06-Jun-2025

- ସୋନପୁର (ମନୋରଞ୍ଜନ ତ୍ରିପାଠୀ) ଆସନ୍ତା କାଲି ସୁବର୍ଣ୍ଣପୁର ଜିଲ୍ଲା ଗସ୍ତ ରେ ପହଞ୍ଚିବେ ଓଡ଼ିଶା ରାଜ୍ୟର ନୂଆଁ ମୁଖ୍ୟ ମନ୍ତ୍ରୀ ମାନ୍ୟବର ଶ୍ରୀ ଯୁକ୍ତ ମୋହନ  ଚରଣ ମାଝୀ l ଜିଲ୍ଲା ବିକାଶ ର ସମୀକ୍ଷା କରିବେ ଅନେକ ମେଗା ପ୍ରକଳ୍ପ ର ଶୁଭ ଉଦ୍ଘାଟନ କରିବେ l ଏଥି ପାଇଁ ଜିଲ୍ଲା ବିଜେପି ନେତା କର୍ମୀ ଓ ଜିଲ୍ଲା ପ୍ରଶାସନ  ଚଳ ଚଞ୍ଚଳ ହୋଇ ଉଠିଛି l ଭବ୍ୟ ସ୍ଵାଗତ ପାଈଁ ସପ୍ତାହେ ପୂର୍ବରୁ ଚାଲିଛି ପ୍ରସ୍ତୁତି l ସମୀକ୍ଷା କରନ୍ତୁ ନୂଆଁ ପ୍ରକଳ୍ପ ଉଦଘାଟନ କରନ୍ତୁ ସ୍ୱାଗତ ଯୋଗ୍ୟ ପଦକ୍ଷେପ l କିନ୍ତୁ ବିଗତ ସରକାର ଙ୍କ ଭୋଟ ରାଜନୀତି ପାଇଁ ଅଧୁରା ରହି ଥିବା ଅତ୍ୟାଧୁନିକ ନୂଆଁ ବସଷ୍ଟାଣ୍ଡ, ରିଙ୍ଗ ରୋଡ, ଅଙ୍ଗ କେନାଲ ସମ୍ପ୍ରସାରଣ, ଜିଲ୍ଲା ସଦର ମହକୁମାର ଏକ ମାତ୍ର ମହିଳା କଲେଜ ର ନୂଆଁ ବିଲ୍ଡିଂ କାର୍ଯ୍ଯ କୁ ତ୍ୱରାନ୍ୱିତ କରିବା ଭଳି ଅନେକ ମେଗା ପ୍ରକଳ୍ପ କୁ ତୁରନ୍ତ ତ୍ୱରାନ୍ୱିତ କରିବା ଦାବୀ ଓ କୃଷୀ ବିଶ୍ୱ ବିଦ୍ୟାଳୟ, ସୋନପୁର କଲେଜ କୁ ସରକାରୀ ମାନ୍ୟତା ଓ ମେଡିକାଲ୍ କଲେଜ ସ୍ଥାପନ, ଡାକ୍ତର ପଦବୀ ପୂରଣ ଭଳି ଜିଲ୍ଲା ବାସୀ ଙ୍କ  ଏ ସବୁ ଗୁରୁତ୍ବ ପୂର୍ଣ୍ଣ ବିଷୟ ବା ଦାବି ଉପରେ, ଶିକ୍ଷା ସ୍ବାସ୍ଥ୍ୟ ଭଳି ଲୋକ ଙ୍କ ମୌଳିକ ସମସ୍ୟା ର ସମାଧାନ ଉପରେ ଏ ସରକାର କୁ ମୂଖ୍ୟ ମନ୍ତ୍ରୀ ଙ୍କୁ ପ୍ରଥମେ ଗୁରୁତ୍ଵ ଦେବାକୁ ପଡ଼ିବ l କାରଣ ଓଡ଼ିଶା ର ନିର୍ବାଚନ ବିଗୁଲ ବାଜିଥିଲା ଏ  ମନ୍ତ୍ର ଯନ୍ତ୍ର ତନ୍ତ୍ର ସିଦ୍ଧି ପୀଠ ରୁ ମାଟିରୁ l ଭାରତ ସରକାରଙ୍କ ଚାଣକ୍ୟ ତଥା ଦେଶ ର ଖୋଦ୍ ଗୃହ ମନ୍ତ୍ରୀ ମାନ୍ୟବର ଅମିତ୍ ଶାହା ଏଇ ମା ସୁରେଶ୍ଵରୀ ଙ୍କ ମାଟିରେ ମନ୍ଦିର ମାଳିନୀ ସହର ରେ ନିର୍ବାଚନ ବିଗୁଲ୍ ବଜେଇ ପରିବର୍ତ୍ତନ ର ଦୃଢ଼ ସଂକଳ୍ପ ନେଇଥିଲେ l ଓ ତାହା ମଧ୍ୟ ପ୍ରମାଣ କରି ଦେଖେଇଲେ l ତେଣୁ ଏ ଜିଲ୍ଲା ର ଦୃତ ବିକାଶ ଲାଗି ବିଭିନ୍ନ ପ୍ରସ୍ତାବ ଉପରେ ବୁଦ୍ଧିଜୀବୀ, ଆଇନ୍ ଜିବୀ,ମିଡିଆ, ଚାଷୀ , ବରିଷ୍ଠ ନାଗରିକ ଓ ସ୍ବୟଂ ସହାୟିକା ଗୋଷ୍ଠୀ ମହିଳା ଙ୍କ ସହିତ ଖୋଲା ଆଲୋଚନା ପାଇଁ ମାନ୍ୟବର ମୁଖ୍ୟମନ୍ତ୍ରୀ ପୂର୍ବ ରୁ ପ୍ରସ୍ତୁତି ହୋଇ ଆସନ୍ତୁ  ଓ  ଲୋକ ଙ୍କ ସରକାର ଏବଂ ଓଡ଼ିଶା ର ଲୋକ ପ୍ରିୟ ମୂଖ୍ୟମନ୍ତ୍ରୀ ର ପ୍ରମାଣ ଦିଅନ୍ତୁ l କାରଣ ବିଗତ ଦିନରେ ଦେବଗଡ ଜିଲ୍ଲା ଗସ୍ତ ରେ ଯେଭଳି ଜିଲ୍ଲା ବାସୀ ଙ୍କୁ  ଓ ଏ ସମସ୍ତ ବର୍ଗ ଲୋକ ଙ୍କୁ ସାକ୍ଷାତ ପାଇଁ ଗ୍ରିଭେନ୍ସ ପାଇଁ ବାରଣ କରାଗଲା l ସର୍କିଟ ହାଉସ ପଛ ପଟ ଝରକା ବାଟେ ଦାବୀ ପତ୍ର ଗ୍ରହଣ କରିଥିଲେ ଏଠି ତାହା ପୁନରାବୃତ୍ତି ନ ହେଉ l କାରଣ ଏ ମାଟି ରୁ ପରିବର୍ତ୍ତନ ର ସ୍ବପ୍ନ ଓ ସଙ୍କଳ୍ପ ସାକାର ହୁଏ ତାହା ରାଜ୍ୟ ବାସୀ ଦେଶ ବାସୀ ଜାଣିଲେ ଗତ ନିର୍ବାଚନରେ l