20-Dec-2025

ବଲାଙ୍ଗୀର(ପ୍ରେରଣା ଖବର): ଆଜି ଓଡିଶାର ଅଗ୍ରଣୀ ସାମାଜିକ ସାଂସ୍କୃତିକ ସଂଗଠନ ଭୂମିକାର ବାର୍ଷିକ ସାଧାରଣ ପରିଷଦ ବୈଠକ ଓ ସ୍ଵନକ୍ଷତ୍ର ଦିବସ ବନକେଡ଼ାଠାରେ ପାଳିତ ହୋଇଯାଇଛି । ଭୂମିକାର ସଭାପତି  ବୀରେନ୍ଦ୍ର ବନଛୋର ସମସ୍ତ ସଭ୍ୟଙ୍କୁ ସ୍ୱାଗତ ସହ ଶୁଭେଚ୍ଛା ଜଣେଇ ସଭାରମ୍ଭ କରିଥିଲେ। ସମ୍ପାଦକ ଜିତେନ୍ଦ୍ରିୟ ତ୍ରିପାଠୀ ବିଗତ ବର୍ଷ କାର୍ଯ୍ୟକ୍ରମ ବିଷୟରେ ସୂଚନା ଦେଇଥିଲେ ଓ କୋଷାଧକ୍ଷ ରଶ୍ମି ରଞ୍ଜନ ବକ୍ସି ଆୟ ବ୍ୟୟ ବିବରଣୀ ପାଠ କରିଥିଲେ। ସମସ୍ତ ସଭ୍ୟ ବିଗତ ବର୍ଷର କାର୍ଯ୍ୟକ୍ରମର ସମୀକ୍ଷା ଓ ଆଗାମୀ ବର୍ଷ ପାଇଁ କାର୍ଯ୍ୟ ପନ୍ଥା ସ୍ଥିର ହୋଇଛି। ଦ୍ଵିତୀୟ ଅଧିବେସନରେ ଆଗାମୀ ବର୍ଷ ପାଇଁ କର୍ମକର୍ତା ନିର୍ବାଚନ ହୋଇଛି, ସଭାପତି  ଅଖିଳ ଚନ୍ଦ୍ର ହୋତା ଉପ ସଭାପତି - ନିଗମାନନ୍ଦ ନାଥ, ସମ୍ପାଦକ- ଶକ୍ତି ଦତ୍ତ ମିଶ୍ର, ସହ ସମ୍ପାଦକ - ସୋମ ନାଏକ, କୋଷାଧକ୍ଷ- ବ୍ୟାସଦେବ ନନ୍ଦ, ସଂଯୋଜକ -ଶ୍ରୀ ଆର୍ତ୍ତ ତ୍ରାଣ ପାଢ଼ୀ ଓ ଜନସମ୍ପର୍କ ଅଧିକାରୀ ରୂପେ  ବୀରେନ୍ଦ୍ର କୁମାର ବନଛୋର ମନୋନୀତ ହୋଇଛନ୍ତି।
ବୈଠକ ରେ ଶ୍ରୀ ସୋମ ନାଏକ ଧନ୍ୟବାଦ ଅର୍ପଣ କରିଛନ୍ତି।