30-Oct-2025

ବୌଦ୍ଧ(ନରେନ୍ଦ୍ର ସାହୁ): ବୌଦ୍ଧ ଜିଲ୍ଲାରେ ସଡକ ଦୁର୍ଘଟଣାରେ ମୃତ୍ୟୁ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଜିଲ୍ଲାରେ ଗତ ୯ ମାସ ମଧ୍ୟରେ ୧୦୯ ଟି ସଡକ ଦୁର୍ଘଟଣା ଘଟିଥିବା ବେଳେ ଏଥିରେ ୬୭ ଜଣଙ୍କର ପ୍ରାଣହାନୀ ଘଟିଥିବା ବେଳେ ୭୯ ଜଣ ଗୁରୁତର ହୋଇଥିଲେ ଓ ୧୪ ଜଣ ଆହତ ହୋଇ ଥିଲେ । ଗତ ତିନି ବର୍ଷର ରିପୋର୍ଟକୁ ଦେଖିଲେ ଜିଲ୍ଲାରେ ସଡକ ଦୁର୍ଘଟଣାରେ ମୃତ୍ୟୁ ସଂଖ୍ୟା ବୃଦ୍ଧି ପାଉଛି । ଜିଲ୍ଲାରେ ୨୦୨୩ ମସିହା ୧୪୦ଟି ସଡକ ଦୁର୍ଘଟଣା ଘଟି ୬୮ ଜଣଙ୍କର ପ୍ରାଣହାନୀ ଘଟିଥିବା ବେଳେ ୭୪ ଗୁରୁତର ଓ ୫୦ ଜଣ ଆହତ ହୋଇଥିବା ଜଣାପଡିଛି । ୨୦୨୪ ମସିହାରେ ୧୪୦ଟି ଦୁର୍ଘଟଣା ଘଟି ୬୬ ଜଣଙ୍କର ପ୍ରାଣହାନୀ ଘଟିଥିବା ବେଳେ ୧୨୧ ଗୁରୁତର ଓ ୪୪ ଜଣ ଆହତ ହୋଇଥିବା ଜଣାପଡିଛି । ଜିଲ୍ଲାରେ ପ୍ରଶାସନ ପକ୍ଷରୁ ସଡକ ଦୁର୍ଘଟଣାରେ ମୃତ୍ୟୁ ସଂଖ୍ୟା ରୋକିବା ପାଇଁ ପ୍ରଶାସନ ପକ୍ଷରୁ ବିଭିନ୍ନ ନିଷ୍ପତି ନିଆଯାଉଥିଲେ ମଧ୍ୟ ଯୋଜନା ସବୁ ଫେଲ ମାରୁଛି । ଏମାନିଆ ଗାଡି ଚାଳକଙ୍କ ଠାରୁ ଜରିମାନା ଆଦାୟ କରାଯାଇ ଡ୍ରାଇଭିଙ୍ଗ ଲାସେନ୍ସ ମଧ୍ୟ ସ୍ଥଗିତ ବା ରଦ୍ଧ କରାଯାଇଥିଲେ ମଧ୍ୟ ସଡକ ଦୁର୍ଘଟଣା କମିବାର ନା ଧରୁନାହିଁ । ଜିଲ୍ଲାରେ ଗତ ୯ ମାସ ମଧ୍ୟରେ ୪୯୧୨ ଜଣଙ୍କ ଚାଲାଣ କଟାଯାଇ ୧.୪୦୭୬୮୭୪ ଟଙ୍କା ଜରିମାନା ବାବଦକୁ ସଂଗ୍ରହ କରାଯାଇଥିବା ବେଳେ ୭୮୧ ଜଣଙ୍କ ଲାଇନ୍ସ ସ୍ଥଗିତ ରଖାଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାଇ,ଜିଲ୍ଲାରେ ଚଳିତ ବର୍ଷ ଜାନୁଆରୀ ମାସରେ ୧୪ ଟି ସଡକ ଦୁର୍ଘଟଣା