11-Aug-2025

ଲୋଇସିଂହା, (ବିନୋଦ ଦୀପ) ଆଦିବାସୀ ଭବନ ଲୋଇସିଂହା ଠାରେ ବିଶ୍ୱ ଆଦିବାସୀ ଦିବସ ପାଳିତ ହୋଇଯାଇଛି l ଜିଲ୍ଲା ଆଦିବାସୀ କଲ୍ୟାଣ ସଂଘ  ଲୋଇସିଂହା ଓ ଆଗଲପୁର ଶାଖା ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମ ରେ ଏକ ବିଶାଳ ଶୋଭାଯାତ୍ରା ଅଗ୍ରସେନ ଭବନ ରୁ ବାହାରି ଆଦିବାସୀ ଭବନ ପର୍ଯ୍ୟନ୍ତ ପହଞ୍ଚିଥିଲା l ଆଦିବାସୀ ଭବନ ଠାରେ ଉକ୍ତ ସଭାକୁ ବ୍ଲକ ଆଦିବାସୀ ସଂଘ ସଭାପତି ଦଶରଥ ଛତ୍ରିଆ ସଭାପତିତ୍ବ କରିଥିଲେ ଏଥିରେ ମୁଖ୍ୟଅତିଥି ଭାବେ ଲୋଇସିଂହା ଜମିଦାର କୁମାରୀ ଅର୍ଚ୍ଚନା ସିଂ ରାଏ ମୁଖ୍ୟ ଅତିଥି ଭାବେ ଜୋ ଦେଇଥିବା ବେଳେ ଜିଲ୍ଲା ଆଦିବାସୀ କଲ୍ୟାଣ ସଂଘ ସଭାପତି ଶ୍ୟାମ ସୁନ୍ଦର ଭୋଇ ସ୍ଵତନ୍ତ୍ର ଅତିଥି, ଆଗଲପୁର ବ୍ଲକ ସଭାପତି ବଳଦେବ ଭୋଇ ମୁଖ୍ୟବକ୍ତା ଓ ସାଂସଦ ପ୍ରତିନିଧି ବାଳକୃଷ୍ଣ ଧରୁଆ, ଜିଲ୍ଲା ଆଦିବାସୀ ସଂଘ କୋଷାଧ୍ୟକ୍ଷ ପ୍ରଫୁଲ୍ଲ ତୁମୁନିଆ, ଆଗଲପୁର ବ୍ଲକ କାର୍ଯ୍ୟକାରୀ ସଭାପତି ଭୁବନେଶ୍ୱର ଧରୁଆ, ବ୍ଲକ ଶବର ସମାଜ ସଭାପତି ନାରାୟଣ ବର୍ଗେ, ତହସିଲଦାର ଟିକ୍ନୁନୁ ପୁଟା , କୁମାରୀ ବନ୍ଦନା ସିଂ ରାଏ ଓ ବ୍ଲକ ସମ୍ପାଦକ ଗୋପାଳ ପଧାନ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ l କାର୍ଯ୍ୟକ୍ରମ ପରିଚାଳନାରେ ରୁକ୍ମଣ ଧରୁଆ, ଗୌର ଧରୁଆ, ଲଳିତ ମୋହନ ପୁଟା, ଦେବେନ୍ଦ୍ର ପୁଟା, ନରେନ୍ଦ୍ର ପୁଟା, ରାଜ କୁମାର ଧରୁଆ, ଗୋବିନ୍ଦ ଭୋଇ, ସୁରେଶ ଭୋଇ, ଯୁବରାଜ ଗଡତ୍ୟା, ମହେନ୍ଦ୍ର କହେଣ୍ଡା,  ଅସ୍ଲୁ ରାଏ, ପୂର୍ଣ୍ଣଚନ୍ଦ୍ର ଭୋଇ ପ୍ରମୁଖ ସହଯୋଗ କରିଥିବା ବେଳେ ଲୋଇସିଂହା ଓ ଆଗଲପୁର ବ୍ଲକ ରୁ ବହୁ ସଂଖ୍ୟାରେ ଆଦିବାସୀ ସମାଜ ମହିଳା, ପୁରୁଷ, ଯୁବ ଓ ଛାତ୍ର ଯୋଗ ଦେଇଥିଲେ। ବ୍ଲକ ଆଦିବାସୀ ସଂଘ ସମ୍ପାଦକ ଗୋପାଳ ପଧାନ ସ୍ବାଗତ ଭାଷଣ ଦେଇଥିବା ବେଳେ ଶେଷରେ ଧନ୍ୟବାଦ୍ ଅର୍ପଣ କରିଥିଲେ ସଭାପତି ଶ୍ରୀ ଦଶରଥ ଛତ୍ରିଆ l