15-Aug-2025

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ପତିତପାବନ ଏକାଡେମୀ  ପରିସରରେ ୭୯ତମ ସ୍ଵାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି l ସକଲେ ସ୍କୁଲ  ଶିକ୍ଷକ ଶିକ୍ଷୟିତ୍ରୀଙ୍କ ସହ ଏନସିସି ଓ ସ୍କାଉଟ୍ ଛାତ୍ର ମାନେ 'ଭାରତ ମାତା କି ଜୟ', 'ବନ୍ଦେ ମାତରମ୍  ଧ୍ୱନୀ' ର ନାରା ଦେଇ ପ୍ରଭାତ ଫେରି ରେ ଅଂଶଗ୍ରହଣ କରିଥିଲେ l  ସକାଳ ୭ଟା ସ୍କୁଲ ପରିସରରେ ଜାତୀୟ ସଙ୍ଗୀତ ଗାନ ସହ ତ୍ରିରଙ୍ଗା ପତାକା ଉତ୍ତୋଳନ କରାଯାଇଥିଲା l ଏହି ସମାରୋହରେ ମୁଖ୍ୟ ଅତିଥିଭାବେ  ଆଇନଜୀବୀ ପ୍ରମୋଦ ବହିଦାର ଯୋଗ ଦେଇ ଛାତ୍ରୀମାନଙ୍କୁ ଆମର ପୂର୍ବସୁରୀ ଯେଉଁମାନେ ଦେଶମାତୃକା ପାଇଁ ବଳିଦାନ ଦେଇଥିଲେ ଓ ଆମକୁ ପରାଧୀନତାର ଶିକୁଳିରୁ ମୁକୁଳାଇ ଥିଲେ, ସେମାନଙ୍କୁ ସ୍ମରଣ କରିବାର ସମୟ ଆସିଛି ବୋଲି କହିଥିଲେ l ଅନ୍ୟତମ ଅତିଥି ଭାବରେ କାଉନସିଲର୍   ଇସମତ୍ ଆରା ଖାନ୍ ଯୋଗ ଦେଇଥିଲେ l 

ସ୍କୁଲର ପ୍ରଧାନଶିକ୍ଷକ ଅଂଶୁପା ଭୋଇଙ୍କ ଆବାହକତ୍ବରେ ଅନୁଷ୍ଠିତ ଏହି ଉତ୍ସବରେ ପି ପି ଏକାଡେମୀ ଆଲୁମିନି କମିଟିର ସଭାପତି ସାଏଦ ଅଫତାବ୍ ହୁସେନ୍, ଆଲୁମିନି କମିଟିର ନାସିର୍ ଖାନ୍  ଙ୍କ ସମେତ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ l ଏହି ଅବସରରେ ସ୍କୁଲ ପରିସରରେ ଛାତ୍ର ମାନଙ୍କ ଦ୍ଵାରା ନାଚଗୀତ ଆଦି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l

  ବଲାଙ୍ଗୀର ଜିଲ୍ଲାସ୍ତରୀୟ ୭୯ ତମ ସ୍ଵାଧୀନତା ଦିବସରେ ପତିତପାବନ ଏକାଡେମୀର ଛାତ୍ର ମାନେ ଏନ୍ ସି ସି ରେ ଦ୍ଵିତୀୟ ସ୍ଥାନ ଅଧିକାର କରିଥିବାରୁ ସ୍କୁଲ ତରଫରୁ ଏନ୍ ସି ସି  ଟିମ୍ ଙ୍କୁ ଶୁଭେଚ୍ଛା ଜ୍ଞାପନ କରାଯାଇଛି l