29-Oct-2025

ବରପାଲି,(ସୁଦାମ ଦୀପ)
ବରପାଲି ର ଐତିହ୍ୟ ସମ୍ପନ୍ନ ଶୀତଳ ଷଷ୍ଠୀ ଯାତ୍ରା ର ସ୍ମାରକୀ ଭାବରେ ଏକ ସୁଦୃଶ୍ୟ ତୋରଣ ନିର୍ମାଣ ପାଇଁ ଆଜି ଭିତ୍ତପ୍ରସ୍ତର ସ୍ଥାପନ କରାଯାଇଛି ।ବରପାଲି ବରଗଡ଼ ଜାତୀୟ ରାଜପଥ ଉପରେ ପେଟ୍ରୋଲ ପମ୍ପ ନିକଟରେ ଆଜି ବିଜେପୁର ବିଧାୟକ ସନତ କୁମାର ଗଡତିୟା ବୁଧବାର ସକାଳେ ଏହି ସୁଦୃଶ୍ୟ ତୋରଣ ନିର୍ମାଣ ପାଇଁ ଭିତ୍ତପ୍ରସ୍ତର ସ୍ଥାପନ କରିଥିଲେ । ରାଜ୍ୟ ସରକାରଙ୍କ ଅନୁଦାନ ରାଶି ଏକ କୋଟି କୋଡ଼ିଏ ଲକ୍ଷ ଟଙ୍କାରେ ଏହା ନିର୍ମାଣ କରାଯିବ । ଆଜି ଏହି ଭିତ୍ତପ୍ରସ୍ତର ବେଳେ ବରପାଲି ଶୀତଳ ଷଷ୍ଠୀ ଯାତ୍ରା କମିଟି ର ସଭାପତି ଆନନ୍ଦ ବାବୁ, ସମ୍ପାଦକ ଜୟନ୍ତ କୁମାର ତ୍ରିପାଠୀ, ଲାଲ ବିକ୍ରମ ସିଂ ଦେଓ, ପ୍ରତାପ ସିଂ, ପିନାକୀ ଦାଶ, ହେମନ୍ତ ମିଶ୍ର ଙ୍କ ସମେତ ପୂର୍ତ୍ତ ବିଭାଗ ର ଅଧିକ୍ଷଣ ଯନ୍ତ୍ରୀ ଅରୁଣ ପାଣ୍ଡେ, ତହସିଲଦାର ରୁକ୍ମଣ କୁମାର ମେହେର,ବିଡ଼ିଓ ସୁମନ୍ତ କୁମ୍ଭାର, ନଗରପାଳ ଦିନେଶ ଗହୀର , କାର୍ଯ୍ୟ ନିର୍ବାହୀ ଅଧିକାରୀ ଭୁବନ କୁମାର ଶତପଥୀ ସହକାରୀ ଯନ୍ତ୍ରୀ ସଞ୍ଜୟ ପାତ୍ର, କନିଷ୍ଠ ଯନ୍ତ୍ରୀ ଦୁବରାଜ ହେମରନ ଙ୍କ ସମେତ ଯାତ୍ରା କମିଟି ର ବହୁ ସଦସ୍ୟ ଓ ଶୈବ ଭକ୍ତ ଉପସ୍ଥିତ ଥିଲେ । ବହୁ ଦିନର ଆଶା ପୂରଣ ହେବାକୁ ଯାଉଥିବାରୁ ଯାତ୍ରା କମିଟି ର ସଭାପତି ଆନନ୍ଦ ବାବୁ ବିଧାୟକ ସନତ କୁମାର ଗଡତିୟା ଙ୍କ ଠାରେ ବରପାଲି ଅଞ୍ଚଳ ବାସୀ ତଥା ଯାତ୍ରା କମିଟି କୃତଜ୍ଞତା ଜ୍ଞାପନ କରିଛନ୍ତି ।