25-Jun-2025

ଜଣଙ୍କ ମୃତ୍ୟୁ ପରେ ସ୍ବାସ୍ଥ୍ୟ ବିଭାଗର ଚେତା ପଶିଲା

ବରୀ(ରଞ୍ଜିତ ମହାନ୍ତି) ଯାଜପୁର ଜିଲ୍ଲାରେ ଡାଇରିଆ ଭୟ ସମ୍ପୂର୍ଣ୍ଣ ଯାଇନି | ଏବେ ଜଣ୍ଡିସ ଭୟ ଘାରିଲାଣି| ବରୀ ବ୍ଲକ ଅଧୀନସ୍ଥ ବୋଦୁଅ । ପଞ୍ଚାଯତ ୧୬ ନମ୍ବର ୱାର୍ଡ ଦଳିତ ସାହିରେ ଜଣ୍ଡିସରେ ଜଣେ ମୃତ୍ର ମୃତ୍ୟୁବରଣ କରିଥିବା ଜଣାପଡ଼ିଛି । କିଛିଦିନ ତଳେ ଗାଁର ଭୀମସେନ ମଲ୍ଲିକଙ୍କ ୧୨ ବର୍ଷର ଝିଅ ତୁଳସୀ ମଲ୍ଲିକ ଜଣ୍ଡିସ୍‌ରେଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଛନ୍ତି | ତୁଳସୀଙ୍କ ଦେହ ଅସୁସ୍ଥ ହେବାରୁ ତାଙ୍କୁ ପରିବାର ଲୋକ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ | ସେଠାରେ ତାଙ୍କୁ ଜଣ୍ଡିସ ହୋଇଥିବା
ଜଣାପଡ଼ିବା ପରେ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ମେଡ଼ିକାଲ ଓ ପରେ ଭୁବନେଶ୍ବରକୁ ସ୍ଥାନାନ୍ତର କରାଯାଇଥିଲା । ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଖବର ଅନୁଯାୟୀ ବୋଦୁଅର ସେହି ୧୬ ନମ୍ବର ୱାର୍ଡର ଦଳିତସାହିରେ ୬୦ରୁ ଅଧ‌ିକ ଜଣ୍ଡିସ୍ ଆକ୍ରାନ୍ତ ଥିବା ଅନୁମାନ କରାଯାଉଛି I କାରଣ ପ୍ରତିଦିନ ବହୁ ସଂଖ୍ୟକ ବ୍ୟକ୍ତି ଦେଶୀ ଝଡ଼ା ଫୁଙ୍କା କରାଉଥିବା ଖବର ମିଳିଥିଲା | ଉକ୍ତ ଖବର ପାଇ ବରୀ ବ୍ଳକର ଏବିଡିଓ ମହେଶ୍ବର ସେଠୀ ବରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଏକ ଟିମ ସହିତ ପହଞ୍ଚି ରକ୍ତ ଓ ଜଳ ନମୁନା ସଂଗ୍ରହ କରି ପରୀକ୍ଷଣ ପାଇଁ ପଠାଇବା ସହିତ ସଚେତନ କରାଇଥିବା ଜଣାପଡ଼ିଛି।