29-Oct-2025

ନୁଆପଡା(ପ୍ରେରଣା ଖବର): ରାଜ୍ୟସଭା ସାଂସଦ ତଥା ବିଜେଡି ସ୍ଟାର  ପ୍ରଚାରକ ଶ୍ରୀ ନିରଞ୍ଜନ ବିଶୀ ବିଭିନ୍ନ ସଭା ଓ ଶୋଭାଯାତ୍ରା ଯୋଗଦେଇ ଲୋକଙ୍କୁ ବିଜେଡିକୁ ସମର୍ଥନ କରିବାକୁ ନିବେଦନ କରିଛନ୍ତି। ଶ୍ରୀ ବିଶି ବିଜେପି ସରକାରଙ୍କ ଜନବିରୋଧୀ ଓ ଆଦିବାସୀ,ଦଳିତ,ଗରିବ ବିରୋଧୀ ନୀତିର କଡା ସମା ଲୋଚନା କରିଛନ୍ତି। ମହାତ୍ମା ଗାନ୍ଧୀ କର୍ମ ନିଯୁକ୍ତି ଯୋଜନା ରେ କାର୍ଯ୍ୟ ଦିବସ ୩୦୦ ଦିନରୁ ହ୍ରାସ କରି ୧୦୦ ଦିନ କରାଯାଇଛି ଓ ଦିନକୁ ମଜୁରି ₹୩୫୨ ରୁ ହ୍ରାସ କରି ₹୨୭୩କରିଛି, ଯାହାର ଫଳରେ ଗରିବ ଶ୍ରମିକ, ଆଦିବାସୀ ପରିବାରମାନେ ବହୁତ ଅସୁବିଧା ସମ୍ମୁଖୀନ ହେଉଛନ୍ତି। ହଜାର ହଜାର ଯୁବକ ଜୀବିକା ପାଇଁ ବାହାର ରାଜ୍ୟକୁ ଦାଦନ ଶ୍ରମିକ ହେବାକୁ ବାଧ୍ୟ ହେଉଛନ୍ତି। ଶ୍ରୀ ବିଶି ପୂର୍ବତନ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଶାସନକାଳରେ ମିଶନ୍  ଶକ୍ତି ମାଧ୍ୟମରେ ନାରୀ ସଶକ୍ତିକରଣ,କୃଷକ ପାଇଁ କଳିଆ ବଳିଆ ଯୋଜନା ସୁବିଧା,ଆଦିବାସୀ, ଦଳିତ, ପଛୁଆ ବର୍ଗ ଛାତ୍ରଛାତ୍ରୀଙ୍କ ପାଇଁ ଆର୍ଥିକ ସହାୟତା, ଯୁବ ଶକ୍ତି ପାଇଁ ରୋଜଗାର ଯୋଜନା,ପ୍ରତ୍ୟେକ ଗାଁ କୁ ସଡ଼କ, ବିଜୁଳି, ପାଣି, ଚାଷୀ କ୍ଷେତ କୁ ଜଳସେଚନ, ମନ୍ଦିର ସୌନ୍ଦର୍ଯ୍ୟ କରଣ, ଗାଁ ମଣ୍ଡପ ନିର୍ମାଣ, ସ୍କୁଲ କଲେଜ ହଷ୍ଟେଲ, ଡାକ୍ତରଖାନା ନିର୍ମାଣ, ମାଁ ପେଟରୁ ସ୍ମଶାନ ଘାଟ ପର୍ଯ୍ୟନ୍ତ ବିକାଶ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ । ତେଣୁ, ନୁଆପଡାର ଲୋକଙ୍କ ମାନ ମର୍ଯ୍ୟାଦା, ଅଧିକାର ଓ ଉନ୍ନତି ପାଇଁ ବିଜେଡି ଶଙ୍ଖ ଚି଼ହ୍ନ ରେ ଭୋଟ ଦେଇ ଶ୍ରୀମତୀ ସ୍ନେହାଙ୍ଗିନୀ ଛୁରିଆ ଙ୍କୁ ବିଜୟୀ କରିବା ଆବଶ୍ୟକ ବୋଲି  ଶ୍ରୀ ବିଶି, ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ତେଜରାଜ ଶବର, ବକ୍ତା ମାନେ ନିବେଦନ କରିଥିଲେ.