ଘଟିଥିବା ବେଳେ ଏଥିରେ ୬ ଜଣଙ୍କର ପ୍ରାଣହାନୀ ଘଟିଛି ଓ  ୧୦ ଜଣ ଗୁରୁତର ହୋଇଥିବା ବେଳେ  ୪ ଜଣ ଆହତ ହୋଇଛନ୍ତି । ଫେବୃଆରୀ ମାସରେ ୧୬ ଟି ସଡକ ଦୁର୍ଘଟଣା ଘଟିଥିଲା ୧୩ ଜଣଙ୍କର ମୃତ୍ୟୁ ଘଟିଥିଲା ଓ ୧୧ ଜଣ ଗୁରୁତର ଆହତ ହୋଇଥିଲେ ଏବଂ କେହି ଆହତ ହୋଇଥିଲେ । ମାର୍ଚ୍ଚ ମାସରେ ୧୭ଟି ସଡକ ଦୁର୍ଘଟଣାରେ ୧୦ ଜଣଙ୍କର ଜୀବନ ଯାଇଥିବା ବେଳେ ୧୭ ଜଣ ଗୁରୁତର ଆହତ ହୋଇଥିଲେ ଏବଂ ୨ ଜଣ ଆହତ ହୋଇଥିଲେ । ଏପ୍ରିଲ ମାସରେ ୧୮ ଦୁର୍ଘଟଣା ଘଟିଥିବା ବେଳେ ୬ ଜଣଙ୍କର ମୃତ୍ୟୁ ଘଟିଛି । ୯ ଜଣ ଗୁରୁତର ହୋଇଥିବା ବେଲେ ୧ଜଣ ଆହତ ହୋଇଛନ୍ତି । ସେହିପରି ମେ ମାସରେ ୮ଟି ଦୁର୍ଘଟଣା ଘଟି ୫ଜଣଙ୍କର ମୃତ୍ୟୁ ଘଟିଛି ଓ ୫ ଗୁରୁତର ହୋଇଥିବା ବେଲେ ୧ ଜଣ ଆହତ ହୋଇଛନ୍ତି । ଜୁନ ମାସରେ ସର୍ବନିମ୍ନ ୨ ଦୁର୍ଘଟଣା ଘଟି ୨ ଜଣଙ୍କର ମୃତ୍ୟୁ ଘଟିଛି ଓ ୧୨ଜଣ ଗୁରୁତର ହୋଇଛନ୍ତି । ଜୁଲାଇ ୧୪ଟି ସଡକ ଦୁର୍ଘଟଣା ଘଟି ୧୧ ଜଣଙ୍କ ଜୀବନ ଯାଇଥିବା ବେଳେ ୯ ଜଣ ଗୁରୁତର ଓ ୩ ଜଣ ଆହତ ହୋଇଛନ୍ତି । ଅଗଷ୍ଟ ମାସରେ ୧୫ଟି ଦୁର୍ଘଟଣା ଘଟିଥିବା ବେଳେ ୧୨ ଜଣଙ୍କ ଜୀବନ ଯାଇଛି ୫ ଜଣ ଗୁରୁତର ଓ ୩ ଜଣ ଆହତ ହୋଇଛନ୍ତି । ସେହିପରି ସେପ୍ଟେମ୍ବର ମାସରେ  ୫ ଦୁର୍ଘଟଣା ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୧ ଜଣ ଗୁରୁତର ହୋଇଛନ୍ତି । ଚଳିତ ବର୍ଷର ଗତ ୯ ମାସର ମୃତ୍ୟୁ ସଂଖ୍ୟା ତଥ୍ୟକୁ ଆକଳନ କଲେ ଜିଲ୍ଲାରେ ସଡକ ଦୁର୍ଘଟଣାରେ ମୃତ୍ୟୁ ସଂଖ୍ୟା ଉଦବେଗ ଜନକ ସ୍ଥିତିରେ ପହଂଛି । ଜିଲ୍ଲା ଦେଇ ଯାଇଥିବା ଖୋର୍ଦ୍ଧା-ବଲାଙ୍ଗିର ୫୭ନମ୍ବର ଜାତୀୟରାଜପଥରେ ଅଧିକ ଦୁର୍ଘଟଣା