25-Jun-2025

ବିନିକା(ହିମାଂଶୁ ଶେଖର) ବିନିକା ବ୍ଲକ ଶଙ୍କରା ଗ୍ରାମ ତଥା ଶଙ୍କରା ପଞ୍ଚାୟତର ଯୋଗାଣ ସହାୟକ ପ୍ରଜ୍ଞାନଦ କର୍ଣ୍ଣ (୪୦) ଯକୃତ ଜନିତ ରୋଗରେ ପୀଡ଼ିତ ହୋଇ ଗତକାଲି ପରଲୋକ ହୋଇଯାଇଛି l ପ୍ରଜ୍ଞା କିଛି ଦିନ ତଳେ ଅସୁସ୍ଥତା ଅନୁଭବ କରିବାରୁ ପରିବାର ଲୋକେ ପ୍ରଥମେ ସମ୍ବଲପୁର ଓ ପରେ ଭୁବନେଶ୍ବର ଏଏମ୍ସ ହସ୍ପିଟାଲରେ ଭର୍ତ୍ତି କରିଥିଲେ l ସେଠାରୁ ତାଙ୍କୁ ୱାଲ୍ଟିୟର ନେବା ବେଳେ ପରଲୋକ ହୋଇଯାଇଛି l ସ୍ଵର୍ଗତ ପ୍ରଜ୍ଞାଙ୍କ ମରଶରୀର ଗ୍ରାମରେ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା l ସ୍ଥାନୀୟ ଶ୍ମଶାନ ଘାଟରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିବା ବେଳେ ତାଙ୍କ ବାପା ସୌମିତ୍ରୀ ମୁଖାଗ୍ନୀ ଦେଇଥିଲେ l ଶେଷ ସମୟରେ ତାଙ୍କ ପତ୍ନୀ, ଝିଅ,ପିତାଙ୍କ ସମେତ ପରିବାର ଓ ବନ୍ଧୁବର୍ଗ ଉପସ୍ଥିତ ଥିଲେ l ତାଙ୍କ ମୃତ୍ୟୁରେ ପରିଚିତ ମହଲରେ ଶୋକର ଛାୟା ଖେଳିଯାଇଛି l ଖବର ପାଇ ସରପଞ୍ଚ ଅଶୋକ ପୃଷ୍ଟି ପହଞ୍ଚି ତାଙ୍କର ଶେଷ ଦର୍ଶନ କରିବା ସହ ଶୋକ ସନ୍ତପ ପରିବାରକୁ ସମବେଦନା ଜଣାଇଛନ୍ତି l