30-Jul-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୋନପୁର ର ସର୍ବପୁରାତନ ମା ଭଗବତୀଙ୍କ ପୀଠରେ ସାମାନ୍ୟ ବର୍ଷା ହେଲେ ମନ୍ଦିର ଭିତରକୁ ପଶୁଛି ରାସ୍ତାର ନର୍ଦ୍ଦମା ପାଣି ଏ ନେଇ ଭକ୍ତ ମହଲରେ ବ୍ୟାପକ ଅସନ୍ତୋଷ ବୃଦ୍ଧି ପାଉଛି। ବଡ଼ବଜାର ସ୍କୁଲ୍ ଛକ ଠାରୁ ଭଗବତୀ କଲ୍ୟାଣ ମଣ୍ଡପ ଛକ ପର୍ଯ୍ୟନ୍ତ ନୂତନ ନିର୍ମାଣଧିନ କଂକ୍ରିଟ ରାସ୍ତା କାମ ପ୍ରାୟ ୨ ମାସ ହେଲା ଚାଲିଥିବା ବେଳେ ତୃଟି ପୂର୍ଣ୍ଣ ରାସ୍ତା କାମ ଯୋଗୁଁ ସାମାନ୍ୟ ବର୍ଷାରେ ରାସ୍ତା ର ସବୁ ପାଣି ମନ୍ଦିର ଭିତରକୁ ପଶୁଛି। ରାସ୍ତା କାମ ଶୀଘ୍ର ସାରିବା ନେଇ ଜନସାଧାରଣ ଦାବୀ କରୁଥିବା ବେଳେ ଆବଶ୍ୟକ ସ୍ଥାନରେ ନୂତନ ଡ୍ରେନ ନ କରି କେମିତି ରାସ୍ତା କାମ ହେଉଛି ବୋଲି ପ୍ରଶ୍ନ କରିଛନ୍ତି ଅଞ୍ଚଳ ବାସୀ। ଏ ନେଇ ମନ୍ଦିର କୁ ଦୈନିକ ଆସୁଥିବା ଶହ ଶହ ଭକ୍ତ ମହଲ ରେ ବ୍ୟାପକ ଅସନ୍ତୋଷ ଦେଖାଦେଇ ଥିବା ବେଳେ ପୌର ପ୍ରଶାସନକୁ ଦାୟୀ କରୁଛନ୍ତି ଜନସାଧାରଣ ତଥା ସ୍ଥାନୀୟ ଲୋକେ । ସେପଟେ ପୁରୁଣା ଘର ମାନଙ୍କୁ ପାଣି ପଶୁଥିବା ଓ ନିର୍ମାଣାଧୀନ ନୂତନ ରାସ୍ତାରେ ମଧ୍ୟ ପାଣି ଜମୁଥିବା ଏବଂ ରାସ୍ତା କାମ ଠିକ୍ ଭାବରେ ହେଉ ନ ଥିବା ଏବଂ ବାରମ୍ବାର ପୌର ପରିଷଦ ଯନ୍ତ୍ରୀ ଙ୍କୁ ଅଭିଯୋଗ କଲେ ମଧ୍ୟ କିଛି ସୁଫଳ ମିଳୁ ନ ଥିବା ନେଇ ଅଞ୍ଚଳ ର ବ୍ୟକ୍ତି ମାନେ ଲିଖିତ ଅଭିଯୋଗ ପୌର ଅଧିକାରୀ ଙ୍କ ପାଖରେ କରିଥିବା ସୂଚନା ଦେଇଛନ୍ତି । ଏ ନେଇ ତୁରନ୍ତ ପୌର ନିର୍ବାହୀ ଅଧିକାରୀ ଦୃଷ୍ଟି ଦେବାକୁ ଜନସାଧାରଣରେ ଦାବୀ ହେଉଛି।