ଘଟି ଅଧିକ ଜଣଙ୍କ ପ୍ରାଣହାନୀ ଘଟିଥିବା ଜଣାପଡିଛି । ଏହି ଜାତୀୟ ରାଜପଥରେ ପ୍ରତିଦିନ କେଉଁଠି ନା କେଉଁଠି ଛୋଟବଡ ଦୁର୍ଘଟଣାମାନ ଘଟୁଛି । ସେହିପରି ଜିଲ୍ଲାରେ ଥିବା ରାଜ୍ୟ ରାଜପଥରେ ମଧ୍ୟ ଅନେକ ଦୁର୍ଘଟଣା ଘଟୁଛି । ଜିଲ୍ଲାରେ ସଡକ ଦୁର୍ଘଟଣାରେ ପ୍ରତି ବର୍ଷ ବହୁ ଧନ ଜୀବନ ନଷ୍ଟ ହେବାରେ ଲାଗିଛି । ଏହି ଦୁର୍ଘଟଣାର ଅନେକ କାରଣ ଥିଲେ ମଧ୍ୟ ବିଶେଷ ଭାବରେ ବେପରୁଆ ଗାଡିଚାଳନା, ଅତ୍ୟଧିକ ମଦ୍ୟପାନ କରି ଦ୍ରୁତ ଗତିରେ ଗାଡିମୋଟର ଚଳାଇବା, ଟ୍ରାଫିକ୍ ନିୟମକୁ ଅଣଦେଖା କରି ବେପରୁଆ ଗାଡିମଟର ଚଳାଇବା, ଓଭରଟେକ କରିବା,ରାଜପଥରେ ବିଭିନ୍ନ ସ୍ଥାନରେ ଘର କରଣା ଜିନିଷ ରଖି ରାସ୍ତାକୁ ଅବରୋଧ କରି ରଖିବା ଫଳରେ ରାସ୍ତାଟି ଅଣଓସାରିଆ ହୋଇଯାଉଛି । ଯାହାଦ୍ୱାରା ଏଭଳି ଦୁର୍ଘଟଣା ଘଟୁଥିବାର ଅଭିଯୋଗ ହେଉଛି । ସେହିପରି ଜାତୀୟ ରାଜପଥ ଓ ରାଜ୍ୟ ରାଜପଥ ଗୁଡିକର ବିଭିନ୍ନ ସ୍ଥାନରେ ଗାତ ଏବଂ ପିଚୁ ଉଠି ଖାଲ ହୋଇଥିବା ଯୋଗୁଁ ଦୁର୍ଘଟଣାମାନ ଘଟୁଛି । ଏପରକି ଅନେକ ସ୍ଥାନରେ ଦିଆଯାଇଥିବା ହମ୍ପ ଗୁଡିକର ଠିକ ଭାବରେ ଚିହ୍ନଟ ନ ହେବା ଫଳରେ ଏଥିରେ ମଧ୍ୟ ଦୁର୍ଘଟଣା ଘଟୁଛି । ବିଭିନ୍ନ ସ୍ଥାନରେ ରାସ୍ତା ଗୁଡିକର ମରାମତି ଆବଶ୍ୟକତା ରହିଥିଲେ ମଧ୍ୟ ବିଭାଗ ଏଥି ପ୍ରତି ଦୃଷ୍ଟି ଦେଉନାହିଁ ବୋଲି ଅଭିଯୋଗ ହେଉଛି । ଜିଲ୍ଲାରେ ଘଟୁଥିବା ଦୁର୍ଘଟଣା ଗୁଡିକ ପଛରେ ଅନେକ କାରଣ ରହିଥିଲେ ମଧ୍ୟ ତାର ସମାଧାନ ପାଇଁ ଗୁରୁତ୍ୱ ଦିଆଗଲେ ଦୁର୍ଘଟଣା ସଂଖ୍ୟା ହ୍ରାସ ପାଇବା ସହିତ ଧନ ଜୀବନର ରକ୍ଷା ମଧ୍ୟ ହୋଇପାରନ୍ତା ବୋଲି ବୁଦ୍ଧିଜିବୀରେ ମତ ପ୍ରକାଶ ପାଉଛି ।