01-Feb-2021

ନୂଆଦିଲ୍ଲୀ,: ସୋମବାରଠୁ ଶତ ପ୍ରତିଶତ କ୍ଷମତାରେ ଖୋଲିବ ସିନେମା ହଲ୍ । କେନ୍ଦ୍ର ସରକାର ନୂଆ ଗାଇଡଲାଇନରେ ଫେବ୍ରୁଆରୀ ୧ରୁ ସିନେମା ହଲ ଏବଂ ଥିଏଟରରେ ଶତପ୍ରତିଶତ ଦର୍ଶକ ପ୍ରବେଶ ଅନୁମତି ଦେଇଥିଲେ ।

କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ଜାରି ବିଜ୍ଞପ୍ତି ଅନୁସାରେ, ସିନେମା ହଲ ପରିସରରେ ସମସ୍ତଙ୍କ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ ହେବ । ପ୍ରବେଶ ଓ ପ୍ରସ୍ଥାନ ଦ୍ୱାରରେ ସେନ୍ସର ପରିଚାଳିନତ ହ୍ୟାଣ୍ଡ ସାନିଟାଇଜରର ବ୍ୟବସ୍ଥା କରାଯିବ । ହଲର କେତେକ ସ୍ଥାନରେ ସାମାଜିକ ଦୂରତା ରକ୍ଷା ବାଧ୍ୟତାମୂଳକ ହେବ । ବିଶେଷ କରି ୱେଟିଙ୍ଗ ଏରିଆରେ ଲୋକଙ୍କ ମଧ୍ୟରେ ଅତି କମରେ ୬ଫୁଟର ବ୍ୟବଧାନ ରହିବା ଆବଶ୍ୟକ ।
ସେହିପରି, ଡିଜିଟାଲ ପେମେଣ୍ଟକୁ ପ୍ରୋତ୍ସାହନ ଦିଆଯିବ ଏବଂ ସମସ୍ତ ଦର୍ଶକଙ୍କୁ ନିଜ ଫୋନରେ ଆରୋଗ୍ୟ ସେତୁ ଆପ୍‌ ଡାଉନଲୋଡ୍‌ କରିବାକୁ କୁହାଯିବ ବୋଲି ଗାଇଡଲାଇନରେ ଉଲ୍ଲେଖ ରହିଛି ।