13-Aug-2025

ଆଗଲପୁର, (ବିନୋଦ ଦୀପ) ଆଜି ଆଗଲପୁର ବ୍ଲକ କାର୍ଯ୍ୟାଳୟ ଠାରେ ହରଘର ତ୍ରିରଙ୍ଗା, ହରଘର ସ୍ୱଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି, ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ , ତହସିଲଦାର , ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର ଉପସ୍ଥିତ ରହି ପତାକା ଦେଖାଇ ଶୁଭାରମ୍ଭ କରିଥିଲେ l ପରେ ପରେ ଏକ ସାଇକେଲ ରେଲି ବାହାରିଥିଲା। ଏହି ରେଳି ରେ ବ୍ଲକ୍ କାର୍ଯ୍ୟାଳୟ ର ସମସ୍ତ ଅଧିକାରୀ ଓ ଗ୍ରାମ ପଞ୍ଚାୟତ ର କାର୍ଯ୍ୟନିର୍ବାହୀ ଅଧିକାରୀ ମାନେ ଯୋଗଦେଇ ସାଇକଲ ରେଲୀ ରେ ଭାଗ ନେଇଥିଲେ l ଏହାସହ ଡୁଡୁକା ପଲ୍ଲୀଶ୍ରୀ ହାଇସ୍କୁଲ ର ଛାତ୍ରଛାତ୍ରୀ ମାନେ ଯୋଗଦେଇ ଶୋଭାଯାତ୍ରା ରେ ସାମିଲ ହୋଇଥିଲେ।

ବିଭିନ୍ନ ପ୍ରକାରର ସ୍ଲୋଗାନ ଦେଇ ସମସ୍ତେ ଗୋଟାଏ ଲେଖା ଜାତୀୟ ପତାକା ଧରି ସାଇକଲ ଶୋଭାଯାତ୍ରା ରେ ବାହାରିଥିଲେ। ଏହି ତ୍ରିରଙ୍ଗା ଶୋଭାଯାତ୍ରା ବ୍ଲକ କାର୍ଯ୍ୟାଳୟ ସମ୍ଭୁଖରୁ ବାହାରି ନିକଟସ୍ଥ ଶଙ୍ଖୁଆ ଗ୍ରାମ ଦେଇ ଲୁହୁରା ମୁଣ୍ଡା ରୁ ପୁଣି ମୁଖ୍ୟ ରାସ୍ତା ଦେଇ ବ୍ଲକ କାର୍ଯ୍ୟାଳୟ କୁ ଫେରିଥିଲେ l ଏହି ହରଘର ତ୍ରିରଙ୍ଗା, ହରଘର ସ୍ୱଚ୍ଛତା କାର୍ଯ୍ୟକ୍ରମ ଟି ବିଆର୍ ସି ଅଂଶୁମାନ   ଦେବ୍ ବାବୁ ଙ୍କ ତତ୍ୱାବଧାନ ରେ ଅନୁଷ୍ଠିତ ହୋଇଥିଲା l ଅନ୍ୟ ମାନଙ୍କ ମଧ୍ୟରେ ବ୍ଲକ ଓ ପଂଚାୟତ ର ସମସ୍ତ ବିଭାଗ ର ଅଧିକାରୀ ଉପସ୍ଥିତ ଥିଲେ l ଶୋଭାଯାତ୍ରା ସରିବା ପରେ ସମସ୍ତଙ୍କ ପାଇଁ ଜଳଖିଆ ର ବ୍ୟବସ୍ଥା କରାଯିବା ର ଦେଖିବାକୁ ମିଳିଥିଲା l