24-Sep-2025

ବରପାଲି, (ସୁଦାମ ଦୀପ) ବରପାଲି ବ୍ଲକ କଦଳୀପାଲି ଜଗବନ୍ଧୁ ଦାଶ ମହିଳା ଡିଗ୍ରୀ ମହାବିଦ୍ୟାଳୟ ପରିସରରେ ଜାତୀୟ ସେବା ଯୋଜନା (ଏନ୍‌ଏସ୍ଏସ୍) ଦିବସ ପାଳିତ ହୋଇଛି। ମହାବିଦ୍ୟାଳୟ ଅଧ୍ଯକ୍ଷା ପଦ୍ମନୀ ଦାଶ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ମହାବିଦ୍ୟାଳୟର ପ୍ରତିଷ୍ଠାତା ଭାବରେ ଅନ୍ତର୍ଯ୍ୟାମୀ ପଣ୍ଡା  ଯୋଗଦେଇଥିଲେ । ଏନଏସଏସ ସଂଯୋଜିକା ଅଧ୍ୟାପିକା ପିଙ୍କି ବାରିକ ସ୍ବାଗତ ଜଣାଇବା ସହ ସଭା  ସଞ୍ଚାଳନ କରିଥିଲେ। ଏହି ଅବସରରେ ଅତିଥିଙ୍କ ଗହଣରେ
ଛାତ୍ରୀ ଓ ଅଧ୍ୟାପନା ମଣ୍ଡଳୀଙ୍କ ସମେତ କର୍ମଚାରୀମାନେ ମହାବିଦ୍ୟାଳୟ କିପରି ପରିଷ୍କାର ପରିଚ୍ଛନ୍ନ ରଖିବେ ସେଇଥିପାଇଁ ଶପଥ ଗ୍ରହଣ କରିଥିଲେ I ପରେ ଏନଏସଏସର ଉଦ୍ଦେଶ୍ୟ ଓ କାର୍ଯ୍ୟକ୍ରମ ରୂପାୟନ ଉପରେ ଅତିଥିମାନେ ଆଲୋଚନା କରିଥିଲେ। ଏଥିରେ ଅଧ୍ୟାପିକା ଜ୍ୟୋତି ସାହୁ, ମନିଷା ଭୋଇ,ପୁନମ ସାହୁ,ପରିନିତା ପଧାନ,ଶୋଭାବତୀ ଥପା, ଯାଜ୍ଞସେନି ପଟେଲ,ସସ୍ମିତା ମେହେର ।ସହକର୍ମୀ ଶଶାଙ୍କ ଶେଖର ପଧାନ, ସାର୍ଥକ ପାଣିଗ୍ରାହୀ,ବୀରେନ୍ଦ୍ର ଖଟୁଆ, ନୃପରାଜ୍ ବରିହା,ତ୍ରିପୁରା ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହାୟତା କରିଥିଲେ I ପରିଶେଷରେ ଅଧ୍ୟାପକ ନେପାଲ ବିଶ୍ଵାଳ ଧନ୍ୟବାଦ ଅର୍ପଣ କରିଥିଲେ।