28-Jul-2025

କାଲିମେଳା:୨୮/୦୭(ସନ୍ତୋଷ କୁମାର ପଣ୍ଡା)ମାଲକାନଗିରି ଜିଲ୍ଲା କାଲିମେଳା ବ୍ଲକ ପୁସୁଗୁଡା ପଞ୍ଚାୟତରେ ମନରେଗା କାମରେ ହେଉଛି ଦୁର୍ନୀତି lବାସ୍ତବ ଚିତ୍ରକୁ ନେଇ ପୁଣି ଉଠିଛି ପ୍ରଶ୍ନ। ବର୍ଷକୁ ପ୍ରତ୍ୟେକ ବ୍ୟକ୍ତିଙ୍କ ଶହେ ଦିନର ମଜୁରୀକୁ ସ୍ପଷ୍ଟ କରିବା ପାଇଁ ଶିଶୁ ଶ୍ରମିକଙ୍କୁ ମଧ୍ୟ ନିୟୋଜିତ କରାଯାଇଥ‌ିବା ଭଳି ଚିତ୍ର ସମ୍ମୁଖକୁ ଆସିଛି| ଯେଉଁଥରେ ଶିଶୁ ଶ୍ରମିକଙ୍କ ଫୋଟୋ ମୋବାଇଲ ଫୋଟରୁ ଫୋଟୋ ଉଠାଇ ଏନଏମଏମଏସ କରାଯାଇଥିବାର  ଚିତ୍ର ଦେଖିବାକୁ ମିଳିଛି। ସୂଚନା ମୁତାବକ ପୁସୁଗୁଡା ପଞ୍ଚାୟତର  ସୁନାବେଡା ପାହାଡ଼ ପାଖରେ ଏକ ଟିସିବି କାମ ହୋଇଥିବା ବେଳେ ଏଥିରେ  ଛୋଟ ଛୋଟ ଶିଶୁଙ୍କ ଫୋଟୋ  ମୋବାଇଲ ଫୋଟୋରୁ ଫୋଟୋ ଉଠେଇ ୧୫ ଜୁଲାଇରେ ଅନ ଲାଇନ ମାଧ୍ୟମରେ ଏମାନଙ୍କୁ ଏନଏମ୍ଏମ୍ଏସ କାରାଯାଇଥିବା ଦେଖିବା ପାଇଁ ମିଳିଛି । ଯାହାର ସ୍ପଷ୍ଟ ପ୍ରମାଣ ୧୫ ଜୁଲାଇ ମଙ୍ଗଳବାର ଦିନ ଏହି  କାର୍ଯ୍ୟର ଏନଏମଏମଏସ  ହୋଇଥିବା ଜଣାପଡ଼ୁଛି। ଏହି କାର୍ଯ୍ୟ ର ନିୟମ ରହିଛି ଯେଉଁଦିନ କାର୍ଯ୍ୟ କରିବେ ଶ୍ରମିକ ସେହି ଦିନ ହିଁ ତାହାର ଅନ ଲାଇନ ମାଧ୍ୟମରେ ସେହି ଦିନ ତାହାର ଏନ ଏମ୍ ଏମ୍ ଏସ କରିବା କଥା କିନ୍ତୁ ତାହାର ବିପରୀତ ଚିତ୍ର ଦେଖିବା ପାଇଁ ମିଳୁଛି ଏଠାରେ lଜଣେ ଶିଶୁ ଶ୍ରମିକଙ୍କୁ କାମରେ ନିୟୋଜନ କରିବା ମନରେଗା କାମର ଗାଇଡ୍‌ଲାଇନକୁ ଖିଲାଫ୍ କରିବା ସହ କାର୍ଯ୍ୟର ବାସ୍ତବତା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହେଉଛି।  ଏହି  କାର୍ଯ୍ୟର କୋଡ଼ ନମ୍ବର- 2431014008/wc/10922095 ବୋଲି ଏନଏମଏମଏସ ପୋର୍ଟାଲରୁ ଜଣାପଡ଼ିଛି। ଏହି କାର୍ଯ୍ୟରେ  ଶିଶୁ ଶ୍ରମିକ ମାନଙ୍କ ଫୋଟୋ ନିର୍ମାଣ କାର୍ଯ୍ୟ କରୁଥିବା ସ୍ପଷ୍ଟ ଏନ ଏମ୍ ଏମ୍ ଏସ ରୁ ଜଣା ପଡୁଥିବା ବେଳେ। ଏପରି ସ୍ଥିତିରେ ଏହି  କାର୍ଯ୍ୟ ଓ ନିୟୋଜିତ ଶ୍ରମିକଙ୍କ ପ୍ରକୃତ ତଥ୍ୟ ଯାଞ୍ଚ କଲେ ଏକ ବଡ ଧରଣର ଦୁର୍ନୀତି  ପଦାକୁ ଆସିବା ସହ ମନରେଗା କାମରେ ଚାଲିଥିବା ବାଟମାରଣା ନୀତି ପଦାକୁ ଆସିବ ବୋଲି ସାଧାରଣରେ ମତ ପ୍ରକାଶ ପାଇଛି l