22-Aug-2025

ବଲାଙ୍ଗୀର (ପ୍ରେରଣା ଖବର): ଶିଳ୍ପବିହୀନ ଦାଦନ ପ୍ରବଣ ବଲାଙ୍ଗୀର ଜିଲ୍ଲା ରେ ରାଜ୍ୟର ଦ୍ୱିତୀୟ କୃଷି ବିଶ୍ୱ ବିଦ୍ୟାଳୟ ପ୍ରତିଷ୍ଠା ପାଇଁ ଦୀର୍ଘ ବର୍ଷରୁ ଦାବୀ ହୋଇଆସୁଅଛି lବର୍ତ୍ତମାନ ସମ୍ବଲପୁର ଠାରେ କୃଷି ବିଶ୍ୱ ବିଦ୍ୟାଳୟ ଏବଂ ବଲାଙ୍ଗୀର ଠାରେ କୃଷି ମହାବିଦ୍ୟାଳୟ ପ୍ରତିଷ୍ଠା ପାଇଁରାଜ୍ୟ ସରକାର ନୀତିଗତ ଭାବେ ଘୋଷଣା କରିବା ପ୍ରସଙ୍ଗଣମାଧ୍ୟମରେ ପ୍ରକାଶ ପାଇଛି  l ଏହାର ପ୍ରତିକ୍ରିୟା ସ୍ୱରୂପ ବଲାଙ୍ଗୀରରେ ବ୍ୟାପକ ଆଲୋଡନ ସୃଷ୍ଟି ହୋଇ ସମ୍ପୃକ୍ତ ଘୋଷଣାନାମାକୁ ପ୍ରତ୍ୟାଖ୍ୟାନ କରାଯାଇଛି lଏହାର ପ୍ରତିବାଦରେ ବଲାଙ୍ଗୀର ବୁଦ୍ଧିଜୀବୀ ମାନଙ୍କ ପକ୍ଷରୁ ସ୍ଥାନୀୟ ଭାଗିରଥି ଛକଠାରେ ଏକ ପଥପ୍ରାନ୍ତସଭା ରେ
ବିଭିନ୍ନ ସାମାଜିକ ଅନୁଷ୍ଠାନର କର୍ମକର୍ତ୍ତା ଶିକ୍ଷାବିତ ସାମାଜିକ କର୍ମୀ ଦଳମତ ବର୍ଣ୍ଣ ନିର୍ବିଶେଷରେ ଏକତ୍ରିତ ହୋଇ
ବଲାଙ୍ଗୀର ଜିଲ୍ଲାର ନ୍ୟାର୍ଯ୍ୟ ଦାବୀ ରାଜ୍ୟର ଦ୍ୱିତୀୟ କୃଷି ବିଶ୍ୱ ବିଦ୍ୟାଳୟ ପ୍ରତିଷ୍ଠା ପାଇଁ ଦୃଢ଼ ଦାବୀ ଜଣାଇ ଜିଲ୍ଲାରେ
ଏହି ପ୍ରକଳ୍ପର ଭିତ୍ତି ଭୂମି ସମ୍ପର୍କିତ ବିଷଦ ଆଲୋକପାତ କରିଥିଲେ l ବଲାଙ୍ଗୀର ଜିଲ୍ଲାରେ ଏହି ପ୍ରକଳ୍ପ ପ୍ରତିଷ୍ଠା ନହେଲେ ବ୍ୟାପକ ଆନ୍ଦୋଳନର ସୂତ୍ରପାତ ହେବ ବୋଲି ବକ୍ତା ସମୁହ ଚେତାବନୀ ଦେଇ ଥିଲେ lଏହି କାର୍ଯ୍ୟକ୍ରମରେ ସାମାଜିକ କର୍ମୀ ବୀରେନ୍ଦ୍ର ବନଛୋର ଆଇନଜୀବୀ ରତନମହାରଣା ଶିକ୍ଷାବିତ କିଶୋର ପାଣିଗ୍ରାହୀ,ବାମପନ୍ଥୀ ନେତା ଅଶୋକ ମିଶ୍ର  ସୁନୀଲ ଭୋଇ ଯୁବନେତା ନାଶିର ଖାନ ପ୍ରମୁଖ ଉଦବୋଧନ ଦେଇ ରାଜ୍ୟ ସରକାରଙ୍କ ଏତାଦୃଶ
କାର୍ଯ୍ୟକୁ ଘୋର ନିନ୍ଦାକରିଛନ୍ତି l ଏହି ପଥପ୍ରାନ୍ତ ସଭାରେ
ଲଷ୍ମୀ ନାରାୟଣ ପଟ୍ଟନାୟକ ସଭାପତିତ୍ୱ କରିଥିବା ବେଳେ ସୟେଦ  ଆଫତାପ ହୁସେନ ଏବଂ ସାଜିତ ହୁସେନ କାର୍ଯ୍ୟକ୍ରମକୁ ପରିଚାଳନା କରିଥିଲେ l ଅନ୍ୟ ମାନଙ୍କ ମଧ୍ୟରେ  ଉଦିତଚନ୍ଦ୍ର ପଣ୍ଡା  ରାଜେନ୍ଦ୍ର ଶର୍ମା ମୋହନରଞ୍ଜନ ପାଣ୍ଡିଆ  କୁନୁ ନାୟକ ପ୍ରମୁଖ ସହର ର ବହୁ ବୁଦ୍ଧିଜୀବୀ କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ l