23-Jan-2021

ବଲାଙ୍ଗୀର,(ପ୍ରେରଣ ଖବର)- ଯଦି ବଲାଙ୍ଗୀରରେ କୃଷି ବିଶ୍ୱବିଦ୍ୟାଳୟର ଆବଶ୍ୟକତା ଅଛି ତେବେ ସରକାରଙ୍କୁ ଭିତ୍ତିଭୂମି ସୃଷ୍ଟି କରିବାକୁ ପଡିବ । ବଲାଙ୍ଗୀର ସନ୍ନିକଟ ଲର୍କି ପାଲିରେ ବିସ୍ତିର୍ଣ୍ଣ ସରକାରୀ ଜମି ରହିଛି ଯାହା କୃଷି ବିଶ୍ୱବିଦ୍ୟାଳୟ ପ୍ରତିଷ୍ଠା ଦିଗରେ ସହାୟକ ହୋଇପାରିବ । ଏଠାରେ ଯେଉଁ ଭିତ୍ତିଭୂମି ଅଛି ସେଥିରେ ହିଁ କୃଷି ବିଶ୍ୱବିଦ୍ୟାଳୟ ନିର୍ମାଣ ହୋଇପାରିବ । ତେଣୁ ସରକାରଙ୍କୁ ଏହା ଉପରେ ହୃଦବୋଧ ହେବା ଉଚିତ । ଆମକୁ ସଂକୀର୍ଣ୍ଣତାରୁ ଦୂରରେ ରହି ଏହି ହାସଲ ପାଇଁ ସରକାରଙ୍କ ଉପରେ ଚାପ ପକାଇବାକୁ ପଡିବ 
   ଆଜି ସ୍ଥାନୀୟ ସାମ୍ବାଦିକ ଭବନ ଠାରେ ନେତାଜୀ ସଂଗ୍ରାମୀ ପରିଷଦର ୩ଠ ତମ ପ୍ରତିଷ୍ଠା ଦିବସ ତଥା ନେତାଜୀ ସୁଭାଷ ଚନ୍ଦ୍ର ବୋଷଙ୍କ 125 ତମ ଜୟନ୍ତୀ କୁ ସୁଭାଷପରବ ଭାବେ ପାଳନ ଅବସରରେ ‘ବଲାଙ୍ଗୀରରେ ରାଜ୍ୟର ଦ୍ୱିତୀୟ କୃଷି ବିଶ୍ୱବିଦ୍ୟାଲୟର ଭିତ୍ତିଭୂମି’ ଶୀର୍ଷକ ବିଷୟବସ୍ତୁ  ଉପରେ ଅନୁଷ୍ଠିତ  ଆଲୋଚନାଚକ୍ରରେ ଅତିଥି ବକ୍ତା ବାବରେ ଯୋଗ ଦେଇ ଏହା କହିଛନ୍ତି  ରାଜ୍ୟ ବ୍ରାହ୍ମଣ ମହାସଭାର ସଭାପତି ତଥା ପ୍ରାକ୍ତନ  ଜିଲ୍ଲା ପ୍ରାଣୀ ଚିକିତ୍ସାଧିକାରୀ ଜୟକୃଷ୍ଣ ଦାଶ ଶର୍ମା ।   ସଭା ପ୍ରାରମ୍ଭରେ ଅତିଥିଗଣ ନେତାଜୀ ସୁଭାଷ ଚନ୍ଦ୍ର ବୋଷ ଓ ବୀର ସୁରେନ୍ଦ୍ର ସାଏଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ସଭାର ଶୁଭାରମ୍ଭ କରିଥିଲେ । ପରେ ବିଶିଷ୍ଠ ଶ୍ରମିକ ନେତା ତଥା ସମାଜସେବୀ ଲଳିତ ନାୟକଙ୍କ ଅମର  ଆତ୍ମାର ସଦ୍‌ଗତି ପାଇଁ ଦୁଇ ମିନିଟ ନିରବ ପ୍ରାର୍ଥନ କରାଯାଇଥିଲା । ସଭା ପ୍ରାମ୍ଭରେ ପ୍ରେରଣାର ସଂପାଦକ ରଘୁ ନନ୍ଦନ ସିଂହ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ପରିଷଦର ଆବାହକ ବିରେନ୍ଦ୍ର ବନଛୋର ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ । ପରିଷଦର ଆବାହକ ଲକ୍ଷ୍ମୀ ନାରାୟଣ ପଟ୍ଟନାୟକ ସଭାକୁ ସଂଯୋଜନା କରିଥିଲେ l ଅନ୍ୟତମ ଅତିଥି ଭକ୍ତା ଭାବରେ ସହକାରୀ ଉଦ୍ୟାନ କୃଷି ନିର୍ଦ୍ଦେଶକ କେଶବ ଚରଣ ମିଶ୍ର ଶୀର୍ଷକ ବିଷୟବସ୍ତୁର ବୈଷୟିଗ ଦିଗ ଉପରେ ଆଲୋଚନା କରି ଯୋଗ  ବଲାଙ୍ଗୀରରେ ରାଜ୍ୟର ଦ୍ୱିତୀୟ କୃଷି ବିଶ୍ୱବିଦ୍ୟାଳୟ ସ୍ଥାପନ ପାଇଁ ପର୍ଯ୍ୟାପ୍ତ ଭିତ୍ତିଭୂମି ରହିଛି ବୋଲି ଯୁକ୍ତି ବାଢ଼ିଥିଲେ । ଜଳ, ଜମି, ଜଙ୍ଗଲ, ଜନ୍ତୁ ଓ ଜନ ସଂପଦ କ୍ଷେତ୍ରରେ ବଲାଙ୍ଗୀର ଆତ୍ମନିର୍ଭରଶୀଳ ଥିବା ହେତୁ ଏହା କୃଷି ବିଶ୍ୱବିଦୟାଳୟ ସ୍ଥାପନର ସୁଯୋଗ ସୃଷ୍ଟି କରିପାରିବ ବୋଲି ଶ୍ରୀ ମିଶ୍ର କହିଥିଲେ । ଏହି ଅବସରରେ ନେତାଜୀ ସଂଗ୍ରାମୀ ପରିଷଦ ପକ୍ଷରୁ ମାଣ୍ଡୋସିଲର ଆଜାଦ ହିନ୍ଦର ସଂଗ୍ରାମୀ ଶେଖ୍ ରମଜାନ୍ କୁରେସୀଙ୍କୁ ମରଣୋତ୍ତର ସୁଭାଷ ପରବ  ସମ୍ମାନରେ ସମ୍ମାନିତ କରାଯାଇଥିଲା । ଏହାକୁ ସ୍ୱର୍ଗତ ରମଜାନ କୁରେସୀଙ୍କ ପୁତ୍ର ଅଲି ମହମ୍ମଦ କୁରେସୀ ଗ୍ରହଣ କରିଥିଲେ । ସଭା ପ୍ରାରମ୍ଭାରେ ପରିଷଦର ସଭ୍ୟ ଏଡ୍‌ଭୋକେଟ ଗୋପାଳ ହୋତା ଅତିଥି ପରିଚୟ ପ୍ରଦାନ କରିଥିବା ବେଳେ ରାଜେନ୍ଦ୍ର ଶର୍ମା ଧନ୍ୟବାଦ ଅର୍ପଣ କରିଥିଲେ । ସକାଳେ ନେତାଜୀ ସଂଗ୍ରାମୀ ପରିଷଦ ପକ୍ଷରୁ ଜିଲ୍ଲାପାଳଙ୍କ ଆବାସିକ କାର୍ଯ୍ୟାଳୟ ନିକଟସ୍ଥ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା ।  ଏହି ସମସ୍ତ କାର୍ଯ୍ୟକ୍ରମରେ ସହରର ବହୁ ବୁଦ୍ଧିଜୀବୀ, ସଚେତନ ନାଗରିକ ଓ ସୁଭାଷ ପ୍ରେମୀ ଯୋଗ ଦେଇଥିଲେ ।