08-Aug-2025

(ରାମନାଥ ପଣ୍ଡା)
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ପଞ୍ଚାୟତ ସମିତି ସଭା ଗୃହରେ ବି ଡି ଓ ସୁଶାନ୍ତ କୁମାର ରଣାଙ୍କ ଅଧ୍ୟକ୍ଷତାରେ ୭୯ ତମ ସ୍ବାଧିନତା ଦିବସ ପାଳନ ପାଇଁ ଅନୁଷ୍ଠିତ ପ୍ରସ୍ତୁତି ବୈଠକରେ ଆଇ ଆଇ ସି ଦିବ୍ୟ ଲୋଚନ ରାଜ ଓ ସ୍ନାତକ ମହାବିଦ୍ୟାଳୟ ଅଧ୍ୟାପକ ଡ କିଶୋର କୁମାର କର୍ଣ୍ଣ ମଞ୍ଚାସିନ ଥିବାବେଳେ ବରିଷ୍ଠ ନାଗରିକ ଭୁବନେଶ୍ୱର ପାଣିଗ୍ରାହୀ ଓ ପର୍ଶୁରାମ ସେଠି, ବିଜୁ ପଟ୍ଟନାୟକ ଉଚ୍ଚ ମାଧ୍ୟମିକ ବିଦ୍ୟାଳୟର କ୍ରୀଡ଼ା ଶିକ୍ଷକ ପରମେଶ୍ବର ପଣ୍ଡା,ସ୍ନାତକ ମହାବିଦ୍ୟାଳୟ କ୍ରୀଡ଼ା ଶିକ୍ଷକ ଲଳିତ ମୋହନ ପଣ୍ଡା, ବୈଷ୍ଣବ ଦୁରିଆ ପ୍ରଧାନ ଶିକ୍ଷକ ନାଗପଡ଼ା,ମୁରାରି ଲାଲ ହୋତା ପ୍ରଧାନ ଗୁରୁଜୀ ସରସ୍ଵତୀ ଶିଶୁ ମନ୍ଦିର ବୋଡ଼େନ,ଡବ୍ଲୁ ଇ ଓ କ୍ଷଣପ୍ରଭା ପାଣିଗ୍ରାହୀ,ଜି ପି ଡି ଓ ଭୀଷ୍ମ କୁମାର, ବି ଏସ ଏସ ଓ ହିତେଶ କୁମାର ଆଡବାହି, ଦର୍ଶନ ନ୍ୟୁଜ୍ ସ୍ଵତନ୍ତ୍ର ପ୍ରତିନିଧି ରାମନାଥ ପଣ୍ଡା,  ପଞ୍ଚାୟତିରାଜ ଜନ  ପ୍ରତିନିଧି,ନାଗରିକ ସଚେତନ ମଞ୍ଚ ସଦସ୍ୟ,ଯୁବକ ସଂଘ ସଦସ୍ୟ ସମେତ ବିଭିନ୍ନ ବିଭାଗୀୟ କର୍ମଚାରୀ ଯୋଗଦାନ କରିଥିଲେ ।ବୈଠକରେ ଆଗାମୀ ୭୯ ତମ ସ୍ବାଧିନତା ଦିବସ ପାଳନ ସମ୍ବନ୍ଧେ ଆଲୋଚନା ହୋଇ ବିଭିନ୍ନ ବିଷୟରେ ସ୍ଥିରୀକୃତ କରାଗଲା ।ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ମାନଙ୍କରେ ସକାଳ ୭.୩୦ ସମୟରେ ପତାକା ଉତ୍ତୋଳନ କରାଯିବ ଏବଂ ବୋଡ଼େନ ହାଇ ସ୍କୁଲ ପଡ଼ିଆରେ ସାମୁହିକ ପତାକା ଉତ୍ତୋଳନ ଓ ମିଳିତ ପ୍ୟାରେଡରେ ପଞ୍ଚାୟତ ସମିତି ଅଧ୍ୟକ୍ଷା ପ୍ରେମ ଶିଳା ନାଗ ମୁଖ୍ୟ ଅତିଥି ରୂପେ ଯୋଗଦାନ କରି ପତାକା ଉତ୍ତୋଳନ କରି ମିଳିତ ପ୍ୟାରେଡରେ  ଅଭିବାଦନ ଗ୍ରହଣ କରିବେ । ସମ୍ମାନିତ ଅତିଥି ରୂପେ ଗୋଷ୍ଠୀ ଉନ୍ନୟନ ଅଧିକାରୀ ସୁଶାନ୍ତ କୁମାର ରଣା,ତହସିଲଦାର,ଆଇ ଆଇ ସି,ସମସ୍ତ ଜିଲ୍ଲା ପରିଷଦ ସଭ୍ୟା,ବ୍ଲକ ଉପାଧ୍ୟକ୍ଷା, ଆସିଷ୍ଟାଣ୍ଟ କମାନଣ୍ଡେଣ୍ଟ ସି ଆର୍ ପି ଏଫ୍,ମଙ୍ଗଳ ସମ୍ପ୍ରସାରଣ ଅଧିକାରୀ,ତଥା ନିମନ୍ତ୍ରିତ ଅତିଥି ଉପସ୍ଥିତ ରହିବେ । +୨ କଲେଜ କ୍ରୀଡ଼ା ଶିକ୍ଷକ ପରମେଶ୍ବର ପଣ୍ଡା ସମ୍ମିଳିତ ପ୍ୟାରେଡ ପରିଚାଳନା କରିବେ ।ଅଧ୍ୟାପକ ଡ଼ କିଶୋର କୁମାର କର୍ଣ୍ଣ ଓ ସି ଆର୍ ସି ସି ବୈଷ୍ଣବ ଦୁରିଆଙ୍କୁ ମଞ୍ଚ ପରିଚାଳନା କରିବା ଦାୟିତ୍ବ ଅର୍ପଣ କରାଯାଇଛି ।ଅର୍ଥ ବ୍ୟବସ୍ଥା ଦାୟୀତ୍ୱ ରାଜ କୁମାର ନାଗ,ସୌଦାଗର ସାହୁ,ଉଦେଚନ ନାଗ ଓ ଗରୁଡ଼ ଧ୍ଵଜ ଦଣ୍ଡ ସେନାଙ୍କୁ ପ୍ରଦାନ କରାଯାଇଛି ।ବିଭିନ୍ନ ବିଷୟରେ ଆଲୋଚନା ହୋଇ  ଅନ୍ୟାନ୍ୟ ଦାୟିତ୍ଵ ଅନ୍ୟ ଅଧିକାରୀଙ୍କୁ ପ୍ରଦାନ କରାଗଲା ।