30-Jan-2021

ଉଲୁଣ୍ଡା,(ଗୌରଚନ୍ଦ୍ର ପରିଛା)- ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଜଉଁରାଭଉଁରା ପଂଚାୟତର ଢେଲେଇ ଗ୍ରାମରେ ଭୟାବହ ଅଗ୍ନିକାଣ୍ଡ ଘଟି ଗୋଟିଏ ପରିବାରର ତିନି ବଖରା ଘର ସମେତ ଗୋଟିଏ ବାଇକ ପୋଡି ଯାଇ ଛାରଖାର ହୋଇଯାଇଛି । ସୂଚନା ଅନୁସାରେ ଉକ୍ତ ଗାଁର କଷ୍ଟ ଭରାସାଗରଙ୍କ ପରିବାର  ଘରେ ନଥିବା ବେଲେ ମଧ୍ୟାହ୍ନ ପ୍ରାୟ ୧୨ଟା ସମୟରେ ସଟସର୍କୀଟରୁ ନିଆଁ ଲାଗିଯାଇଥିଲା । ସ୍ଥାନୀୟ କିଛି ଲୋକ ନିଆଁ ଲାଗିଥିବା ଦେଖି ଉଲୁଣ୍ଡା ଦମକଲ ବାହିନୀକୁ ଖବର ଦେଇଥିଲେ । ଦମକଲ ବାହିନୀ ଘଟଣା ସ୍ଥଳରେ ପହଂଚି ନିଆଁକୁ ଅୟତ କରିଥିଲେ ମଧ୍ୟ ତିନି ବଖରା ସମେତ ଘରେ ଥିବା ଏକ ନୂଆଁ ବାଇକ ପୋଡି ଯାଇ ଛାରଖାର ହୋଇଯାଇଛି । ଏଥି ସହିତ ଘରେ ଥିବା ଆସବାବ ପତ୍ର ମଧ୍ୟ ପୋଡି ଯାଇଥିବା ଜଣାପଡିଛି । ଯଥାଶିଘ୍ର କ୍ଷତିଗ୍ରସ୍ତ ପରିବାରକୁ କ୍ଷତିପୂରଣ ଦେବାକୁ ଦାବି ହେଉଛି ।
ଯୁବକଙ୍କ ସନ୍ଧେହଜନକ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