11-Jun-2025

(ଡୋଲେଶ୍ୱର ବାଗ)
ନୂଆପଡ଼ା ଜିଲ୍ଲା ଖଡିଆଳ ଥାନା ପକ୍ଷରୁ ଏକ ବାଇକ୍ ଚୋରି ଦଳକୁ ଠାବ କରି ବିପୁଲ ସଫଳତା ହାସଲ କରିଛନ୍ତି। ୧୫  ଗୋଟି ଚୋରା ବାଇକ୍ ଉଦ୍ଧାର କରିଥିବା ବେଳେ, ୪ ଅଭିଯୁକ୍ତଙ୍କୁ  ଗିରଫ କରି କୋର୍ଟ ଚାଲାଣ କରିଥିବା  ଅତିରିକ୍ତ ଆରକ୍ଷୀ ଅଧିକ୍ଷକ ରାମଜିତ ନାଏକ ଏକ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଥିଲେ। ଗତ ୮ ତାରିଖ ରେ ଜୟ ଦେବ ପଣ୍ଡା ଙ୍କ ଅଭିଯୋଗ କୁ ଭିତ୍ତି କରି  ଖଡିଆଳ ଥାନା ମାମଲା ନମ୍ୱର୍ ୧୬୮/୦୮.୦୬.୨୦୨୫ ରେ ମାମଲା ରୁଜୁ ହୋଇଥିଲା। ଏହି ଘଟଣା ତଦନ୍ତ ହରେକୃଷ୍ଣ ଜାନୀ, ଏବଂ ରାଜେଶ ଅଗସ୍ତି ଦାୟିତ୍ବ ନେଇଥିଲେ। ଘଟଣାର ତଦନ୍ତ କରି  ଖଡିଆଳ ପାଖା ପାଖି ଅଞ୍ଚଳ ର ୪ ଅଭିଯୁକ୍ତ ଗିରଫ ହୋଇଥିବା ବେଳେ ତାଙ୍କ ଠାରୁ ୧୫ ଗୋଟି ବିଭିନ୍ନ କପାନି ବାଇକ୍ ଜବତ୍ କରିଛନ୍ତି। ଯାହାର ଆନୁମାନିକ ମୂଲ୍ୟ ୬  ଲକ୍ଷ ବୋଲି ପ୍ରକାଶ କରିଛନ୍ତି। ଅଭିଯୁକ୍ତ ମାନେ ବିଭିନ୍ନ ମାମଲାରେ ପୂର୍ବରୁ ଗିରଫ ହୋଇ ଜାମିନ ରେ ରହିଛନ୍ତି।