17-Jun-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ବିକଶିତ ଓଡିଶା @୨୦୩୬ ରେ ଜିଲ୍ଲାର ବିକାଶ କୁ ଯୋଡିବାକୁ"ବିକାଶିତ ଜିଲ୍ଲା ବିକାଶିତ ଓଡ଼ିଶା" ବିଷୟରେ ଜିଲ୍ଲା ସ୍ତରୀୟ କର୍ମଶାଳା ଆଜି ସୋନପୁର ବ୍ଲକ କନଫରେନ୍ସ ହଲରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମ ମାନ୍ୟନୀୟ ବିଧାୟକ, ବିରମହାରାଜପୁର ଇଂ ରଘୁନାଥ ଜଗଦଲାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ବିକଶିତ ଓଡିଶା ନିମନ୍ତେ ସୁବର୍ଣ୍ଣପୁର ଜିଲ୍ଲା କୁ ବିକଶିତ କରିବାକୁ ହେବ ସେଥିପାଇଁ ଆମସମସ୍ତଙ୍କୁ ଏକତ୍ରିତ ହୋଇ ସରକାରଙ୍କ ବିଭିନ୍ନ ଯୋଜନା/ପ୍ରକଳ୍ପକୁ ପୂର୍ଣ୍ଣ ନିଷ୍ଠାର ସହ କାର୍ଯ୍ୟନ୍ୱୟନ କରିବାକୁ ଆହ୍ୱାନ କରିଛନ୍ତି। ପୁନଶ୍ଚ ଜିଲ୍ଲାରେ କାର୍ଯ୍ୟରତ ଅଧିକାରୀ ନିଜ ନିଜ ବିଭାଗ ସମ୍ପର୍କିତ ଜନ କଲ୍ୟାଣ ତଥା ଜିଲ୍ଲାର ବିକାଶ ନିମନ୍ତେ ପ୍ରକଳ୍ପର ପ୍ରସ୍ତାବ ପାଇଁ ପରାମର୍ଶ ଦେଇଛନ୍ତି। ସେ ଏହି ଅବସରରେ  ଜିଲ୍ଲା ବିକାଶ ପାଇଁ  ଗ୍ରାମ୍ୟଞ୍ଚଳର ବିକାଶ ଉପରେ ମଧ୍ୟ ଗୁରୁତ୍ୱ ପ୍ରଦାନ କରିଥିଲେ। ଏହି ଗୁରୁତ୍ୱପୂର୍ଣ କର୍ମଶାଳାରେ ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ,, ସି.ଡି.ଓ. ଅଶ୍ୱିନୀ ମେହେର, ମାନ୍ୟନୀୟ ସାଂସଦ ବଲାଙ୍ଗୀରଙ୍କ ପ୍ରତିନିଧି ଶରତ ଶତପଥି, ସ୍ଥାନୀୟ ନେତୃ ମଣ୍ଡଳୀ, ଶିକ୍ଷାବିତ, ଜିଲ୍ଲାର ବିଭିନ୍ନ ସାମାଜିକ ସଂସ୍ଥାଗୁଡ଼ିକର ପ୍ରତିନିଧ, ବ୍ୟବସାୟ ଏବଂ ଶିଳ୍ପ ସଂଘର କର୍ମକର୍ତ୍ତା, ବେସରକାରି ସଂଗଠନ ଓ ସିଭିଲ ସୋସାଇଟି ପ୍ରତିନିଧିମାନେ ଉପସ୍ଥିତ ଥିଲେ। ଏହି କର୍ମ ଶାଳାରେ ଅଧ୍ୟକ୍ଷ ଉପସ୍ଥିତ ସମସ୍ତ ସଦସ୍ୟ ସଦସ୍ୟା ଙ୍କୁ ଜିଲ୍ଲାର ବିକାଶ ନିମନ୍ତେ ଆବଶ୍ୟକ ପ୍ରକଳ୍ପ ତଥା ଯୋଜନା ଉପରେ ମତାମତ କରିବାକୁ ଆହ୍ୱାନ କରିଥିଲେ। ସେହି ପରିପ୍ରେକ୍ଷୀରେ ସଦସ୍ୟା ସଦସ୍ୟ ପ୍ରମୁଖ କର୍ମଶାଳାରେ ଜିଲ୍ଲାର ବିକାଶ ଅଂଶ ସ୍ୱରୂପ ରୋବୋଟିକ ପାର୍କର ନିର୍ମାଣ ସହ ସରକାରୀ ପଲିଟେକନିକ୍‌ କଲେଜ୍ରେ ନୂତନ ଶାଖା ଖୋଲିବା ପାଇଁ ପ୍ରସ୍ତାବ ଦିଆଯାଇଛି। ପୁନଶ୍ଚ
