପରାମର୍ଶ ଦେଇଥିଲେ।ବିଦ୍ୟାଳୟ ପରିଚାଳନା ସମିତିସଭାପତି ଡ. ହରପ୍ରସାଦ ମିଶ୍ର ସଭାରେ ଅଧ୍ୟକ୍ଷତାକରିଥିଲେ। ପ୍ରଧାନ ଆଚାର୍ଯ୍ୟ ସୁବାସଚନ୍ଦ୍ର ମିଶ୍ର ଓ ପରିଚାଳନା ସମିତି ସମ୍ପାଦକ ଶାନ୍ତନୁ କୁମାର ଆଚାର୍ଯ୍ୟ ମଞ୍ଚାସୀନ ଥିଲେ। ଏହି ଅବସରରେ ବିଦ୍ୟାଳୟର କୃତି ଛାତ୍ରୀଛାତ୍ରଙ୍କୁ ମୁଖ୍ୟ ଅତିଥି ପୁରସ୍କୃତକରିଥିଲେ। ସଭା ପରେ ଶିଶୁ ବାଟିକା ରୁ ଦଶମ କ୍ଲାସ ଯାଏଁ ସବୁ ବର୍ଗ ର ଛାତ୍ରୀଛାତ୍ରମାନେଲୋକନୃତ୍ୟ, ସଙ୍ଗୀତ ଓ ବାଦ୍ୟରେ 
ସେମାନଙ୍କ ପ୍ରତିଭା ପ୍ରଦର୍ଶନ କରିଥିଲେ।