24-Jan-2021

ପାଟଣାଗଡ଼,(ପ୍ରେରଣା ଖବର) :ନେତାଜୀ ଓ ବୀର ସୁରନ୍ଦ୍ର ସାଏଙ୍କ ଜନ୍ମ ଜୟନ୍ତୀ ଅବସରରେ ପାଟଣାଗଡର ଅଗ୍ରଣୀ ସାରସ୍ଵତ ଅନୁଷ୍ଠାନ ପାଟଣେଶ୍ୱରୀ ସାହିତ୍ୟ ସଂସଦ ଟ୍ରଷ୍ଟର ବାର୍ଷିକ ଉତ୍ସବ ସ୍ଥାନୀୟ ଓମ କଲ୍ୟାଣ ମଣ୍ଡପରେ କୋଭିଦ ନିୟମକୁ ଅନୁସରଣ କରି ପାଳିତ ହୋଇଯାଇଛି।ସଂସଦର ସଭାନେତ୍ରୀ ସଂଯୁକ୍ତା ପରିଛ୍ଛାଙ୍କ  ସଭାପତିତ୍ୱରେ ଅନୁଷ୍ଠିତ ସଭାରେ ଡାକ୍ତର ଗିରିବରଧାରୀ ପାଣିଗ୍ରାହୀ ମୁଖ୍ୟ ଅତିଥି ଓ  ଶିକ୍ଷାବିତ ଶେଖ ଅବଦୁଲ କାଶମ ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ।ଅତିଥି ବୃନ୍ଦ ମାଁ ପାଟଣେଶ୍ୱରୀଙ୍କ ଫଟୋଚିତ୍ର ରେ ପୁଷ୍ପ, ଧୂପଦୀପ ପ୍ରଦାନ କରିଥିଲେ।ଶ୍ରୀ ନରୋତ୍ତମ ସାହୁ ଅତିଥି ପରିଚୟ କରିଥିବାବେଳେ ସଂସଦର ସଂପାଦିକା ସୁଶ୍ରୀ ସବିତା ଭୋଇ ସ୍ୱ।ଗତ ଭାଷଣ ଓ ବିବରଣୀ ପ୍ରଦାନ କରିଥିଲେ।ସଂସଦର ଏଗାରତମ  ମୁଖପତ୍ର ପାଟଣାସୌରଭ ଅତିଥି ମାନଙ୍କ କର କମଳରେ ଉନ୍ମୋଚିତ ହୋଇଥିଲା।ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ବ୍ୟକ୍ତି ଯଥା ଶ୍ରୀ ଯୋଗୀରାମ ପୁରୋହିତଙ୍କୁ ପାଟଣେଶ୍ୱରୀ ସାରସ୍ୱତ ସମ୍ମାନ, ଶ୍ରୀ ଅନ୍ତର୍ଯ୍ୟାମୀ ମେହେରଙ୍କୁ ବିପିନ ବିହାରୀ ପରିଛ୍ଛା ସ୍ମୃତି ସମ୍ମାନ, ଶ୍ରୀ ରାଜୀବ ଭୋଇଙ୍କୁ ଗ୍ରାମ୍ୟ କବିରତ୍ନ ଚୂଡାମଣି ପାଣିଗ୍ରାହୀ ସମ୍ମାନ୨୦୧୮, ଶ୍ରୀ ମୁରଲୀ ଶିକାଙ୍କୁ ଗ୍ରାମ୍ୟ କବିରତ୍ନ ଚୂଡାମଣି ପାଣିଗ୍ରାହୀ ସମ୍ମାନ ୨୦୨୧ ଓ ଶ୍ରୀ ନରୋତ୍ତମ ସାହୁ ଙ୍କୁ ଶ୍ୟାମାବାଇ ଜୈନ ସ୍ମୃତି ସମ୍ମାନ ପ୍ରଦାନ କରାଯାଇଥିଲା।ଭୋଜନାବକାଶ ପରେ ସଂସଦର ଉପ ସଭାନେତ୍ରୀ ସୁରୁଚି ମିଶ୍ରଙ୍କ 

ସଭାପତିତ୍ଵରେ ଅନୁଷ୍ଠିତ କବିତା ଆସରରେ ସଂଯୋଜକ ଦେବରାଜ ପାଣିଗ୍ରାହୀ, ସଂଯୋଜିକା ସଂଯୁକ୍ତା ଚନ୍ଦନ ଓ ଶ୍ରୀମତୀ ସଂଯୁକ୍ତା ପାଣିଗ୍ରାହୀଙ୍କ ସଂଯୋଜନାରେ ଶତାଧିକ କବି, କବୟିତ୍ରୀ ସ୍ୱରଚିତ କବିତା ପାଠ କରିଥିଲେ।ସଭାଶେଷରେ କୋଷାଧ୍ୟକ୍ଷ ଶ୍ରୀ ସତ୍ୟାନନ୍ଦ ଖମାରୀ ଧନ୍ୟବାଦ ଅର୍ପଣ କରିଥିଲେ।ଏହି ଉତ୍ସବରେ ନିର୍ଝରିଣୀର ସଂପାଦକ ବିରଞ୍ଚି ନାରାୟଣ ଦାଶ,ପ୍ରଦୀପ କୁମାର ଦାଶ,ଅହଲ୍ୟା ଦାଶ ପାଣିଗ୍ରାହୀ,ରାହୁଲ ତାଣ୍ଡି, ନକୁଳ ମେହେର,ସମେତ ଅନ୍ୟାନ୍ୟ ସାହିତ୍ୟ ପ୍ରେମୀ ଉପସ୍ଥିତ ରହି ସହଯୋଗ କରିଥିଲେ।