25-Jun-2025

ଅତାବିରା(ଆକାଶ ମିଶ୍ର): ମହିଳା ମାନଙ୍କ ପ୍ରତି ହିଂସା ଆଚରଣ ବିରୁଦ୍ଧରେ ସ୍ୱରଉତ୍ତୋଳନ କଲେ  ଛାତ୍ରଛାତ୍ରୀ ।ଗୋପାଳପୁରରେ ଜଣେ  ଛାତ୍ରୀ ପ୍ରତି ହୋଇଥିବା ଗଣଦୁଷ୍କର୍ମର ଖବର ବିଭିନ୍ନ ଗଣମାଧ୍ୟମରେ ପ୍ରସାରିତ ହେବ ପରେ ତାର  ପ୍ରତିବାଦରେ ଆଜି ଅତାବିରା ମହାବିଦ୍ୟାଳୟରେ  ଛାତ୍ରଛାତ୍ରୀ ମାନେ  କଳା ଫିତା  ବାନ୍ଧି ଏକ ଜନସଚେତନତା ରାଲିରେ ରାସ୍ତାକୁ ଓହ୍ଲାଇ ଥିଲେ ।  ଗଣଦୁଷ୍କର୍ମ ରେ ସାମିଲ ଥିବା ବ୍ୟକ୍ତି ଙ୍କୁ ଫାଶୀ ମିଳୁ, ଛାତ୍ରୀଙ୍କୁ ନ୍ୟାୟ ମିଳୁ ବୋଲି  ନlରା ଦେଇ ଥିଲେ । ନାରୀ ର ସୁରକ୍ଷା  ସମସ୍ତଙ୍କ  ଦାୟିତ୍ଵ ହେବା ଉଚିତ୍  ବୋଲି ସେମାନେ  ଜନ ସାଧାରଣଙ୍କୁ ସଚେତନ କରିଥିଲେ। ମହିଳା ବିରୋଧୀ ହିଂସା  ବିରୁଦ୍ଧରେ ଆମ ସମ୍ବିଧାନରେ ଅନେକ ନୀତିନିୟମ  ପ୍ରଣୟନ ହୋଇଥିଲେ ସୁଦ୍ଧା  ଦେଶ ସ୍ବାଧୀନତାର  ଦୀର୍ଘ ବର୍ଷ ପରେ ବି ମହିଳା ମାନେ ସୁରକ୍ଷିତ ନୁହନ୍ତି । ପ୍ରତିଦିନ ମହିଳାଙ୍କ ସହ ଗଣଦୁଷ୍କର୍ମ , ନିର୍ଯାତନା, ହତ୍ୟା ଆଦି ଘଟଣା କୋଣଅନୁକୋଣରେ ଘଟି ଚାଲିଛି । ସମଗ୍ର ପୃଥିବୀରେ ମହିଳାମାନେ ସମ୍ମୁଖୀନ ହେଉଥିବା ହିଂସା ସମ୍ପର୍କରେ ସଚେତନା ସୃଷ୍ଟି କରିବା ଏବଂ ତାହାକୁ ଶେଷ କରିବା ପାଇଁ ଉପାୟ ଖୋଜିବା ସହ ହିଂସା ଭୋଗୁଥିବା ଲୋକଙ୍କୁ ଆବଶ୍ୟକ ସହାୟତା ପ୍ରଦାନ କରିବା ପାଇଁ    ଆନ୍ତର୍ଜାତିକ ମହିଳା ବିରୋଧୀ ହିଂସା ନିବାରଣ ଦିବସ ପାଳନ କରାଯାଉଛି । ତଥାପି ହିଂସା କମୁନାହି,ଦିନକୁ ଦିନ ବଢି ଚାଲିଛି । ଗତ ୧୫ ତାରିଖରେ  ରଜ ସମୟରେ  ପୁରୁଷ ବନ୍ଧୁ ଙ୍କ ସହ ଜଣେ ଛାତ୍ରୀ ଗୋପାଳପୁର ବେଳାଭୂମିକୁ ବୁଲିବାକୁ ଯାଇଥିବା ସମୟରେ   ତା ସହ ଗଣଦୁଷ୍କର୍ମ କରାଯାଇଥିବା  ଘଟଣା  ଆଜି ସବୁଆଡେ ଚର୍ଚ୍ଚା ଚାଲିଛି । ବଡ  ପରିତାପ ର ବିଷୟ ଯେ ସେଥିରେ ପୁଣି ନାବାଳକ ମାନେ ମଧ୍ୟ ସଂଶ୍ଳିଷ୍ଟ ଅଛନ୍ତି ।
ସାରା ବିଶ୍ବରେ ମହିଳାମାନଙ୍କ ପ୍ରତି ହେଉଥିବା ଅତ୍ୟାଚାର ଏକ ବଡ଼ ସମସ୍ୟା। ଘରୋଇ ହିଂସା ଅବା ଯୌନ ହିଂସା ଅବା ହତ୍ୟା, ସବୁଠି ମହିଳାମାନେ ଉତ୍ପୀଡ଼ନ ଓ ସମସ୍ୟାର ସମ୍ମୁଖୀନ ହେଉଛନ୍ତି। ୧୯୭୯ ମସିହାରେ ମିଳିତ ଜାତିସଂଘର ସାଧାରଣ ପରିଷଦରେ ମହିଳାଙ୍କ ପ୍ରତି ସମସ୍ତ ପ୍ରକାର ବୈଷମ୍ୟ ଦୂରୀକରଣ ଚୁକ୍ତି ଗୃହୀତ ହୋଇଥିଲା। ତଥାପି ମହିଳାମାନଙ୍କ ପ୍ରତି ହିଂସା  କେତେ ଦୂର ଯଥାର୍ଥ ? 
 ତେଣୁ ଆଜି  ଛାତ୍ର ଛାତ୍ରୀ ମାନେ ଏହା କୁ ବିରୋଧ କରି ମହିଳା ଙ୍କ ସୁରକ୍ଷା  ପାଇଁ  ନାରା ଦେଇଥିଲେ ।ଏହି ସଚେତନ ରାଳି ରେ ଏନ୍ ଏ  ସି ବିଜେଡି ସଭାପତି ସିଦ୍ଧାର୍ଥ ଶଙ୍କର ପଣ୍ଡା, ଟଙ୍କ, କୃଷ୍ନ, ଏକାଦଶିଆ, ସନାତନ, ମନୋଜ ,ଶଙ୍କର, ପ୍ରଦୀପ, ଅମିତ୍ ଆଦି ବିଜେଡି କର୍ମୀ  ସାମିଲ ଥିଲେ ।