ସେଣ୍ଟ୍ରାଲ ଟୁଲ ରୁମ୍ ଏବଂ ଦକ୍ଷତା ବିକାଶ କେନ୍ଦ୍ର ଖୋଲିବା ପାଇଁ ମଧ୍ୟ ପ୍ରସ୍ତାବ ପ୍ରଦାନ କରାଯାଇଛି।
ଜିଲ୍ଲାରେ ନୂତନ E - ଲାଇବ୍ରେରୀ ନିର୍ମାଣ, ନୂତନ ମତ୍ସ୍ୟ କଲେଜ ଓ ଟେକ୍ସଟାଇଲ କଲେଜ ପାଇଁ ପ୍ରସ୍ତାବ ଦିଆଯାଇଛି। ଜିଲ୍ଲାର କୃଷି ଓ କୃଷକ ଙ୍କ ସମୃଦ୍ଧି ଓ ବିକାଶ ପାଇଁ ଅର୍ଥକାରୀ ଫସଲ ଓ ଫସଲ ବିବିଧ‌ିକରଣର ବହୁଳ ପ୍ରଚାର ପ୍ରସାର ସହିତ ଜଳସେଚନର ସୁନିଶ୍ଚିତ ସହ ପର୍ଯ୍ୟଟନର ବିକାଶ ନିମନ୍ତେ ଜିଲ୍ଲାର ସୀମା ମଧ୍ୟରେ ପ୍ରବାହିତ ତେଲ ନ‌ଦୀ ଓ ମହାନଦୀ ର ପ୍ରତି ୧୦ କିମି ବ୍ୟବଧାନରେ ବିନା କୌଣସି ବିସ୍ଥାପିରେ ଚେକ୍ ଡେମ୍ ପାଈଁ ପ୍ରସ୍ତାବ ଏବଂ ଚାଷ ଓ ଚାଷୀଙ୍କ ସୁରକ୍ଷା ନିମନ୍ତେ ତେଲ ନ‌ଦୀ ଓ ମହାନଦୀରେ  ଆବଶ୍ୟକୀୟ ବନ୍ୟା ନିୟନ୍ତ୍ରଣ ପାଇଁ ପଦକ୍ଷେପ ନିଆଯାଉ। ଜିଲ୍ଲାର ସଂସ୍କୃତି ଓ ପର୍ଯ୍ୟଟନର ବିକାଶ ପାଇଁ ପାତାଳୀ ଶ୍ରୀକ୍ଷେତ୍ର ଓ ଅନ୍ୟାନ୍ୟ ପର୍ଯଟନସ୍ଥଳୀ ଯଥା ପାପକ୍ଷୟ, ଚରଦେଇ.ପ୍ରଭୁତିର ସାମଗ୍ରିକ ବିକାଶ ନିମନ୍ତେ ପ୍ରସ୍ତାବ।ସହ ଭୀମଭୋଇ ଙ୍କ ଜନ୍ମପୀଠ କୁ ପର୍ଯ୍ୟଟନସ୍ଥଳୀ ରୂପେ ମାନ୍ୟତା ଦେବା ପାଇଁ ପ୍ରସ୍ତାବଦିଆଯାଇଛି।ବୟନ ଶିଳ୍ପର ବିକାଶ ନିମନ୍ତେ ପ୍ରସ୍ତାବ ଦିଆଯାଇଥିବାବେଳେଜିଲ୍ଲାର ପରିବହନ କ୍ଷେତ୍ରରେ
 ସୋନପୁର - ସମ୍ବଲପୁର୍ - ପୁରୀ ଓ ଖୋର୍ଦ୍ଧା - ବଲାଙ୍ଗିରକୁ ରେଳ ସଂଯୋଗ ତଥା ସୋନପୁର ଜିଲ୍ଲାରେ ବିମାନ ବନ୍ଦର ପାଇଁ ପ୍ରସ୍ତାବ ଦେଇଛନ୍ତି ଉପସ୍ଥିତ ସଦସ୍ୟ ସଦସ୍ୟା। ଜିଲ୍ଲାକୁ ଶିଳ୍ପ ସମୃଦ୍ଧ କରିବାକୁ ପ୍ରତି ପଞ୍ଚାୟତରେ MSMEର ପ୍ରତିଷ୍ଠା ସହ ଟେକ୍ସଟାଇଲ୍ ଶିଳ୍ପ ପାଇଁ ପ୍ରସ୍ତାବ ଦେଇଛନ୍ତି।