24-Sep-2025

ବିନିକା(ହିମାଂଶୁ ଶେଖର ପୁଟେଲ)ଧରାପୃଷ୍ଠରେ ଭକ୍ତଙ୍କୁ ଦର୍ଶନ ଦେବା ପାଇଁ ଜଗତଜନନୀ ମାଁ ଦୂର୍ଗା ଅବତରଣ କରିଛନ୍ତି।  ବିନିକାର ପୁରୁଣା ବସଷ୍ଟାଣ୍ଡ,ଦୈନଦିନ ବଜାର,ଦଣ୍ଡସନା ପଡ଼ା,ଗଜପତି ନଗର,ଗୁଲାପଡ଼ା,ବେଲପଡ଼ା ଆଦି ସ୍ଥାନରେ ମାଁ ଙ୍କ ପୂଜା ମହାସମାରୋହରେ ଅନୁଷ୍ଠିତ ହେଉଛି ।ଏହି ପରିପ୍ରେକ୍ଷୀରେ ପୁରୁଣା ବସଷ୍ଟାଣ୍ଡ ଭବ୍ୟ ମନ୍ଦିରରେ  ଅନୁଷ୍ଟିତ ଦ୍ଵିତୀୟ ବର୍ଷ ଶାରଦୀୟ ଅବସରରେ ଚାଳିଥିବା ନବରାତ୍ର ପୂଜାର ତୃତୀୟ ଦିବସରେ ମାଁ ଦେବୀ ଦୂର୍ଗା ଚନ୍ଦ୍ରଘଣ୍ଟା ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି।ଏଥିରେ ମୁଖ୍ୟ କର୍ତ୍ତା ଭାବେ ସୁନିଲ ପାତ୍ର ଓ ତାଙ୍କ ଧର୍ମପତ୍ନୀ ସୁକନ୍ୟା ପାତ୍ର ରହିଥିବା ବେଳେ ସହଯୋଗୀ କର୍ତ୍ତା ଭାବେ ସିଦ୍ଧାର୍ଥ ଜୁନିଅର କଲେଜର ଅବସରପ୍ରାପ୍ତ କର୍ମଚାରୀ ଗରିବ ସାଳମା ଓ ତାଙ୍କ ଧର୍ମପତ୍ନୀ ଅଧ୍ୟକ୍ଷା ରେଖା ପ୍ରଧାନ,ବିନିକା ଥାନା ଅଧିକାରୀ ସତ୍ୟ ନାରାୟଣ ପ୍ରଧାନ ଓ ତାଙ୍କ ଧର୍ମପତ୍ନୀ ସରିତା ରାଣୀ ପ୍ରଧାନ ପ୍ରମୁଖ ଦାୟିତ୍ଵ ତୁଲାଇଥିଲେ।ସେହିପରି ମୁଖ୍ୟ ପୂଜକ ଭାବେ ସୁବାସ ଚନ୍ଦ୍ର ବଡ଼ପଣ୍ଡା,ମନ୍ଦିର ପୂଜକ ଜନାର୍ଦ୍ଦନ ଆଚାର୍ଯ୍ୟ ପୂଜା କାର୍ଯ୍ୟ ତୁଲାଇଥିଲେ ।ଆଜି ସନ୍ଧ୍ୟାରେ ମାଁ ଙ୍କ ଦର୍ଶନ ପାଇଁ ମନ୍ଦିରରେ ବହୁ ଶ୍ରଦ୍ଧାଳୁ ଭକ୍ତଙ୍କ ଭିଡ଼ ହୋଇଥିଲା